المواد الحافظـة (( سموم يتناولها أطـفالنا )) يوجد صـور !

بسم الله الرحمن الرحيم

السلام عليكم لاحلى بنات

وحشتوني انا لي شهرين مادخلت حواء الا نادرا عشان كذا وحشتوني ووحشتني مواضيعكم الرائعه والمفيده
ومثل ماتفيدون حبيت افيدكم لقيت الصوره في منتدى المقاطعه للسلع المرتفعه
يعني سبحان الله زياده في الاسعار على سموم يبيعوها لنا

الموضوع مو جديد ومتاكده مليون في الميه انه كل وحده تعرفه بس اللي قطع قلبي في الصوره
انه كل اللي في الصوره يحبوها العيااااال:( وهذا اللي قطع وحرق قلبي وحسيت نفسي ام فاشله بمعنى الكلمه يعني يكفي اني ماعودت ولدي على الاكل المفيد يعني الخضاااار مايعرف طعمه
والفواكه ناادرا اذا تذكرته مسكين اعطيته

والفواكه انسى اشتريها لكن ماانسى الحلويات اذا رحنا السوبر ماركت دايما اتذكر الحلويات واجيب له من اغلب الانواع اللي في الصوره

يارب الطف واستر على ابنائنا يااارب


متى نحس بالمسؤليه متى نصير فعلا امهاااات بمعنى الكلمه

متى نصير مثل امهاتنا زمان اكل صحي ومغذي واهتمام فعلا مع انه مو بس واحد اللي تهتم فيه ومع ذلك ابدعوا في تربيتنا واكلنا
والله يوم كنت عند اهلي وانا كبيره واكل اللي ابغى لكن خدودي كانت مورده وجلدي رطب مو ناشف وشعري مايتساقط ليش لاني كنت ادور في البيت وماالاقي غير الاكل الصحي
والحلويات مايمنعونا منها لكن غير متواجده يوميا في البيت اذا الوالد الله يطول في عمره جاب لنا يجيبها بالعدد ويعطينا بعد الغداء كان يجيب حلاوه بقره وكان يجيب كتكات وكان يجيب تسالي صحيح مضره حتى هذي بس اقولكم ماكان يحرمنا منها بس ياعتدال مو غدا وعشاء والفطور كمان حلويات

والله ياجماعه اني اشوف ولد قريبتي مسكيييين هزييييل ولا عنده مناعه كل اكله حلويات الله يستر عليه واسنانه رايحه فيها وكل ماتغير عليه الجو تعب


اتذكر زمان ما نعرف المستشفى الا وين الحين اذا مو اسبوعيا نودي العيااال



والله اننا محاسبون وربي بيسالنا يوم القيامه عن اولادنا

هم امانه ومو عارفين نحافظ عليها للاسف

طولت بالكلام ونسيت الصوووره :42:
والحين ابغاكم تجابون بصراحه هل تجيبين لاولادك الحلويات ؟وبالذات اللي في الصوره واي نوع يحبوا اولادك من اللي في الصوره
والا اذا طلعت بس ؟
او تجيبينها في الاسبوع مره
او تجيبيها بالكراتين اتمنى تجاوبوا بصراحه

او انت ام مثاليه ماتدخل بيتك ؟
يالييييت الاقي وحده ماتجيبها الله يجزاها خير ويهني عيالها فيها :26:





ياليت نتفاعل في الموضوع ونتشارك


واعتقد الحل الوحيد والصحيح انك ما تدخليها البيت ابدددددا
كفايه في الطلعات ياكلون او في المدرسه
واذا جو البيت خلونا نخليهم يدورون على اكل البيت والفواكه

نسيت اقولكم ولدي يحب ام اند امز و اولكر
وعلى فكره حرف E اذا لقيتيه في المكونات لاتشترين وكل ماكان العدد اللي جنبه قليل كان اخطر يعني مثلا E110 اخطر من E340 وهكذا وهذي الماده معرفه ومواضيع كثيره نزلت عنها وجدول خاص فيها يعرف بها وخطورتها
انتظر مشاركتكم والان حاسبي نفسك وقيمي نفسك كأم

كل وحده تكتب تقييمها لنفسها ابدأ انا

أم فاشله وغير مهتمه ومتساهله :09:

انتظركم :26:

40 تعليق 3,388 مشاهدة

شاركي في النقاش

سجلي الدخول لإضافة تعليق.

التعليقات

39
  1. يوووووووووووه ياويلي ياكثر السموم على كذا بنصير امهات قاتلات

    طيب وش نعطيهم اذا هم متعلقين فيها؟؟؟؟؟؟؟

    الله يحفظ عيالنا وعيال المسلمين من كل شر

    جزاكـ الله خير عالتنبيه
  2. @dloaah_nsor

    مشكوره الغاليه على التنبيه وصدقتي بكل كلمه قلتيها .....

    اتذكر زمان ما نعرف المستشفى الا وين الحين اذا مو اسبوعيا نودي العيااال
    والله اننا محاسبون وربي بيسالنا يوم القيامه عن اولادنا
    هم امانه ومو عارفين نحافظ عليها للاسف
  3. @umghanim

    مشكورة اختي بس اشنعطي عيالنا انا ولدي اكله صعب نادر مايعجبة شي عنيد جدا يعني امنعه عن هالأكل والا شاسوي معاه؟؟؟
  4. @aooooof

    حاجتين من اللي في الصور نجيب منهم
    الحلاوه الطحينيه وهذي من سابع المستحيلات زوجي يتخلى عنها .. وانا اللحين ابلبع منها علشاني ارضع ....وليت نعرف كان سويناها ...
    معلبات الفول بالخلطه السريه ههههه ....... شكلي ببدا اجرب اسوي في البيت ...((والله ان ابوي الله يجزاه بالجنه كان من سنة جدي وهو يحذرنا من المعلبات لدرجة انه منع دخولها بيت اهلي .... ))
    ربي يحفظنا ان شاء الله ويرزقنا بر اولادنا ويرزقنا البر في والدينا ...آمين

    الله يجزاك بالجنه يا اختي ويحرم يديك ووالديك من النار ..... تنبيه مهم بصراحه
  5. @k_j

    جزاك الله خيرا على التنبيه..والله ما عارفين شو ناكل وشو نعطي عيالنا ..كل الأكل صار أعوذ بالله فيه مواد مسرطنة ..الله الحافظ

تابعي تجارب أخرى من هذا القسم.