مجلس السوريات الجديد عامر بذكر الله عزوجل

دانية
هههههههههههههههههههههه اي سلالة لكن طلعت ،،، تسلميلي شو خفيفة دم طمنيني عنك ،، معناتها انتي كمان قربت تولدي مع نايس سميل ،،، ايمتى محتمل تاريخ ولادتك؟؟؟ بإذن الله ،، الله ييسرلك يا رب ,,,

saboura
والله ما عندي أي خبرة عزيزتي للأسف نحن أغلبنا مغتربات ما بنعرف السوق شو بدو هنيك ؟؟؟ والله يخترلكن الخير أحسن شي ,,, بقى لا تزعلي كلنا بالهوا سوا ,,,,

هلاااااااااااااااااااااا
اشتقتلكم يا حلوات.. و أخيراً جبت كرت انترنت.. يبعتلها حمى شو بطيئة.. بس يللا تمشاية حال..
ما صحلي اقرأ كل شي بس حبيت سلم :)
هنودة لسه ما طلعتي على العمرة؟؟ و دانية لساتك عم تعافري بالصين :) لك الله ينولك يللي ببالك.. هيئتك قوية بس ما بتبيني ... مخباية بتيابك...سلالة
لوليا كيفك؟ و مزون و زنزون و آية مبروك نظفت آية عقبال غسان بس يا ريت قبل ما انجلط..
نور و سما و شام و شام يا ذا السيف و حنين و مين كمان؟؟ ان شاء الله ما كون نسيت حدا.. ديوا بالكم على حالكم..
الشام بتسلم عليكم بس الصراحة أنا دايق خلقي مع اني عم اطلع كل يوم بس المشكلة ما عم يصحلي شوف خالاتي و ستي لأني مرتبطة بطلعات بيت حماي :( ايهههههه.. هيك الجازة.. بيصير وقت الوحدة مو ملكها.. قبل شوي كنا بره و وصلنا بيت حماي فقلت لجوزي مرقني عشر دقايق عند ستي بس بدي سلم اشتقتلها.. قال تعبان و بدو ينام خليها لبكرة :( من أول ما اجيت على الشام ما زرتها غير مرة و ربع ساعة على السريع... و الله زمان كنت اقضي الصيفية كلها عندها..
غسان صاير أزعر كتير و عم يتدلع زيادة.. و الله النزلة على الشام و دلع بيت جده خلاني ما أعرف ضبه.. ما عاد سمع الكلمة بنوب.. و كل ما قلتله لأ, ضغري راح عند سته لتحاميله .. و الله تعبت.. بس ارجع على الدوحة بدي رصه من أول و جديد.. فرطوا براغيه على الآخر..

أنا مشكلتي أنه أهلي ما بينزلوا على الشام بالصيف فبصير بقضي الصيف كله ببيت حماي.. يللا هانت.. كلها اسبوعين و برجع لعند أهلي اذا الله راد..

يللا منشوفكم على خير.. مع السلامة يا حلوين..

مساء الخير يا حوين كيف الجميع؟؟؟؟؟؟؟؟؟؟؟؟
مزون84
الله ييسرلك نزلتك برمضان و نيالك عليها ما في أهلك من جمعة الأهل برمضان...أنا بإذن الله هدا آخر رمضان بقضيه بفرنسا..
كيف الحمل معك؟ و بأي شهر صرتي؟

هنودة..لا تنسي تصورلينا تركيا لأنو بصراحة قد ما سمعت عنها نفسي أزورها ..و الله لا يحرمك جمعة الأهل يا رب

نور الدرب...و الله يا عزيزتي الحمل بلش يتعبني كتير لأنو رجلي صايرة كتير عم توجعني و معي انا دوالي^^^عفوا على هالسيرة بس لأني فعلا كتير متضايقة ما عم فيني أمشي نص ساعة على بعضها بس الحمدلله على كل حال
و فعلا أنا حاطيلي موعد الولادة بين 15 و 17 أكتوبر يعني على آخر رمضان..وبإذن الله بدعيلك أنت و كل البناات
و يا ستي طلع معي بنوتة و بإذن الله رح اسميها حلا ..شو رأيك حلو هالآسم؟
أنتي طمنيني عنك بأي شهر صرتي و ان شاء الله مالك تعبانة..و كيف نور ان شاء الله ما عم تعذبك؟

دانية..ربي يهون عليكي حملك يا رب..و لا يحرمنا حكياتك الحلوين

عروس الشام..اشتقنالك كيف الشام و كيف أهلك؟ حاولي تنبسطي أد ما فيكي و لا تزعلي و تتضايقي منشان بيت حماكي كلنا هيك بيصير فينا بس ننزل إجازة بس أنتي لا تحطي ببالك و انبسطي أد ما بتقدري و لا تنسي تاكلي فلافل و مدلوقة عني و عنك هههههههههههههه

مساكم ورد ولاقلكون صباحكون ورد لأنو مو بقيان شي على أذان الفجر وأنا قاعدة وقلقانة وعم أضرب أخماس بأسداس والمشكلة أنو بوكرا الجمع وجوزي بيفيقني من بكير مشان مايروح يوم الجمعة بالنوم
صدقوني أصعب شي بالنزلة عالشام هو التدوير عالهدايا واختيارها بحس حالي هكلانة همها كومايات

نور الدرب
ألف مبروك الولد والله يجعله من الصالحين يارب , أكيد زوجك فرحان بولي العهد

دانية
والله حاسة فيكي وبيلي عم تقوليه ابني بفيقني من بكير وبيقعد بيحوص وطلباتو ما بتخلص ، أنا حاليا بالشهر السادس وولادتي بشهر 11 إذا الله راد

نايس سميل
الله يسرلك وولادتك يارب ويرجعك عالشام لبين أهلك وأحبابك والله القعدة هنيك ما بتتعوض واسم حلا كتير حلو وخفيف باللفظ ، إن شاء الله بتقومي بالسلامة وبحضنك أحلى حلا

عروس الشام
أي هيك ها طلو علينا من الشام وخلو قلبنا يتنعنش بسماع أخباركون كيف الجو بالشام إن شاء الله مو مشوبين بس بالرغم من الشوب بتضل القعدة بالبلد غير شكل ونصيحة مني لا تفرطي أبدا بالقعدة مع ستك وخالاتك بوكرا بس ترجعي بتندمي وبتقولي ماتهنيت فيهون فدفشي وروحي وانبسطي:26:

تسلمي لي يارب على الاهتمام
والارض موجودة وفكرة خط الاتناج ممتازة ان شاء الله اشوف شو اللي ممكن ننتجه
يارب سهلها وكمان فكرة المحل كويسة
وان شاء الله بخبركم علةى الجديد