دردشة مطبخية: كم وحده بدت تفريز رمضان؟؟

هلا وغلا بأبديت امس بتفريز اصابع الكيري
اهم شي عندي لانها تاخذ وقت كثير وهالوقت محتاجينه برمضان نستغله بشي اهم .... ينفعنا بالاخرة قبل الدنيا ...
ان شاء الله مقرره كل يوم افرزن نوع .. سؤاء سمبوسة بشتى انواعها او السبرنق رول او ورق العنب وغيره ...
الله يعيننا يارب ويوفقنا وييسر لنا امورنا جميعا"
اللهم بارك لنا في شعبان وبلغنا رمضان نحن ومن نحب..

أنا فرزنت أصابع الكيري وسمبوسه اللحم والجبن وكفته البطاطس

والجبنيه والسبرنق رول واليوم ناويه اسوي فطاير بحشوه قريت عنها في المنتدى

عباره جبن الفيتا مع الموزريلا والبقدونس

بس بغيت أسأل الله لا يهينك ممكن افرزر فطاير بحشوه البيض

أقصد ما يتغير طعمه

الحشوه جربتها لذيذه بس وهي طازه ماجربت افرزنها

عباره عن بيض مسلوق مبشور وجبن تشدر مبشور وبهارات البيتزا أو شطه

انا اليوم بديت فرزنت كفتة بطاطس بالجبنه وافخاذ دجاج ورولات بيتزا واصابع كيري وبكره بكمل ان شا الله

جزاك الله خير على الموضوع القيم
بصراحة انا بدأت افرزن من فترة اسبوع
و فرزنت التالي
سمبوسة بجمع الخلطات ( لحمة _دجاج _ جبنة )
فطاير دجاج بالبف باستر
سبرينغ رول
لفائف النقانق بالباف
و لسه عندي الطبخات الرئيسية ان شاء الله ابتدي فيها غدا

انا راح افرزن حق عشر ايام السمبوسه لان عندي شغاله
والشوربه يوم ايه ويوم لا
وبديت بالكشنه الطماطم والبصل والفلفل الاخضر مع بعض وعلى النار
وبسوي سمبوبسه سويتز صغيره ان شاء الله
وماراح اثلج كثير حق عشر ايام بس اخاف يتغير الطعم لاني جديده بالتثليج