شاركي في النقاش

سجلي الدخول لإضافة تعليق.

التعليقات

205
  1. صاحبة الموضوع
    وصرت طبعا انصحها ..بحكم ان عندي طفلين ...

    انتبهي اعملي كذا وانتبهي لااكلك..

    خلي الدكتورة تكتب لك فيتامينات عشان البيبي...

    ومرات تتصل عليا....احس بمغص...معايا غثيان وانا اضحك عليها..ضحك مو طبيعي..

    بنت لاتكوني اول بنت تحمل..بلا دلع.........

    تقول ::من الان انا ام خالد فهمتي ولا لا؟؟؟

    فهمنا ياحبيبتي والثاني ايش راح تسميه..تتضحك وتقول خويلد...

    ويوم وصلت الشهر الرابع ..قلت لها خلاص عدينا مرحلة الخطر يابنت..وبلاش دلع..

    قالت الحمد لله كنت خايفة انه مايثبت الحمل ولا يموت..

    قلت لها :اعوذ بالله افكارك صارت متشائمة زيك...

    وبعد كم يوم............

    كنت نايمة الصباح وعلى الساعة 8 سمعت صوت الجوال توت توت توت

    صوت مسج

    مسكت الجوال وكان المسج منها...نجمة دعواتك انا في المستشفى....اجهضت...

    صحيت من نومي وصرت زي المجنونة ادق عليها وابكي وهي ماترد.......

    جلست ادعي لها حتى اتصلت على الساعة 10 تقريبا
  2. صاحبة الموضوع
    قالت توني خارجة من العملية...وتبكي بكاء حار

    نجمة الولد مات....كان ولد ..شفته بعيني...مات..

    قلت للدكتور الله يخليك ابغاه يعيش..اعملوا المستحيل ..لايموت ولدي...

    خالد مات....ابوه ذبحه............

    وفعلا كانت صعقة لي..كيف ابوه ذبحه....كيف؟؟؟
  3. صاحبة الموضوع
    صرت ابكي معاها مصدومة من كلامها..

    قالت البارح ارسلته للصيدلية قلت له جيب لي هذي الفيتامينات...

    جابها لي وجاب معاها حبة سداسية لوحدها وقال ابلعيها وبكرة ابدئي في الفيتامينات ..وانا على نيتي

    اخذت الحبوب ..ويوم بلعتها .زبعدها بربع ساعة..جاني مغص قوي ..ونزلت عليا موية..وصرت اجري

    في البيت زي المجنونة من قوة الالم...وهو جالس يطالعني ويقول اشفيكي...

    صرت ماني متحملة ..وقلت له وديني المستشفى..

    يوم وصلت قال لي الدكتور....اجهاضك مو طبيعي..الرحم يلفظ الجنين بكل قوة....انتي ايش اخذتي؟؟؟

    صارت تبوس يده وتقوله الله يخليك لايموت البيبي ..انا اموت ..بس هو لا..ساعدوني الله يخليكم...

    تقول صرت مجنونة اضم رجولي ماابغاه ينزل...

    المهم قالت للدكتور زوجي عطاني حبة شكلها سداسي...قال لها هذي حبوب اجهاااااااااااض

تابعي تجارب أخرى من هذا القسم.