اجوا دخول النساء والرجال والرد ضرووري لو سمحتو

السلام عليكم ورحمة الله

يا قلبي و الله احس انج مثل اختي الصغيره و اتمنى انج تسمعين كلامي زين و تقلبينه في مخج عدل


شوفي يا حبيبتي انتي توج بنت صغيره واللي اقصده يعني و ما تعرفين الناس و الشباب الموجودين في النت و أساليبهم وما عندج الخبره الكافيه انج تعرفين الشخصيه اللي تكلمينها .. وانا ما اقول لج كل الشباب في النت صايع و يدورون علاقات مع بنات .. بس اقول لج يا حبيبتي الحذر واجب .. يعني هذا الباب سكريه و ارتاحي ولا تضيفين شباب عندج بالمسنجر ...

وانتي حاسه بتأنيب الضمير انج اتكلمين الأولاد بالمسنجر بس بررتي هذا الشي انج تستفيدين منهم من ناحية اللغة الإنجليزيه وغيره .. حبيبتي انا ما اقول لج غلط اننا نستفيد من الآخرين بس مثل ما قلت لج انتي ما تدرين شنو يدور في ذهن هالشباب.. يعني بالعربي الفصيح (( ابعدي عن الشر و غني له))

بعدين يا حبيبتي انتي قلتي ان انتي مو ممكن انج تكونين علاقات مع هذول الشباب.. بس احب اقول لج ان الشيطان شاطر وانتي ما تظمنين نفسج .. و قال الله بالقرآن بما معناه ولا تتبعوا خطوات الشيطان .. لأن الشيطان دايما يدخل على بني آدم من باب الحلال و المباح و فعل الخير و اشوي و اشوي ليما يزلق هذا الإنسان في المحظور

انا اقول يا حبيبتي احذفيهم واحد واحد من المسنجر .. و ما انصحج انج تتعرفين على اي بنت من النت لأن في بنات اشطن من الشباب .. شوفي عالم حواء ما شا الله متروس من هالعضوات اللي ما شا الله عليهم .. و تقدرين تعرفين البنت من ردودها و اسلوبها في الكتابه و ردودها تعرفي عليهم

وهذي لج يا حبيبتي :26:

هلا اختي شلونج

انا بقول لج لا تكلمييييييين شباب حتى لو كانت الكلام عادي خذيها نصيحه من اخت

لان في الحالتيييييييييين حرااااااااااااااااااام اذا كلام عادي ولا كلام مو عادي


والله يوفقج ويسعدج ان شاء الله

شكراااا الله يعطيكم الف عاافيه بس تكفون ادعوولي وابي ردود اكثر تشجعني

اهلين اختي وكل عام وانت بخير والشهر عليك مبارك

طبعا انت عارفة الحكم الشرعي لمحادثة الرجال الاجانب حتى ولو كان عن طريق الكتابة

ماراح اكلمك عن الحكم الشرعي

ان شاء الله كلامي معك بيكون في منحى ثاني

كل الاسباب اللي اوردتيها ماهي مبرر للي تسوينه ..

وأكبر دليل على كذا هو انك حاسة بأن فيه شئ غلط في تصرفك وهذا بحد ذاته نعمة كبيرة

بالنسبة لكلامك مع الشباب على الماسنجر عييييييييب كبير يااختي وشئ يخالف عاداتنا وتقاليدنا .

وعشان تتأكدين من كذا حاولي تسألين اخوك او عمك او خالك عن تصرفك بطريقة غير مباشر !!

على طول بيقومون الدنيا ولا يقعدونها .

المواضيع العامة اللي انت تناقشينها مع الشباب ممكن تفتح لك ابواب انت في غنى عنها _غير الاثم اللي تسجله عليك الملائكة _

استبدلي الشباب على الماسنجر بصديقات على الواقع وعززي علاقتك بأخوانك

اكثر شئ مخوفني في موضوعك هو ثقتك الزائده في شعورك !!!!

المرأة ياخديجه تختلف عن الرجل جذرياً من ناحية العاطفة ..

المرأة عاطفتها جياشة وتنتمي بسرعة... وتميل للشخص الذي يظهر لها القبول ...

وقد تحب بالتعود _يعني اذا اعتادت شخص احبته _

كللللللللللللل البنات الآتي وقعن في شراك الذئاب كانت بدايتهم ثقه زائده في انفسهن وتسلية

وبعدها تحولت الى اعتياد ثم حب ثم ألم وحسرة و قهر ومرارة _ ولاحول ولا قوة الا بالله

بالنسبة للنصيحة التي تنتظرينها منهم مااشوف لها دااااعي ابداً !!!

ياختي عندك منتديات نسائية كثيرة اكتبي استفسارك او مشكلتك والكثيرات بيساعدونك ان شاء الله _ بغض النظر عن المتخفين _

صدقيني ماحرم الله الاختلاط الا لحكمة عظييييمة وجليلة .. ولان الاختلاط بوابة الفساد ..

مافيه شئ في الاسلام اسمه اخوي اللي ماجابته امي !!!!

الرجل الاجنبي يظل اجنبي مهما كان شعورك تجاهه .

اضيفي لذلك ان استسلامك لمحادثة الشباب على الماسنجر تنزع الحياء من قلبك

وتورثك جرأة ممقوتة

وتسلب هيبة الرجل من قلبك

بصراحة اللي تسوينه خطأ × خطأ والسبب الرئيسي فيه قد يكون الفراغ ..

سواء كان فراغ عاطفي او فراغ وقتي .

احذري يااختي لا تخسرين دينك ودنياك من اجل رجال اغراب .ضررهم اقرب من نفعهم

تقربي لله بالطاعات واصرفي وقتك فيما ينفعك

استبدلي الرجال بالنساء ... فلامجال للمماطلة في هذا الموضوع

غيري ايميلك واستعيني بأخت لك تغير لك الرقم السري عشان ماتقدرين تدخلين بعد كذا

انتبهي من ارسال ايميل توديع للشباب !!! الايميل الاخير يجلب وراءه ايميلات كثيرة

اتركيهم دون سابق انذار وابدأي صفحة جديده مع ربك ثم مع نفسك .

موفقة :)