ودي ما اهتم..ودي ما انفعل..ليتني صخر بدون احساس !! العصبيه عذبتني !!

اضم صوتي لصوتك انا عصبية واطلع من طوري بسررعة ابغى حل تكفون انقذوني help me

والله انا اذا عصبت اشرب ماى واتعوذ من الشيطان ...حاولى تتماسكين نفسج روحى اخذى اورقه وشخبطى فيها طلعى الحره ولاتكتمينها ...والبنات ماقصروا..ولاتنسين احنا مثلج واكثر وبعدين اللى تقول سنها صغير عالعصبيه لا مو شرط فيه اطفال مايتعدون الخمس سنوات هم عصبيين ..وترا الجلوس على النت بكثره يجيب التوتر والإنفعال<<انا سمعت عن هالشى

والله انا مثل ماقلت حاولت بشتى الطرق اني اغير من طبعي واذكر نفسي ان هالدنيا فانيه وماتحتاج لكل هالانفعال..

بس المشكله..في لحظات احس اني بنفجر واذا هديت وتذكرت حالتي انقهر حيييييييل

....ويعطيكم العافيه على الردوود وماتقصرون وان شاءالله نلقى الحل لهالمشكله يا ام المزن

والبنات مايقصرون قالوا لنا بعض النصايح ان شاءالله بنحاول والله يوفق الجميع

اختي يمكن طبيعة المرحله العمريه الي انتي فيها قاعده تفرض عليج العصبيه لكن هذا مو حجه لمتابعه هذا النمط لأنج باجر لما تتذكرين ايام المراهقه بتشوفينها صفحه سواء وغير سعيده في ذكرياتج ..حاولي تحبين الحياه وتفائلي واهم شي إرادتج وتصميمج ..آنه كنت جذي في نفس مرحلتج لكن اتعلمت الهدوء وضبط النفس لما دخلت الجامعه وتعلمت بعد انه العصبيه بتخليني ما اشوف شي حلو في حياتي ,,
لما تشوفين انسان معصب قدامج راقبيه وبتشوفين شلون يتحول لوحش وبتكرهين هذا الطبع صدقيني لأنه الأنسان ما يشوف طبعه ,, دائما اتذكري انه الانسان العصبي تنفر منه الناس ويصير غير محبوب لتصرفاته

الخطوه الثانيه انتي مراهقه و وقتج كبير حاولي تشغلينه بأمور تعلمج برود الأعصاب والهدوء المنطقي مو الهدوء الساذج ,,

مثلا تعلمي مهارات يبغى لها صبر وتدريجيا بتتعلمين الصبر والهدوء مثل الرسم وفن الكروشيه والخياطه والخزف وقراءة الكتب...وغيرها من الامور الي تشغلج,,

اخيرا خلج متفائله وتحبين الناس وحطي في بالج انج لما تعصبين راح تغلطين بحق نفسج وحق الناس حولج..فأكيد ما تحبين تغلطين على الناس على الاقل!

عزيزتي تقولين ليتني كنت صخر بدون احساس !! اقولج ترى الاحساس نعمه وعدم الاحساس بلاء وعذاب ..
والله يوفقج ويهديج حبيبتي