أهلين أختي
شوفي أنا في نظري تصميم البيت حسب حاجة الانسان ماعليك من الموضه و الدارج هذا ممكن تتبعينه في الديكور أو الأثاث لكن مو في التصميم فأنت حسب احتياجك قرري ودائماً أجلسي مع زوجك و حاولي تقنعينه لأن في النهايه أهدافكم واحد.
و بصراحه أنا من وجهة نظري وجود غرفه في الدور الأرضي مسكره بباب مهم جداً للحالات اللي ذكرتيها و حتى لغيرها أنا سويت هذي الغرفه مع حمام صغير بجنبها مع إنها صغيره بس بصراحه ماندمت أبداً إني سويتها لأني أحس أن الحاجه لها كبييييييره خاصه في البيت المفتوح حلو يكون عند مكان مسكر. و بالنسبه للصاله المعلقه أهم شي تفكرين فيه أنها ماتكشف البيت كله من تحت يعني لما يكون عندك ضيوف و خاصة نساء أنهم ماينكشفون.
الشقه الصغيره ماأدري كم عمر ولدك إذا صغير خلوها لوقتها و ممكن تأسسون لها بس تخلون التنفيذ في وقته و ليش ماتفكرين في جناح في الدور الثاني لأني أحس الدور الثالث بعيد واحد إلا في وجود مصعد لأن مهم تفكرين في زوجة الولد لو حملت أو صار لها ظروف صحيه بيكون الدرج متعب جداً.
آسفه إني طولت عليك بس خلاصة الكلام كل فكره عندك أدرسيها من كل النواحي و حددي الايجابيات و السلبيات.
و الله يوفق الجميع
ابي رايكم في تصميم البيت
متابعة النقاش، صفحة 2