انا كتبت لكم قصتي مو عشان تقولوا عني اني صابرة ولا زوجة حديدية..كتبتها عشان تأخذوا العظة والعبرة منها وفيه تفاصيل كثيرة ماكتبتها لكم..عشان لاتشيبوا قبل الاوان وحفاظا على مشاعركن..
حبيباتي انا جيت انصحكم من قلب مخلص...يجوز بكره ماتلاقوا احد ينصحكم...بصدق زيي...وهذي كلها تجارب خاصة بيا..فخذي مايناسبك منها وارمي الباقي في البحر
اختي اختاري الملتزم ..لانه ماراح يضيعك باذن الله وماراح يتطاول عليك باليد واللسان..بس اختاري شخص ملتزم التزام صحيح..مو شكل والسلام..كفاية انه مايطالع حريم في التلفزيون ويشوفك ملكة جمال..والله اني اتمنى اسمع كلمة من فم زوجي..الله هذا اللبس يجنن عليك...بس ولا احلم بنصها..
لاتكوني خيالية في حب زوجك...حبيه بمنطق وعقل...يمكن لاني فقدت حنان الاب من سن مبكرة..عشقت زوجي في البداية عشق مو طبيعي..وضيعت اهداف اساسية وقيم رفيعة في حياتي...ياحبيبتي الهدف الاسمى حب الله ورضى الله..أتلذذي بحب رب العباد..وقومي ناجيه في اخر الليل..يخلي عباده يصيروا خدم تحت رجولك...حبي اولادك واعطيهم كل احاسيسك..لانهم ثمرة راح تعطيكي وعمرك ماراح تندمي..
وانتبهي اختي لاتسمحي له يمد يده عليكي مهما كانت الاسباب...لان معناه ان كرامتك ضاعت تحت رجوله..ولازم اهلك يتدخلوا فورا ويوقفوه عند حده...
وخلي مسافة بينك وبين اهل زوجك...وخلي علاقتك رسمية معاهم...لاتؤمني بان اهل الزوج اهلك.........والله لو تحرقي اصابعك شمع لهم ماصرتي مثل بنتهم...
واهم شيء لازم تحطيه في بالك..اذا كان طريقك مظلم من البداية..مافي داعي تمشي لنهايته........لان عمرك راح يضيييييييع وتكتشفي انك خسرتي كل شيء...
واخر شيء اعرفي ان السعادة بيد رب العباد...مهما حاولت تملكها..لن تستطيعي...الا اذا ربي كتب لك نصيب منها في الدنيا..والمحرومة لاتجزع ..فقد يكون تكفير لذنب جنته يداها...او ليكبر حظها في الاخرة
واقول للبنات اللي وقفوا معايا حتى نهاية القصة لاتحرموني دعواتكم..فقد ترون الفرج قريب من رب العالمين...فو الله اني ماصبرت على شيء حتى فتح الله لي من وراءه الخير الكثير...
واللي شافتني غبية او سذاجة او حتى حمقاء...مايهمك اختي.اهم شيء تأخذي درس من قصتي وتستفيدي...وترى الكل يتكلم براحته في الوسع لكن وقت الجد يصير كلام ثاني...ولا تنسي تتدعي لاختك
واهم شيء خلي حبلك بالله متصل وقوي ومتين..ترى والله لن يضيعك الله وراح ينصرك رغم بؤسك وحزنك...
اسال الله انكم ماتشوفوا اللي شفته ولا تعرفوا الهم والكدر...واسأل الله لكم الازواج الصالحيين...
واذا سألتوني في النهاية عن كلمة اختم بها قصتي..اتمنى اللي تقدر تساعدني اسجل في المنتدى..تساعدني والله يجزاها الخير..واقولكم قبل الوداع.....والله والله والله ماااااااااااااااااااااااااااااااااااااات قلبي...فاحرصي ان لايموت قلبك مثلي...
.............................انتهى...........................
ماااااااات قلبي ((قصتي الحقيقية)) تعالوا استفيدوا من اختكم......
متابعة النقاش، صفحة 39