السلام عليكم لاحلى بنات
وحشتوني انا لي شهرين مادخلت حواء الا نادرا عشان كذا وحشتوني ووحشتني مواضيعكم الرائعه والمفيده
ومثل ماتفيدون حبيت افيدكم لقيت الصوره في منتدى المقاطعه للسلع المرتفعه
يعني سبحان الله زياده في الاسعار على سموم يبيعوها لنا
الموضوع مو جديد ومتاكده مليون في الميه انه كل وحده تعرفه بس اللي قطع قلبي في الصوره
انه كل اللي في الصوره يحبوها العيااااال:( وهذا اللي قطع وحرق قلبي وحسيت نفسي ام فاشله بمعنى الكلمه يعني يكفي اني ماعودت ولدي على الاكل المفيد يعني الخضاااار مايعرف طعمه
والفواكه ناادرا اذا تذكرته مسكين اعطيته
والفواكه انسى اشتريها لكن ماانسى الحلويات اذا رحنا السوبر ماركت دايما اتذكر الحلويات واجيب له من اغلب الانواع اللي في الصوره
يارب الطف واستر على ابنائنا يااارب
متى نحس بالمسؤليه متى نصير فعلا امهاااات بمعنى الكلمه
متى نصير مثل امهاتنا زمان اكل صحي ومغذي واهتمام فعلا مع انه مو بس واحد اللي تهتم فيه ومع ذلك ابدعوا في تربيتنا واكلنا
والله يوم كنت عند اهلي وانا كبيره واكل اللي ابغى لكن خدودي كانت مورده وجلدي رطب مو ناشف وشعري مايتساقط ليش لاني كنت ادور في البيت وماالاقي غير الاكل الصحي
والحلويات مايمنعونا منها لكن غير متواجده يوميا في البيت اذا الوالد الله يطول في عمره جاب لنا يجيبها بالعدد ويعطينا بعد الغداء كان يجيب حلاوه بقره وكان يجيب كتكات وكان يجيب تسالي صحيح مضره حتى هذي بس اقولكم ماكان يحرمنا منها بس ياعتدال مو غدا وعشاء والفطور كمان حلويات
والله ياجماعه اني اشوف ولد قريبتي مسكيييين هزييييل ولا عنده مناعه كل اكله حلويات الله يستر عليه واسنانه رايحه فيها وكل ماتغير عليه الجو تعب
اتذكر زمان ما نعرف المستشفى الا وين الحين اذا مو اسبوعيا نودي العيااال
والله اننا محاسبون وربي بيسالنا يوم القيامه عن اولادنا
هم امانه ومو عارفين نحافظ عليها للاسف
طولت بالكلام ونسيت الصوووره :42:
والحين ابغاكم تجابون بصراحه هل تجيبين لاولادك الحلويات ؟وبالذات اللي في الصوره واي نوع يحبوا اولادك من اللي في الصوره
والا اذا طلعت بس ؟
او تجيبينها في الاسبوع مره
او تجيبيها بالكراتين اتمنى تجاوبوا بصراحه
او انت ام مثاليه ماتدخل بيتك ؟
يالييييت الاقي وحده ماتجيبها الله يجزاها خير ويهني عيالها فيها :26:

ياليت نتفاعل في الموضوع ونتشارك
واعتقد الحل الوحيد والصحيح انك ما تدخليها البيت ابدددددا
كفايه في الطلعات ياكلون او في المدرسه
واذا جو البيت خلونا نخليهم يدورون على اكل البيت والفواكه
نسيت اقولكم ولدي يحب ام اند امز و اولكر
وعلى فكره حرف E اذا لقيتيه في المكونات لاتشترين وكل ماكان العدد اللي جنبه قليل كان اخطر يعني مثلا E110 اخطر من E340 وهكذا وهذي الماده معرفه ومواضيع كثيره نزلت عنها وجدول خاص فيها يعرف بها وخطورتها
انتظر مشاركتكم والان حاسبي نفسك وقيمي نفسك كأم
كل وحده تكتب تقييمها لنفسها ابدأ انا
أم فاشله وغير مهتمه ومتساهله :09:
انتظركم :26: