صار لك موقف محرج يوم جاء زوجك يشوفك تفضلي شاركينا

الموقف المحرج الي صارلي اني دخلت وعييت اطلع من زود الحيا ماني قادره

واخوي كل دقيقه ينتق عيووونه علي يعني قووومي

وانا بس اهوجس شلون اطلع فجأه وانا ماتكلمت بكلمه من دخلت

ش اقول مع السلامة!!!


ولا خلاص قزيت خلصت خخخخخخ

وربي بس قاعده واهوجس وافكر شلوون اطلع وبالاصح وش اقول وانا طالعه

واخوي خلاص وده يشوووتني يحسب ان جايزة لي القعده وانا والله قاعده على نار بس مو عارفه شلوون اطلع


اخر شيئ قلت يالله عاد هي خاربه خاربه

مادري شخربطت وانا ماشيه وهجيييييييييييييت

وزوجي لين الحين يعايرني ايه ماقدرتي تطلعين من كثر ماتمقلتي بجمالي خخخخخخخخخخخ مصدق بصراحة

هههههههههههههههههههههههه حلو موقفك

انا يوم الشوفه الشرعيه دخلت وجلست جنب ابوي وابوي بسم الله عليه ماخلا له فرصه يكلمني كل مارفع راسه بيحاكيني قام ابوي طخه بسؤال
المهم عاد ابوي قال لي خليهم يجيبون القهوه يعني اطلعي انا من غبائي احسبه صدق يبيهم يجيبون القهوه واقوم وامشي واروح التلفون في الركن جنب المعرس خخخخخخخ وادق على المطبخ واقولهم يقول بابا جيب قهوه بسرعه
وارجع اجلس في مكاني مير التفت علي ابوي واحس نظراته غريبه
ياربيه ابوي وش في عيونه حمر خخخخخخخخخخ
وش فيه مكشر عسى بس ماهون حخخخخخخخ ويغمز لي ذيك الغمزه الي فهمت قصده بعدها واطمر واطلع
عاد يجيكم هنا الموقف المحرج طلعت وعندنا عمتي وامي وخواتي قالو هاه وش رايك فيه
انا من زود الحيا قلت مااابيه:(
يحاولون يقنعنوني فيه والرجال اطخم وماعليه وانا الله من الهبال قمت اعاند واقول لااا يعني لااا لاتحدوني انتحر
<<<متاثره بالافلام
طلع الرجال وجا ابوي ومعه كرت رجلي قال هااه وش راايك هو يقول البنت عجبتني وابيها وعطاني كرته
قالت امي تقول مابيه
قال ابوي ليه؟
قلت بس مارتحت له
وانا نصابه بينقطع قلبي عليه من الفرحه اقول هو عساه يبيني بس خخخخخخخخخخ
قال ابوي لامي وعمتي خلاااص براحتهااا لحد يغصبهاااا ولايقنعها بكره لو تعافه تتندمون
وتجيني رووووعه قلت في نفسي افا يذا العلم عز الله طار الرجال من يدينك
قال ابوي انا بكره ارد له واقوله البنت استخارت الله وهونت
قلت انا وبكل خضووع وحياا ووجهي قاطعني لا اصبر لاتكلمه ابفكر خخخخخخخخخخ كاني الحين احسن شوي وبديت ارتاح
حشى ماكله بندول وبدء مفعوله مو داخله على رجال خخخخخخ

قالت امي وين الي بتنتحر خخخخخخخخخخ

^^^^^^^^^^^^^^^

الله يقطع ابليسج

موتيني ضحك

موضوع وفيه طخومة ...... يهبل ..أول ماطاحت عيني على إسمك عدلت جلستي إحتراماً لك و إستعداداَ للضحك .... الله يسعدك و يهنيك و ماننحرم من سوالف على خير دوووووووووووووم

حسبي الله على ابليسك ضحكتيني ....