الموضوع مغلق

:: بنوتات الرياض الفله وين تواعدون صديقاتكم وتطلعون معهم ابي اماكن حلوه جديده ::

السلام عليكم

صبحكم الله بخير بنوتات

الله يعافيكم انا موصيتني وحده غاليه علي وتبي تطلع مع صديقاتها هم ثلاث بنات بس يعني مو كثار

ويبون مكان حلو ووسيع صدر وهادي يطلعون له وينبسطون فيه

يعني مكان مايكون ازعاج واطفال وحوسه مايبون ملاهي وهالاشياء

فكرنا بمملكة المرأه بس ملوا منها ومركز سلمان وصراحه ماعاد ينبغى ولا يوسع الصدر

ومافي اماكن نسائيه تفتح النفس نعرفها

طيب وش اقتراحاتكم سوا مطعم ... او كوفي شوب

وياحبذا لو يكون بمجمع منها يتسوقون ويتمشون

او مكان ينفع لبنوتات بالجامعه مو كبار يأخذون راحتهم فيه وينبسطون

او اذا فيه اماكن نسائيه جديده علمونا عنها بس تكون حلوه << مع اني ماهقيت فيه

لانهم موصينها هي تختار المكان وماابيها تتفشل بمكان مو حلو

ولا عليكم امر انتظركم تراها معتمده على الله ثم عليكم :)

ياليت الي دايم تتواعد مع صديقاتها او تعزمهم تقولنا وين يروحون

62 تعليق 8,296 مشاهدة

شاركي في النقاش

سجلي الدخول لإضافة تعليق.

التعليقات

61
  1. @tatsh_lof

    عندك الملتقى هادي وفخم اتوقع بالملز وكمان المناهل بحي السفرات بس صغيرون ووووهذاالي ببالي
  2. @skr_mkr

    المناهل حلو وهادي :)
    وحديقه الشاي حلوه بعد
    وانواع القهوه المبنى الجديد بس لسه مارحت له
    وكب اند شينو يمدحون القعده اللي على الشارع :26:
  3. @aga_allyl

    ياربي مثلي
    ادور مكان حلو وماحصلت!
    عيني على coffe day
    مكتوب تحته نسائي وجلنار وشهو بالضبط مدري !!!
    مقابل محل لمسات طيبه ابي احد اذا يعرف عنه شي يقولي يستاهل العنوة ولالا

    ونتظر اجوبة البنات يدلونا

تابعي تجارب أخرى من هذا القسم.