مجلس السوريات الجديد عامر بذكر الله عزوجل

كيفكون يابنات وين غاطين في بنات كتير صرلون زمان مو مبينين متل شام ياذا السيف ولوليا ونور الدرب وعاشقة الحب وينكون طمنونا عنكون

هنودة كيفك وكيف تركيا شلون الجو عندكون حلو ولاشوب قربت عمرتكون استعدو للشوب تبع مكة بس سبحان الله العمرة الله بيسرها وما بتحسي لابشوب ولا بتعب
أنا جاية عبالي اطلع عمرة بس جوزي مو رضيان بيقلي 5ساعات الطريق روحة و5 ساعات رجعة كيف بدي آخدك وأنتي حامل قعدي وارتاحي واستني موعد النزلة عالشام
يلا ستي إذا الله كاتبها بتتيسر

آية أنا منيحة وتيمة نازلة فيي ترفيس طول النهار والليل بتعرفي حملي بابني كان أهون بكتير وأخف يمكن لأني كنت بكرية وجسمي لسا ماكن والله مابعرف بهالحمل بحس حالي ماعم ارتاح لابقعدة ولا بتسطيح ولا بنوم وبضل بتقلب ساعتين لحتى ارتاح بشي تسطيحة ونام
أنتي كيفون بناتك الله يسلمون وإمتى مقررة تنزلي عالشام أناحاجزة إذا الله راد بـ 26 / 9 ادعيلي الله يمضيون بسرعة حاكم ماعم يمضو

هلا بنات أنا موجودة عم طل عليكن وعم شوف أخباركن الله ييسرلكن يا رب
مبارح رحت عملت ألترا ساوند والحمد لله وضع البيبي وكل شي منيح كتير فرحت الحمد لله وكمان طلع ولد الحمد لله بقى هاتو لنشوف شو عندكن أسماء حلوة وجديدة ،،،

مزون الله ييسرلك يا رب سفرتك برمضان ،، والله يحفظها لتيمة مبين عليها لذيذة من هلأ ,,,

زنزون مية أهلين فيكي بهالطلة والله فرحت فيكي إن شاء الله دوم مروءة يا رب

هنودة الله يخليلنا طلات القمر الحلوة شو هالكلام الحلو الله يحميكي ولا تنسينا من دعائك بالعمرة

دانية شو أخبارك وكيف البيبي؟؟؟

ونايس سميل شو أخبارك انت والبيبي ؟؟ والله يعينك على شهودة معلش بتهون ,,, انتي اول وحدة ح تلدي فينا مضبوط؟؟ بقى لا تنسينا من دعواتك ؟؟ وشو طلع معك صحي ؟؟؟ وشو ناوية تسميه؟؟؟ ومضبوط حكيك ساجدة ما عادت طلت بعد ما سافرت الله ييسرلها ,,,

آية هلا عزيزتي سلامات يا رب شو صرلك مرتين مرضة قوية ومبروك تنظيف آية عقبال نور خانم :)

ما يكبرني لقب أهليييييييين فيكي يا حلوة كيفك وكيف الصغير؟؟؟؟ والله يا ريت فيني ساعدك أنا بكندا متل ما بتعرفي ،،،

