لاتحسبين العرس توفـي وكتكـات ولا تحسبينـه توكـس والا بونتـي
ولا تحسبين العرس كيكة وطرطات وصلة قطعتيهـا ووصلـة بلعتـي
ولاتحسبين العرس تصفيق واصوات وانت على صوت الغطاريف همتي
ولاتحسبين العرس كوشة ولمبـات وانت كما الطاووس فيهـا جلستـي
ولاتحسبين العرس احلام في الشات يامـا بنيتيهـا ويـامـا هدمـتـي
ولا تحسبين العرس روحة وجيـات هيا اقضبي بيتك عسـى مانهبلتـي
ليلة سعيدة وانت احلـى الجميـلات تشخص عيون الناس اذا حضرتـي
(واللاينر)حطيـه بـلا زيــادات لا يخـرب المكيـاج اذا دمعـتـي
(والمسكرة)تحتاج لطف ومـدارات حتـى يبـان الزيـن اذا رمشتـي
(والاسبريه )رشيه حتى البصيـلات يمسك شعرك زين لو كـان زدتـي
وترى(المحدد)فن يحتـاج رسمـات يبـان رسمـه زيـن اذا ابتسمتـي
العـرس يابنيـة ماهـو شعـارات تفنـى مراسيمـه وتبقيـن انـتـي
ويبقى شريك العمر راعي الطويلات هذا هو العـرس حقيقـه عرفتـي؟
اول نصيحة لك حفـظ الصلـوات صلي العشا والفجر في كل وقـتِ
وفي ليلة العرس الموفـق بالـذات ادعــي الكـريـم إذا سجـدتـي
والتعري لاترضين عند الكوفيـرات ولبسـك يملـى العيـن اذا لبستـي
واللي على زوجك تحرضك مرات ارجـوك شوتيهـا شوتـت بلنتـي
والصبر في العشرة حتى على فتات ياماحلا فعلتـك يومـك صبرتـي
واذا حفظت السـر مـع المـدارات زوجك ترى فـي عيونـه كبرتـي
والسوق يعني هاه وقت الضرورات والاتـرى زوجـك يـدور لمفتـي
زيدي الغطاية وكثري في العبايـات والله يرضـى عنـك اذا سترتـي
اوصيك بالكبسة وكثـر اليدامـات حتى لوانـك مـن سببهـا متنتـي
وخلي الرجيم اللي فشلتي فيه مرات سويـه مـرة واحـدة لا ولـدتـي
منقول
هاه وش رايكم في القصيدة الزينة .. ولا تنسون تنفذون النصايح اللي فيها ..
وحدة من زميلاتي الله يذكرها بالخير كانت بتطير من الفرح لأنها بتعرس .....
على بالها العرس فستان منفوش وايس كريم .. هههههههههههههه
وبعد الزواج شوفي أنواع الدلاخة والعبط.... لا وتسوي نفسها كشخة وهي لابسة عشرين قطعة على يعض وكل قطعة لون غير ,,, خخخخخخخخخخخ
والروج طالع يمين وشمال واللوووووووووووووووووون ما يقرب للي هي لابسته ..
والكحل شغل بزارين صغار....
والطبخ الله يكثر المطاعم ما ينبلع ...
والرجال الله يعينه بالع الغصة وساكت ..راحمها لأن عمرها 16 وماتدري عن الدنيا ...
مسكينة كل ما تذكرت ايام زواجها ينكسر خاطرها وتنقهر من اهلها اللي ما علموها بمسؤوليات الزواج..
لا تصيرون مثلها عاد..
شاركي في النقاش
سجلي الدخول لإضافة تعليق.
التعليقات
7- هههههههه
اما زميلتك مسكيييييينه والله حزنتني
يسلموووووووو - ههههههههههههههه
قصيده كيييوت - والصبر في العشرة حتى على فتات ياماحلا فعلتـك يومـك صبرتـي
واذا حفظت السـر مـع المـدارات زوجك ترى فـي عيونـه كبرتـي
والسوق يعني هاه وقت الضرورات والاتـرى زوجـك يـدور لمفتـي
زيدي الغطاية وكثري في العبايـات والله يرضـى عنـك اذا سترتـي
اوصيك بالكبسة وكثـر اليدامـات حتى لوانـك مـن سببهـا متنتـي
وخلي الرجيم اللي فشلتي فيه مرات سويـه مـرة واحـدة لا ولـدتـي
خخخخخخخخخخخخخخخخخخخخخ
يعطيك العافيه - خخخخخخخخخخخخخخخ
القصيده مسكته
ههههههههههههه
مشكوووووووووووووووره - مشكورين عالردود الحلوة ..
وكل عام وانتم بخير .. وجعلنا الله من الصائمين القائمين يارب
مواضيع مشابهة
تابعي تجارب أخرى من هذا القسم.