= على المكشوف حصريا لكل وحدة صريحة وجريئة =

شكراً على مروركم عزيزاتي ونورتوني برزيارتكم

ترتيبي آخر العنقود
أمي وأبوي عرفوا إنهم ما يقدرون يجيبون من بعدي طفل لأن كان في خطوره على حياة أمي الله يحفظها
وأبوي الله يخليه لنا من خوفه عليها وافق على إنها ما تجيب له عيال مع إنهم كانوا في العشرينيات من عمرهم
واكتفوا فينا نحن الـ 7

كنت أحب الوجبات السريعة حالي حال أي طفل كنتاكي وبيتزا هت الخ..... فيجيبوا لي على طول
فطلعت تغذيتي غير سليمة والحين كبرت وصرت ما أحب شي مفيد
يعني لا (خضرة - فواكه - لحم - سمك - رز - الدجاج بس الصدر أتقبله ولازم بدون جلد وعظم) يعني
يوم أحمل أتعب كثير

شربت في الرضاعة لين 4 سنين فسد نفسي عن الأكل

كنت إللي أبغيه لازم أحصله فصرت قليلة الصبر

من خوفهم علي كنت ألعب في البيت ومع ناس محددين ومعينين اللي هم الأطفال المسالمين من عمري وعيال الأهل بس فصرت ما أحب أخالط إلا من كنت معاهم في طفولتي وغير جذي آخذ وقت طويل بالسنين لين أتعود على الناس


بس في نواحي إيجابية اكتسبتها مثل
أحب أحن على الناس وأعطف عليهم
أقول كلمة الحق لو على نفسي لأني عارفة محد بيقدر يضرني
اكتسبت القوة
يوم فقدت ولدي حمدت ربي لأنه طول عمري وربي يعطيني وعمري ما انحرمت من شي فما فيها شي لو ربي أخذ مني شي واحد ولو هو غالي وايد ومتأثرة أكيد بفراقه
بس الله سبحانه وتعالى خلاني محظوظة وإن لي أهل ما يخلوني أبات الليل وأنا في شي في خاطري
وصحيح ربي أخذ مني بس رجع وعطاني الحمد لله طفل ثاني وبعد يعطيني ويعطيني فحمدك وشكرك يارب

كانوا يكلموني بنوعومة زايدة ... لين صرت يوم أتكلم وكأني أتصنع الدلع تقولون جني حليمة بولند
وهذا الشي يسبب لي إحراج كثير .... وخصوصاً إذا إللي أكلمة رجال غريب ... فأحاول وأتصنع وأتكلم عادي بس إذا اندمجت شوي أرجع على حقيقتي .... وإذا انتبهت أقول في خاطريلا يضن إني قمت أخورها وأقصد التميع والدلع :(

صحيـح يا خوات أم نوف و نواف ذكرتني
بأن فعلاً الدلع الزايد مايخلي الوحدة قد المسؤولية
وعلى الأقل هي أفضل عني يمكن تعلمت
لكن أنا ماتعلمت كل هذا .... والدليلإني يوم تزوجت
فضلت أجلس في بيت أهلي مع زوجي ... أولاً لأني ما أعرف كيف أتصرف إذا فتحت بيت وجوني ضيوف
ولا أقدر أبعد عن أمي وأبوي لأني أتعب نفسياً كثير
لأنهم عودونيأكون معاهم في كل مكان دايماً
وإذا سافروا أجلس أبكي مثل الطفل وأقول لزوجي أبغيهم
ولازم أكلمهم ويكلموني يومياً
وباجر سفرهم ما تتخيلون كيف ضايق خلقي :(

والله يحفظ لي أمي وأبوي ويطول لي في أعمارهم قولوا آمين[/QU
عجبتيني يوم قلتي الحمدلله يوم توفى ولدك لانك هذا من شكر الله على نعمه واعت:) رافك بانك مانحرمتي من شي ابد وتقبلتي فقد ولدك بالصبر والحمد
ماشاء الله عليك

موضوع مفيد جدا جزاك الله خيرا اختي
ما استغربه وبشدة كيف نعمل امورا كنا نكرهها و نعاني منها مع اهلنا على الرغم من تعلمنا الطرق الصحيحة في التربية وكأن لسان حالنا يقول: معهم حق !!! . اتمنى ان تكون هذه العبارة غير منطبقة هنا ( من شب على شيء شاب عليه )

انا خطأ اهلي انهم دلعوني مرررررررررررره خأصة بابا الله يطول بعمره
وعودني اذا بغيت لازم احصله كيف ماكان وهذا شي حلو وشين
لأني توهقت يوم تزوجت على انه مايقصر لكن مو زي ابوي وماراح يصير مثله ابد.....

موضوعك نااايس وحلووو :26:

عن نفسي .. حرص اهلي الزااااايد علي .. يعني لا صديقات لاطلعات لا تلفونات << بشكل مبااالغ فيه

الحين بعد الزواج حسيت اني بس ابغا اطلع .. وادووور على الصديقات والخروووج .. مااحب قعدت البيت ابداااا .. يعني احس صار رده فعل غير جيده وخصوصا زوجي تاركلي الحبل عكس اهلي تماما

يعني اطلع متى ماابغا وارجع البيت لو الفجر مومشكله .. مو شرط اسئله او اخد اذنه زي كده ..

عشان كذا ناويه احرص على اولادي .. خير الامور الوسط .. احرص عليهم

و بنفس الوقت اعطيهم شويه ثقه والمساحه من الحريه مطلوووبه ..