باقي الصبايا لوليا ونور عيني وسما وووومين كمااان وعروس الشام؟؟؟

وين الردود؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مرحبا بنات كيفكون
زنزون نيالك قاعدة بالشام لاتنسي تاكلي نابلسية حاكم انا بموت فيها وقوليلي شو طعمتها (((تواصل عبر الطعم بالانترنت))) ههههههههه لا فصيحة طلعت ما؟؟ يا حوينة الدراسة هههههههههه
مزون كيفك حبيبتي الله ييسرلك نزلتك برمضان والله شو مشتهية قضيه بالشام بس وين بدي اترك جوزي والله بيصير عظمة ولحمة والعلة انو طلع موعد ولادتي برمضان
هنودة كيفك شو اخبارك ان شاء الله تمام ؟؟؟ كيف تركيا معك ؟؟؟ الله يسعدك وييسرلك يا رب لا تنسي تدعيلي بالعمرة اي
ايه اخ شو بدي قلك لحتى قول المهم انتي كيفك ؟؟؟ والله انا حملي بخير بس بتعرفي تعب ووجع الحامل
و مشان النقلة هيقتنا مالح نلاقي بيت بالاسعار اللي بدنا وهلق غليانة كتير لانو وقت معرض هون بالصين فقلت بتكنكن على حالي وببلش تنظيف وتعزيل مشان الولادة والله بيعين انتي ادعيلي بكي مننقل على بيت مرتب
مزون الله يعينك والله لو محلك بروح عمرة لو بدي موت الله يطعمها لكل مشتهي يا رب
هلق انتي باي شهر ؟ لانو انا حموت كمان هيك ترفيس وازعاج طول الوقت وما بنام بالليل يا الولد عم يرفس يا ابني فايق وهاتك بقا والصبح بتجي لعندي الموظفة لانو صار شغل جوزي بالبيت ببلش فيق بكير او نظف البيت قبل بيوم مشان اذا غطيت بس اكتر من 12 ما بيصحلي حاكم ابني ما بيرضى ينام للظهر ههههههههه على كيفو عايشة
وان شا الله بتتيسر نزلتك وكلو بيمضى والله بعد بقول لحالي لسا امبارح كنت عم روح على المدرسة واتخانق مع الانسات واضحك مع رفقاتي فجأة بسمع صوت رجال عم يناديني و ولد قدامي تاري هذا ابني وجوزي هههههههههههههههههههههههههههههههه حلوة هي احلام اليقظة مو ؟ يلا خلوني روحي وعن جد البنات وينهن شام وحنين ونور الدرب وسما ونايس وكتير بنات ماعد اسمعنا اخبارهون الهيقة نسيونا ايييييييييييييييييييييييييييييييييييه الله يسعدهون ويسعدنا معهون على كل انا بدي روح نام حاكم عيوني عم يتسكرو لحالهون يلا
السلام عليكم

نورالدرب لك اهلين فيكي يا سلالة عم تراقبي من بعيد لبعيد ؟؟ ههههههههههههههههه
المهم الله ييسرلك حملك والحمد لله اللي كل شي بخير والف مبروك على الولد من هلق والله حموت على ما يقولولي بشو حامل ادعولي تطلع بنت (((طبعا حلوة متلي ههههههههههههه )))
saboura والله مابعرف شو بدي قلك بس انا بالصين بس لازم تعرفي هلق بسوريا شو ماشي يعني مثلا اذا مصرياتكون بيكفو لحتى تشترو ارض وخط انتاج بسكويت او حفوظات او عصير طبيعي لانو في كتير زباين عم تطلع حسب ما عم يقلي زوجي وتطلب خطوط انتاج وعنا بسورية مافي كتير بقا ممكن تشترو ارض وترخصوها وتستوردو خط انتاج باذن الله بيمشي الحال هي فكرة
في فكرة تانية انو تفتحو بقالية مرتبة فيها كل شي
وفكرة تالتة ممكن تفتحو محل فساتين سهرة لبنانية بشي سوق مرتب والبضاعة من عندي ورخيصة اذا بدك وعلى فكرة هي فكرة مضمونة ارباحها مية بالمية او يكون محل ولادي وتجيبي البضاعة من هون من الصين او سبورات كلو بيمشي وخصوصي اذا جبتيه بسعر رخيص وبعتيه بربح ممتااااااااااااااااااز والله ييسرلك واذا طلع معي افكار جديدة بقلك وان شاء الله كون فدتك بشي والله ييسر حالك ويفرج همك يارب ادعولي يا بنات الله يفقكون انو نلاقي بيت مرتب ورخيص وتتيسر ولادتي
يا رب يلا سلام