ثلاث عرايس بليلة وحدة ... هيلب مي

هلا حبيبتي
كنت بقولك نفس رأي الاخوات اللى قبلي ............
إكتبي اسمك على الكوشه بحروف إإنجليزيه واسم زوجك إذا تحبين بعد بحركه رومانسيه ودلع
ونفس فكرة فستانك وستايلك محلات الكوش تسويها لك انتي عطيهم الفكره ... وبكذا تكون خاصه فيك
الله يوفقك ويسعدك .....

ستايلوك
مايهمني الله يبارك فيك وعقباااال ماتستشيرنا ان شاء الله بيوم فرحك ^.^
كوكا لايت المقارنات بدأت من الان حبيبتي بس والله انا بقولك نصيحة ترى على نياتكم يعني صفي نيتك مع الله وهو ما ينساك ابد ..
الفرفوشة ما بحسسك اني مغرورة بس بشهادة الجميع من قريباتي انو انا الأحلى ولله الحمد بس ان شاء الله ما يخمني المكياج ذاك اليوم واتفشل ..
بنت جدة بقاعة نوف بجدة ..
قمر مر هذه الفكرة اظن انها انسب شي بس بكتبها بالعربي والانقلش علشان اللي مايعرف يقرا انقليزي يقراه بالعربي >>>>> مقهوووره منهم ^.^

انا برضوو اشوف فكرة الاسماء مررره حلووه .. ولو تحطين صورتك في الكوشـة يكون أحــلى .. يعني المحل اللي بيصمم لك قولي له انك تبغين صورك تكون من ضمن الكوشـة .. أو حتى لو صورة وحــدة وتكون كبيررررررة وواضحـة يعني حتى الاعمـى يشوفها ..


بالتوفيق ..

الف مبروك
حكاية انك تكتبي اسمك ترى مرة حلوة
و ممكن تكتبي الاسماء بالعربي
و تحتها بس حروفكم بالانجليزي
و لا تحطي صورتك لانو ممكن هما يتصورو فيها و تسير صورتك عندهم
و انتي حاولي انك تعرفي كل وحدة ايش لون مكياجها و مسكتها و سوي الوان تانية
ممكن تعملي مكياج اخضر و الكوشة و المسكة بالفوشي او البمبي
و لازم تحجزي عند كوافيرة حلوة و انتي مجربتها و تعملي بروفة قبل

مرة رحت جواز كانت العروسة مقفلة الكوشة بالشرايط
عشين لو وحدة من البنات اللي كان جوازهم قريب فكرت تنزف ما تقدر تجلس عالكوشة
هيا كانت الكوشة تقريبا زي الخيمة من فوق و نازلة ستاير من الجمب فكانت تقدر تقفلها بالشرايط
و البنت اللي انزفت حطولها كرسي برة الكوشة و جلست
روحي محل سنديان للزهور في شارع الامير سلطان و اتفرجي على الكوش عندهم
و عندك محل اهازيج جمب العائلة للتصوير برضو عندو كوش زي الخيمة و عندو اشكال حلوة
و عندك محل ليلة زفافي عند الدوار اللي عند شارع صاري و الامير سلطان هوا اللي عملت في البنت اللي قلتلك عليها كوشتها
بس سنديان انا احس انو اسعارو كويسة انا سويت عندو كوشتين و اللي فوق الطاولات و المدخل ب 8000

اتمنى اكون افدتك و سوري عالاطالة