ليش احس اني مودعه هالدنيا ......؟؟

السلام عليكم ...
انا حامل ( حملي الاول ) وتحديدا في نهاية الشهر الثاني ...
الحمدلله مرعلي الشهرين بسلام لاوحم ولاغيره ....ولا كاني حامل ....لكن من 3 ايام تقريبا احس بتعب
الام في ظهري وبطني زي الام الدوره تروح وتجي ......كاني نحت نفسي ...كرهت الطبخ والاكل كلما تخيلت سفرة اكل احس اني بستفرغ :09:(الله يكرمكم )حتى لما اشتغل اغسل المواعين مثلا :angry: مااتحمل اكمل من الام ظهري وانا متعوده اذا تعبني ظهري اميل من الجهتين عشان يطق بعدها ارتاح
هذا غير نفسيتي الشييييييييييييييينه مع نفسي ومع زوجي ..خناقاتي مع زوجي كثرت لدرجة اني احس انه مل مني ....ماعندي رغبه باي شي كل شي كرهته مابي شي من هالدنيا ...وكاني بموت
ومدري ليش متشااائمه فيه شي يقولي انتي حملك خارج الرحم ومن يوم عرفت اني حامل وانا اقول للدكتوره هالشي قالت لي استني لحد مااعملك سونار في نهاية الثاني وان شاء الله بروح له بعد كم يوم
واشوف .....بس احس ان الايام بطييييئه علي ....وكلما تذكرت الايه ( وهنا على وهن ) يضيق صدري واقول الله يعين على الجاي الاصعب ...والله يعين على الولاده _من الحين افكر _ انا ولادتي طبيعيه ولا عمليه ؟؟؟ مايهمني ايش
اجيب ...بنت ولد ....المهم هل هو بيدعي لي بعد مااموت ؟؟؟ ( ولد صالح يدعو له )
انا طبيعتي حساسه واشيل هم الشي ....ومااعرف اطنش او اوسع صدري ....احيانا اذا ماكان دايما ابكي ....واقول لزوجي ملل وكابه وكل شي اشوفه شين ....ماودي اطلع من البيت ودي بس انام عشان انسى اني حامل ..لا واللي مضيق صدري زياده امي مادرت اني حامل ولاعرف احد من اهلي ( بعيدين عني ) وماراح اقول لامي الابعد مااسوي السونار لاني اخذ حبوب تثبيت ومدري حملي ثبت ولا لا وعشان بعد اعرف ان كل شي تمام بعدها راح ابشرها ان شاء الله ...
وودي اروح لاهلي اجلس ارتاح عندهم شهر ....بس اذا تذكرت انه ماباقي شي على رمضان يضيق صدري وتظلم الدنيا بوجهي لاني مااقدر اروح واترك زوجي لحاله .....ياربي وش اسوي قسما بالله بديت اصيح ...ليش كل شي متقفل بوجهي ...مشكلتي احساسي اني مو قد الحمل ومااصلح احمل لاني مااتحمل شي ....ودي انام واقوم ويقولوا ولدتي وولدك كبر وراح التعب ...
ودي تريحوني ....ودي تجي وحده وتقول انا حملت وماحسيت بتعب ...ودي اعرف متى يروح هالكره اللي عندي للروايح مثل ريحة الاكل ....وليش بدا معي مع نهاية الثاني ومتى بينتهي ....ودي اطلع واتمشى بالسوق بس لاحظت اني اروح للحمام (الله يكرمكم ) كثير واخاف اني احتاج الحمام برا
وانا بصراحه من النوع اللي يكره ومااشتهي غير حمامي ...من شدة خوفي من التعب والولاده
احط ايدي على بطني بعد كل صلاة وادعي ان الله يحسن خلقه وخلقه ويجعله للمتقين اماما ادعي ربي انه يكون تقي صالح بار بوالديه ....وان الله يهون حمله وييسر ولادته ......لا واعوذه بكلمات الله التامات من شر ماخلق ....هو وابوه لكن احس انه محد داري عني او حتى مسمي علي ..
زوجي يقول : انتي مايهمك الا ان الله يحسن خلقته ( يستهتر بي ) واني انا مايهمني الا المظهر
اذا قال لي كذااعصب وافكر اني اروح لاهلي واخليه ...احيانا احس انه هو اللي يزيد من تعبي ..
ودي افرح بحملي بس ماقدرت زي ماقلت احس اني بودع هالدنيا ...
ودي احط شريط الحمل بتوقيعي زيكم ....بس مادري ايش اللي مانعني ؟؟
اخاف اني صدق مودعه هالدنيا واخاف اروح وانا مغلطه بحق وحده منكم ودي تسامحوني وتحللوني
ماادري ليش افكر كذا .....يمكن لان امي مادرت ؟؟والله العظيم ولهت عليها واحس انه مافي احد يخاف
علي ويهتم بي غيره عسى الله يحفظها لي ويحفظلكم امهاتكم ....
عذرا على الاطاله وتقبلوا تحيات ارينا ...

