][§¤°~^ الــــــعـــاب ايــام زمااااااان ^~°¤§][

@hor_alaayn_1 محررة ذهبية

السلام عليكم ورحمة الله وبركاته :

وش رايكم ياأخواتي كل وحده تكتب لنا لعبه كانت تلعبها وهي صغيره وتحن لها

أو مثلا كل وحده تكتب لنا اللعبه اللتي يتميز به بلدها وطريقة اللعبه

والهدف ترفيه ونتعلم ألعاب ما نعرفها وأخر شي نتذكر الماضي والطفوله وبرائتها
أنا أبدا أول

أتذكر وحنا في الإبتدائي نلعب لعبة الأم تجلس بالوسط والبنات يسوون دائره عليها وهي تنشد

الأم : بنياتي بنياتي

نعم يمه نعم يمه

الأم: حزوجكم حزوجكم



على مين يمه على مين يمه ( والله شفاحه نبي نعرف منهو العريس)


الأم: عالزبال عالزبال ( ياحرام وش هالعريس وحنا فرحانين على بالنا جانا عريس لئطه )


ما أريده ما أريده:06:


الأم : عليا راحت

راحت فين


الأم: راحت تشرب

تشرب أيه

الأم : تشرب ميه ( أكيد تشرب ميه أجل وش تشرب)

مية أيه ( يعني المويه صارت أنواع )


الأم : مية طرشي


طرشي أيه

الأم : طرشي عبيطو ( لو تقولون لنا وقتها فسروها والله ما نري وش السالفه أجل وش طرشي عبيطو)

عبيطو أيه


الأم : عبيطو ألًو

ألو أيه

الأم : ألو ألو وتغمض عينيها وتدور وتختار وحده وهي مغمضه واللي يصير عليها تصير هي الأم وهكذا

يالله كل وحده تتذكر الألعاب اللي كانت تسويها أيام الطفوله

( الا ليت الطفولة تعود يوما فأخبرها بما فعل الشباب )

أقول كني خربت بيت الشعر ما علي شرهه بعد موية الطرشي بديت أخربط

مع السلامه :32:

35 تعليق 12,769 مشاهدة

0 0

شاركي في النقاش

سجلي الدخول لإضافة تعليق.

التعليقات

33

  1. @ghloo_tn محررة ذهبية

    #1510523
    أأأأأأأأأأأأأأأأأه يا احلا اسنين عمري:06: :06:
    انا كنت احب الحبل...وطول الوقت ...شبره امره شمس انجوم...كواكب هوى كلعب الدوى....
    يا سقى الله هاك الايام................راحــــــــــــــــــــت:44: :( :06:

  2. @hor_alaayn_1 محررة ذهبية

    صاحبة الموضوع #1511708
    ملاك عبدالله
    شكرا لك أخيتي

    قمــــــ14ـر
    شكرا لك وأنتي الأحلى يا عيوني حتى إحنا في السعوديه نلعب هاللعبه

    غلاية10
    أيه والله يا أحلى سنين العمر
    تسلمين على المرور والمشاركه
    والله ذكرتينا
    شبرا أمرا شمس نجوم كواكب هوا كلعب الدوى
    المشكله ما نردد وإحنا ما ندري وش معاني الكلمات

  3. @lazord_1 قلم واعد

    #1511818
    احنا كنا نلعب حريم

    نسوي نفسنا حريم وهاتك يا لعب

  4. @sndryla2004 عضوة نشيطة

    #1512257
    صبحكم الله بالخير يالعمال العماليه

    صبحكم الله بالنور يالعمال العماليه بالله

    اعطونا بنتكم الحلوه الجميله

    مانعطيكم هيه الا بالف وميه

    ننزل على دياركم وننكسر ابوابكم وهذي عروستنا

    مااظن احد موعارف هاللعبه

    يالله باي باروح ابكي ذكرتوني بايامي الحلوه

    آآآآآآآآآآآآآآآآآآآآآه

  5. @hor_alaayn_1 محررة ذهبية

    صاحبة الموضوع #1515848
    لازورد

    أما لعب الحريم حدث ولا حرررررج

    تسلمين على المشاركه

    سندريلا2004

    حلوه هاللعبه ما ندري أول وش نلحق عليه

    تسلمين عيوني

    :26:

تابعي تجارب أخرى من هذا القسم.