بيتك مكركب قديم مكسر ... مالحل ؟؟وكيف تستقبلين ضيوفك

عندي قريبه بيتها قديم والسقف محتاج ترميم يعني البيت على بعضه كله حالته مزريه ومحتاج تجديد
لأنه ولاحاجه فيه تقدر تعدلها وهي ظروفها ماتسمح وماعندها حد يساعدها عارفين هاليومين الناس
كل واحد يالله نفسي وهي مسكينه متاثره نفسياً محد يزورها ولا تزور احد المسكينه ينقلب وجهها
الوان لحد قالها بنجيك نسيير عليك ماتعرف تستقبل احد صارت تخجل ان احد يدخل بيتها
وهي الحين حامل وبالتاسع على وشك ولاده ومحتاره شتسوي مع استقبال الولاده
عارفين الناس هاليومين يكشخون ويغيرون بالديكور ويزينون بيوتهم حق استقبال الحريم وهي مالها
وجه تستقبل احد :(
اذا على الأغراض ممكن ادبرها لها يعني مفرش على سرير على سجاده بس المشكله الكبيره
ان البيت نفسه حالته لله ومحتارين بالحل :(

62 تعليق 10,877 مشاهدة

شاركي في النقاش

سجلي الدخول لإضافة تعليق.

التعليقات

48
  1. حبيبتي كل واحد على قد حاله ليش ترهق نفسها بمصاريف ماهي قادره عليها

    انا حالتي اردى من حالتها والحمد لله راضيه ومبسوطه .. ويوم جبت ولدي ماحد زارني الا قليل

    لان غرفه الحريم ماهي مفروشه .. واعطتني جاراتي مساند للظهر وفرش وحطيته وضيفتهم وراحوا

    ماعلي من احد اهم شي العافيه .. مع ان عيشتي ببيت اهلي فرق السما عن الارض عن عيشتي الحين الحمد لله على كل حال .. بس الحمد لله شقتي نظيفه ماهي قديمه بس نفس الحاله ماعندنا استاطعه ناثث

    مد لحافك على قد رجولك
    الله يوفقها ويقومها بالسلامه
  2. @am_lm_7

    الله يعينها والله...بس اذا هي مرة ما تقدر تسوي شي تفك راسها والبيت باصحابه على قولتهم واللي بيجي يزورها يجي عشانها مو عشان المظاهر... و فيه ناس كثير بيوتهم فخمة و ما ترتاحين فيها وناس بيوتهم حالتها حاله وما تملين من الجلسة عندهم... والله يسهل عليها ويقومها بالسلامة:26:
  3. صاحبة الموضوع
    الله يسعدككم هي ماقصدها فشخره ولا مظاهر بس هي تبي الستر واي وحده بمكانها لازم تتأثر من الشي
    هذاو لو البيت موماثث مو مشكله يتجمل باشياء بسيطه بس البيت بكبره محتاج تعديل وهي مابيدها حيله وفشله يدخلون عليك ناس وحالتك كذا و مافي حد مايحب الزين اهي تبي بس تبي تظهر بشكل لائق
    قدام الناس
  4. @kob_hlyb_1

    يعني الي يبي يجيها ...يجيها لنفسها وعلشانها مو علشان البيت
    وهذه قدر الله انها تسكن في هذه البيت خلاص تكيف نفسها معاه وتستقبل الناس مثل ما تبي وعلى راي المثل
    الضيق بالقبر مو بالبيت

تابعي تجارب أخرى من هذا القسم.