متى تخلي ابنك يشتري الاغراض من البقالة ؟

ليش الخوف هذا كله ...
مش قلتي البقاله قريبه اذا ممكن تتابعيه من الشباك لاحد مايشتري ويرجع ..
بلا ماتعقدي الولد ..

طحتي على الجرح
انا ولدي كبر ولدك وسمحت له يروح السوبر ماركة القريبة بالرغم من ان ابوه رافض ومو مقتنع لكن ياعمري ولدي يشوف اللي اصغر منه يروحون لحالهم وبعد اخواني الصغار فينكسر خاطرة
وبصراحة انا من زمان ودي يكبر ولدي ويروح يشتري لنا بعض الحاجيات ابقاه يصير رجال
وهو مبسوط ........مرة ارسلته يشتري توست ومرة بطارية وما شاء الله عليه يجيني طيران
لكن محدده له في اليوم مرة وحدة بس
الله يحفظ عيالنا يارب

والله ما اشوف لها داعي انه يروح للبقالة ..

خوفوا على عيالكم..

الدنيا تغيرت..

ممكن بمشواره هاذا تمر سيارة فيها ناس ماتخاف الله..وياخذونه قدام عينكم..

لاتقولون استحالة الشي هاذا يصير..لا تصير..

الناس قل خوفهم من الله..

معد صار عندهم ضمير...

الشباب ،،صاروا بكبت فضيع..وصاروا يفرغونة بطريقة خطاء..

ممكن احد العمال يتحرش فيه..يلمس بطريقة شينة...شلون بتشوفينة عن طريق الشباك..!!؟؟؟

وش المرجلة والبسطة بروحة البقالة....؟!

جيبي له حلوياته وخليه ينبسط بأكلهم..

يروح ابوه وياه..

حتى البقالة المفروض انك ماتطلبين منها شي إذا ماعندك رجال بالبيت..

ماتدرين يدفر الباب عليك..عاد وحليها ،،وقتها ماينفعك لا مقاضي ولا اكل..

الله يجزيكن خيرا يا اخوات احلى مافي الموضوع انه يبغى يتعلم ويبغى يسوي شيء الحل الوسط
انه ابوه او انا نرافقه وننتظره برى البقالة

من يدرس اخليه يروح البقاله ان شاء الله
اذا بقاله قريبه من عندنا اما اروح لاهلي لا ماخليه
والبنت اكيد لا ماخليها ابدا