14 تعليق 2,600 مشاهدة

شاركي في النقاش

سجلي الدخول لإضافة تعليق.

التعليقات

16
  1. @gody_30

    يااااااااااااااااعومري انتي قاعده تشرحيــن حالة كل حامل بهالدنيا
    كل اللي قلتيه طبيعي وطبيعي الطبيعي
    هذي ياقلبي هرمونااات تلعب بمشاعرك لعب
    وتراه شي كيميائي مو نفسي يعني ماتقدرين تسيطرين عليه
    الا لو راح من نفسه
    وعادي وحامك مابدى الا من ثاني شهر وهذا الطبيعي اصلاً

    عادي مره وشعور طببيعي مره
    بس يكفيك انك حامل وغيرك يتمنى هالاحساس شفتي قد ايش ربي مفضلك وحاب يفرح قلبك ؟؟

    وامك انا اشوف تعلمينها لانها بتفرح لك ياقلبــي ولا تستعجلي الامور تفائلوا بالشي تجدوه
  2. @dloaa_28

    حبيبتي صدقيني هذا احساس طبيعي تحسينه
    وهذي اسمها كآبة الحمل حاولي تتغلبين عليها
    وباذن الله بتروح بعد فتره
    وبالنسبة للوحم تراه مايبدا الا في الشهر الثالث يعني توك
    والالم اللي تحسينه طبيعي لان الرحمم قاعد يتوسع والبيبي يكبر

    الله يقومك بالسلامة ولا تفكرين بهالموضوع كثير واول شي تسوينه الحين شريييط الحمل
    هذا البيبي يستاهل امه تفرح فيه

    ولا ؟
  3. @almaakd

    ارينا ياقلبي ان شاء الله مافيك إلا العافية كل الحوامل كذا وانا اولهم
    شي طبيعي والتعب عاد الله يعين ولو تدرين انه حتى حاله الاغماء تيجيني من شدة الوحم والقرف والولاده سبحان الله ربك ييسرها وسعي صدرك واتذكري ان الجنة تحت اقدام الامهات بسبب التعب الي تتعبة الوحدة في الحمل والتربية وحملته وهنن على وهن ويااختي نصيحة مني احتسبي الاجر في هذا كله وتوكلي على الله وسلامتك ياغالية
  4. @gonsrh

    المعقدة
    ارينا ياقلبي ان شاء الله مافيك إلا العافية كل الحوامل كذا وانا اولهم شي طبيعي والتعب عاد الله يعين ولو تدرين انه حتى حاله الاغماء تيجيني من شدة الوحم والقرف والولاده سبحان الله ربك ييسرها وسعي صدرك واتذكري ان الجنة تحت اقدام الامهات بسبب …



    الله يهونها ويسهلها عليك وعلى كل حامل

تابعي تجارب أخرى من هذا القسم.