اسكن عند اهل زوجي والا انثبر عند اهلي والا اتعلق بثوب رجلي والزم على شقه ؟؟!!!

أختى الفاضلة من تجربة خاصة صعب جداً انك اتعيشي رتاحة في بيت أهل زوجك مستحيل وخصوصاً ما عندك حمام خاص لو في حمام راح تتحملى سنة ونص مع انها صعبة انا ساكنة في بيت أهل زوجى واحبهم وعلاقتى قوية فيهم بس مو مرتاحة نفسياً ما احس انى متزوجة لازم بس في الغرغة بدون عبايه صعب جداً ما عندك مكان تجلسى فيها غير الغرفة صعب جداً يمكن ودك تطبخى شي على راحتك تعزمى احد من أصاحبك ما في حرية ابداً ولا استقرار وأهم شي الاستقرار في الحياة الزوجية

الغالية ندى الورد

من جد مشكللللللللة..!!

من رأيي انكم تاخذون شقة أي كلاااااام و تقنعين زوجك بأنه يقنع أهله أ، السبب الرئيسي هو القرب من الجامعة و القرب فقط..
و أنكم ودكم تسكنون معهم لكن القرب من الجامعة له دور و يوفر عليكم صرفية بنزين بالإضافة إلى ميزة الوقت..
حااااااااولوا تقنعونهم بشتى الطرق..لكن مسألة إنك تسكنين معهم..ما أدري لا أؤيد أبدددددا..لأنها مدعاة إلى المشاكل مهما كانت تافهة و صغيرة..

و أهممممم شيء,, ادعي الله في الليل و النهار انه يكتب لكم ما فيه الخير و الخيرة..

الله يجزاااااااااااااااااكم بالخير
وقفتكم معاي ماانساها وكلامكم الدرر فعلا رفع من معنوياتي ..

شريفه عزوتي هاشمية
لا فض فوك يالغاليه .. والا نصيحتك ثمييييييينه .. وكأنك بتتكلمي او بتكتبي اللي افكر فيه..

وابغى اقولكم يابنات اني وابو دحموني خلاص الحمدلله ربي شرح صدورنا لحل يرضي الطرفين ويبعدنا عن المشاكل وهالكلام جا بعد تفكير واستشاره ..
قررت اني اجلس في بيت اهلي الين يرجع لنا بالسلامه بعد سنه ونصف وهو ان شاءالله ماراح ينقطع عنا شهريا يجينا او انا اروحله .. وراح يوفرلي غرفه مريحه في بيت اهلي واستمر في وظيفتي وعرض علي يجيب لي شغاله بس انا رفضت لان ولدي اوديه حضانه معايا وفيه شغالتين في بيت اهلي ..
ماتتخيلون قد ايش كبرت في عينه ويقول وقفتك هاذي ماراح انساها لك ..
لان تنازلي مو شئ سهل ابد ويعلم الله اني ماودي اسيبه لكن ظروفنا فعلا ماتسمح وبعدين على قولته راح يكون مشغول بدراسته وانا راح اطق هناك لا وظيفه ولا زيارات ولا شئ ..
وانا ماقررت هالقرار الا لما شفته محتااااااااااار وشايل هم كيف يرضيني ويوفر لي سكن وكيف يمشي امورنا المادية هناك وكيف يقنع اهله انا نسكن سكن مستقل .. قلت يابنت معليش لا اصير انا والفلوس واهله عليه .. خلاص افكله ازمة مع اهله وازمة السكن والايجار ونبعد عن المشاكل وكلها سنه ونص ويعوضني ان شاءالله ..

وحكاية الحمل اذا ربي كاتبلنا الحمل ماراح يرده شئ ..
ادعولنا ربي يكتب لنا الخير وييسر لنا امورنا ..

دمتم لي ولاحبابكم

الله يعينك اولا شي استخيري
انا بصراحه احسها صعبه 3 اشخاص في غرفه وحمام مشترك حاولى تقنعين زوجك يدور شقه صغيره ورخيصه حتى لو يسوي جمعيه اهم شي الرحه النفسيه وبعدين الرياض فيها الشقق الغاليه والشقق الرخيصه حسب المنطقه والمبنى

:icon28:


الحمد لله الموضوع انحل .... الله يوفقكم ويباركلكم ويسعدكم :26: