شاركي في النقاش

سجلي الدخول لإضافة تعليق.

التعليقات

43
  1. ماعليك من اختك صدقيني انها مقهوره منك لانها تزوجت وهي صغيره
    طنشي ووقفيها عند حدها وقولي لها ماتدخل باشياء ربي اعلم فيها
    ولو في اي شي كلميني باسلوب وش شايفتي
    خلي عندك شخصيه
    وانتبهي توافقين على احد مو مقتنعه فيه عشان ترتاحين من كلام اختك الجارح
    والله يرزقك ويرزق كل البنات الازواج الصالحين يارب
    ويرزق اخوي ويهديه عشان يفكر بالزواج
    و
  2. @klby_maaakm

    ماعليك من اختك يمكن هي شافت شيء فيك احلى منها تحاول تعيرك فيه

    لان واضح ان اختك تحب الغيرة وسبب كلامي هذا انها قالت على اخو زوجها اذا بيخطب بتخرب سمعتك

    لانها خايفة انك بتاخذين اعلى من مكانتها عندهم

    وبعدين من قال ان 21 عاااااااانـــــــــس

    طنشي كلام اختك واهتمي بنفسك يجييك اللي تتمنينه ووقتها تعرف معنا هالكلمة

    والله يعييينـــــــــــــــــكـ ويرزقك الزوج الصالح ياااااااارب
  3. @hor_38

    الله يهديها اختك

    ليه كذا تفكيرها

    وانتي خليك واثقه من نفسك ولا عليك من احد
  4. @tntof

    حربيه ودق التحيه
    ياقلبي ليه كذا صراحه اختك سخيفه وباين انها حاقده عليك يمكن انتي احلى منها والناس يمدحونك عندها وهي غارت بس اذا خطبك حماها وهو كفووو وافقي عليه وماعليك منها والله لو تقعد تسب من اليوم لبكره اذا الله كاتبن لك بتاخذينه تاخذينه واذا قالت …
    شكل اختج فيها قهر وندم لانها ماعاشت مراهقتها وتزوجت مبجر .. تذكرني بوحدة من اللي كانوا معانا بالجامعة اهي تزوجت من تخرجت من الثانوي وطبعا حملت من أول سنة .. اهي الوحيدة من شلتنا الخاصة اللي كانت متزوجة فينا واحنا اللي كنا معاها كلنا مو متزوجين .. كانت تحاول تحبط فينا دايما .. ودايما تقط تعليقات سخيفة مثل يا العوانس ويا البايرات الخ بس عمرنا ما اخذنا بكلامها ولاهمتنا ولا شلنا في بالنا لانا كنا واثقين من أنفسنا ومستانسين وعايشين مراهقتنا ومومستعجلين على غثا الزواج تونا فرافير لعبنا لعب:42: .. ندق على بعض اربع وعشرين ساعة ومرات نسهر مع بعض على الانترنت ونطلع بعد سوا ونغيب سوا نكشخ ونسوي اللي فبالنا ومتدلعين ببيوت أهالينا لا نطبخ ولا ننفخ ولانغسل ولا ننشر ولانلتزم باحد متى مانمنا نمنا ومتى ماقعدنا قعدنا يعني صج حللنا مراهقتنا لوووول الله على ذيج الأيام أحلى أيام أيام الجامعة صراحة شييييييي ... اهي المسكينة كانت كل حركة محسوبة عليها ولا كانت تقدر تخطي خطوة وحدة من غير شور زوجها ومن غير ماتستأذن منه وطبعا ممنوع عليها تطلع معانا ولا تقدر تسهر معانا على الانترنت وأشياء كثيرة كانت محرومة منها كانت تذكرني بفلم ماجدة اللي تزوجت فيه شايب غني واهي ام 18 سنة وبعد كم سنة تطلقت وتعقدت وقامت تعيش مراهقتها اللي رحات عليها وتتصرف تصرف مراهقات وتلبس لبس مراهقات وحتى حبت مراهق أصغر منها !!! .. انا رحت بعييييد شوي اندمجت مع الفلم :42: .. المهم ان رفيجتنا المتزوجة مرة بجمعة من جمعاتنا فلصت على روحها وقالت ياحظكم عشتوا حياتكم انا كل ماشوفكم اتحسر ماعشت مراهقتي تحملت المسؤولية من وانا صغيرة !!! فالظاهر اختج جذي .. طنشيها توج فرفوووووووووووورة لاحقة على الزواج ومسؤوولياته .. عيشي كل فترة من فترات حياتج لاتستبقين الأحداث اتمتعي بمراهقتج ... والله توج عنووووووونه 20 سنة واتفكرين هلتفكير وفيج هلاكتئاب؟؟؟؟!!!! حراااااااااام ... طنشي كلام اختج ووقفيها عند حدها بس باحترام مهما يكون اهي اختج .. لاتخلين أي أحد يقدر يلعب بنفسيتج بهلسهولة خلج واثقة من نفسج انتي انسانة لج قناعاتج ومؤمنة بالقدر وعارفة ان الزواج قسمة ونصيب ... اهي لما تحاول تقنعج انج عنستي ابتسمي بثقة لاتخلين كلامها يهزج ويغير فكرج وضحيلها ان الزواج قسمة و نصيب متى ماجا نصيبج يجي منتي مستعجلة لانج صغيرة وانج مستمتعة بحياتج لا مسؤوولية ولا غثا .. واهو بعد احسن تكونين أكثر نضج .. .. عيبنا اننا احنا نربط سعادتنا بشي مو بيدنا وبشي حتى وقته ووجوده من عدمه كله بعلم الغيب .. يعني مثلا اللي مو متزوجة تلقينها معيشة نفسها في جو كئيب و تعيس وكل يوم حياتها نكد وبجي وماتنام الا طاقتها بجي وكل ماشافت عروس تحسرت على نفسها تحط في بالها انها ماراح تكون سعيدة الا اذا تزوجت !! مادري اهي شيضمنها انها بتكون سعيدة مع زوجها ؟؟ عيشي حياتج اخلقي من الجو اللي انتي فيه ومن الامكانيات اللي عندج سعادتج طالعي باللي حولج وانعمت عيونج عنه وغيرج يحسدج عليه سواء استقرار عائلي أو وضع مادي ممتاز أو وظيفة أو موهبة أو أي شيء آخر وخلي الزواج في علم الغيب متى ماجاء جاء ..وهلموضوع ينطبق على اللي موقف حياته عشان الوظيفة واللي موقف حياته عشان الخلفة واللي موقف حياته عشان اعاقته واللي موقف حياته عشان فقره واللي واللي واللي الخ !! حراااااام ليمتى نحمل أنفسنا فوق طاقتها وننعمي عن اللي بيدنا ونأجل سعادتنا ونعلقها بشيء قادم بشيء اهو أساسا بعلم الغيب وقته ومكانه ووجوده من عدمه في حياتنا كل هذا بعلم الغيب .. عيشووووووو حياتكم الدنيا ماتستاهل ... سوري قرقرت عليج بس والله مقهورة عليج توج صغيرة وشايله هم الزواج ومكتئبة جذي حرااام .. انا عمري 28 وتوني تزوجت الحمدلله ولاعندي أطفال الحمدلله ولا ندمت بيوم على اللي ماملكته ولما كنت أصغر ما فكرت بالزواج وحاتيته كثر ماشوف البنات اهني بهلمنتدى يتباكون عليه وموقفين حياتهم عليه !!! ولا قعدت أتباكى على الخلفة متى ما الله كتب بيجون انا اعمل بالأسباب فقط والرزق من الله متى مانكتب يجون يجون وخلاص دورنا احنا يا البشر يوقف الا من بذل الأسباب والدعاء والرزق من الله تعالى ....... أنا معاج اوكي كلنا بشر لنا أحلام وأماني معينة بس اذا الله جابها خير وبركة واذا ماجت ليش أضيع عمري ووقتي أنتظرها وأعلق سعادتي عليها ؟؟ عيشي على اللي موجود عندج .. تدرين أقرب تشبيه لجذي شنو ؟؟ مثلها مثل طفلين على الشاطيء انطلب منهم يبنون بيت رملي صغير .. الأول بدا يبني البيت من الرمل والطين اللي حوله ووقف لحد هني وبكى لما مالقى مسّاحة يضبط فيها البيت الرملي ولا لقى حصى ولا لقى أي أدوات يكمل فيها بناء وتزيين البيت الرملي أما الطفل الثاني لما وصل لنفس المرحلة التفت حوله وقام يجمع أعواد الأسنان المرمية وعلب البيبسي الفاضية المرمية ويستخدمها ويستخدم أكواب الماء البلاستيك ويصنع منها قوالب ويطوع كل شيء لقاه حوله ويستخدمه لبناء البيت .. أثنينهم كانو في نفس المكان !! بس واحد عند أول نقص واجه وقف وبكى والثاني مشى حاله باللي حوله.. شفتي هلطفلين احنا مثلهم .. أكو ناس لما تبني البيت ( هني تمثل السعادة ) يتوقف مباشرة لما يلقى نفسه ماحصل جميع الأدوات اللازمة .. فيقعد يبكي ويتذمر ويوقف بناء البيت ( سعادته ) ويعطل البناء لحين توفر هلأدوات .. أما الطفل الثاني لما مالقى الأدوات والحاجات اللازمة لبناء البيت ( سعادته ) تلفت حوله وطوع كل شيء وجده لبناء البيت حتى وان كانت هلأشياء مو الأدوات المثالية المعروفة لبناء البيت لكن اقتنع بالموجود و مشى نفسه ورضى باللي يملكه وصنعله بيت حليو مشى حاله فيه .. ماجلس ينتظر لحين تتوفر الأدوات ولحين تجي الامدادات وضيع وقته وعمره ! ؟ ان شاء الله تكون الفكرة وصلت .. ادري بديت اطلع عن الموضوع واتفلسف تحمليني خخخخخخخخ :42: >> اذا تكلمت مايوقفها شي ...
    ماوصيج القناااااااااااااااااااااااعة ثم القناااااااااعة ثم القنااااااااعة .. وكلام الناس طز فيه ليش أضيق خلقي على كلامهم وأخليهم يتحكمون بأعصابي ونفسيتي ؟؟ الكلام يدخل من اذن ويطلع من اذن .. وعيشي حياتج يا حلووووووة :)

تابعي تجارب أخرى من هذا القسم.