بنات ممكن تقولولي تجاربكم مع الليزر لإزالة الشعر

هلا...اختي ليالي...انا مسويه اربع جلسات ليزر....الشعر خف في اماكن مثل جانبي الوجه لكن طلع في الرقبه بشكل كثير جدا.....مع ان الدكتوره اللي اسوي عندها يمدحونها....ما ادري ليش صار معي كذا........ وبعد اسبوع بروح الجلسه الخامسه وبسألها...

السلام عليكم ورحمة الله وبركاته

من خلال تجربتي مع الليزر ومن قبله الاجهزة الكهربائية ان شاء الله افيدك....
1- بالنسبة لاول سؤال الفايدة تعتمد على عدة امور .....
اولا : استمرارك عند الاخصائية حسب المواعيد حتى لو ما طلع شعر كثير المهم شهر بشهر.
ثانيا: عدم تشقير الشعر بين الجلسات او نزعه بالحلاوة او الفتلة.
ثالثا: نوع الجهاز فهناك بعض الاجهزة تعمل بالضوء والحرارة وليس الليزر وهو مؤلم جدا جدا ( وتلاقي لها دعاية في الجرايد والمجلات انها تعمل بالضوء الامن وبدون الم فخليك منها)

2- عدد الجلسات حسب كثافة الشعر ونوعه ( فالشعر الاسود القاسي يزول غالبا من ثاني جلسة الى ثالث جلسة بشرط عدم ازالة الشعر بين الجلسات) بالنسبة لي انا لحد الان سويت 6 جلسات وتوه بدا يخف والسبب اني ما استمر على مواعيد الجلسات ... والاخصائية قالت لي لو استمريت على الاقل 4 جلسات كان زال تماما .

3- غالبا المدة بين الجلسات من شهر الى شهر ونصف ( في المراحل الاولى من الجلسات تكون الفترة شهر وفي المراحل الاخيرة عندما يخف الشعر تكون المدة من شهر ونصفالى شهرين)

4- بالنسبة للسؤال الرابع حول سعر الجلسات ( يتراوح بين 2500 الى 500 ريال سعودي ) وذلك حسب شهرة المركز ونوعه ... مع العلم ان الاجهزة نفسها من مركز لاخر ( انا سويت جلسة في احدى العيادات المشهورة في الرياض بـ 2700 ) وبعدين قالت لي احدى الزميلات ان نفس الجهاز موجود في مركز اخر وبـ 700 ريال .. وفعلا رحت وطلع نفس الجهاز وسويت عندهم) وهناك بعض المراكز تسوي ب 500 ريال ( واذا كنت تبغي اسماء المراكز -- راسليني على الخاص واعطيك اسماءهم واسعارهم)

5- بالنسبة للاضرار الجانبية حظ ونصيب لانها تعتمد على الاخصائية نفسها من ناحية كبيرة و على الجهاز من ناحية ضعيفة اذا كان الجهاز يعمل بالحرارة وليس بالليزر فالاخصائية احيانا تزيد من درجة الليزر دون عمل اختبار للجلد فيتسبب ذلك في حروق في الجلد تزول خلال 7 - 10 ايام مع استخدام المراهم الطبية واحيانا تضغط بالجهاز على البشرة فتؤثر فيها بشكل سلبي .. والان انا اتعامل مع مركز ممتاز ولله الحمد ... ومثل ما قلت الشغلة حظ ونصيب ولكن الافضل انك تطلبي من الاخصائية انها تعملك اختبار بسيط بالجهاز بالدرجة اللي تشوفها تناسب بشرتك على جزء معين من البشرة وبعد يومين اذا ما طلع اثار جانبية ارجعي عندها وكملي معها باقي الجلسات.

الله يوفقـــــــــــــــــــــــــــــــــــك

بسم الله الرحمن الرحيييم........اسفه ياحبيباتي اني تاخرت بالرد لكن اخت لبابه ماقصرت بالشرح

الليزر يبي له متااااابعه وانتظام ومافيه شي اسمه سحر وراح يختفي من ثالث جلسه لكن بنسبه لي ارتحتتتتت كثيررررررررررر بنسبه لوجهي بعد معاناتي لشيله كل اسبوعين صرت مااشوفه الشعره الا بعد اربع شهور ولاني ماانتظمت بجلساتي الاخيره كان مخلصه من زمااااااااااان ومسويه الحين لي 8 جلسات والحمد لله يابنات على الراحه

وراح ابدى لمنطقه الابط والارجل بعد وارتاااااااح وافتك من هم الحلاااااااااااااوه ويكفي الشعر يطلع خفيف باماكن متفرقه وماتحملي شيله......... يبي انتظام ودكتوره ترتاحين لها وشغلها حلو وبضمير وانا من الشرقيه سويته بالعيادات الشاااامله بنفس شارع مجمع الواحه التجاري مكانها واضح مايضيع ابدا

وللاخت اللي تسال تحسفنا ولالا بنسبه لي ماااااندمت ولو عندي امكانيه كان شلت كل جسسسسسسمي بوقت واحد وارتحتتتتتتتت والفلوس تقل كل ماخف الشعر بس داومي على الجلسات ولاتقطعين فترات طويل وترجعين لها هذا اللي يخليكم ماتستفديون,,,,,,,,,,,, واي سؤال انا حاضره

اختكم داليا

أختي لبابة ممكن ترسلين لي على الخاص اسماء المراكز واسعارهم لأني

حابه أبدا بالليزر..ومو عارفه وين أسويه..فياليت تدليني دام عندك خبرة بهالمجال..

وأكون شاكره لك..

النخبه احسن من اوباجي في الليزر بكثييييييييييير .. والله اوباجي سمعه بس عشانه على اسم اوباجي ..

اختي لما راحت لاوباجي عملت جلسة ليزر وحده بس عندهم .. لقطوها وعلى طول على الليزر ما فحصو جلدها وما سووا لها تحليل ولا اي شي .. على طول هونت عنهم وراحت للنخبه ومره كويسه ماشيه معهم الى الان ..

عاد انا مدري عن اوباجي الحين بس حكيت لكم اللي صار مع اختي ..

بس بقولكم ان الوجه يحتاج فتره وجلسات اطول من اماكن ثانيه ..