تكفون طريقة التمر بالعودان والبسكوت المطحون


السلام عليكم ورحمة الله وبركاته

كل عام وانتن بخير وتقبل الله منا ومنكم صالح الاعمال
الله يعافيكن ابي تعطونن طريقة التمر بالعودان اللي فيه بسكوت مطحون وذارينه على الصحن ومحطوط عليه اظنه كاكاو سايل
واذا بغينا ناكله غطيناه بالبسكوت المطحون
هههههههه
اللي عنده الطريقة تعطينياه
واللي عنده الرابط الاساسي تحطه
واللي عنده صور يكون احسن

ولكم دعوه حلوه بهالشهر الفضيل
اللهم من ساعدتني او ودهـ تساعدن بس ماتعرف
((فرج عنه كربته وارزقه من حيث لاتحتسب وتقبل منه صيامه وقيامه))

10 تعليق 13,839 مشاهدة

شاركي في النقاش

سجلي الدخول لإضافة تعليق.

التعليقات

10
  1. @roaby_mkh

    غالي والطلب رخيص
    حبيبتي احضري تمر معجون جاهز او اعمليه في البيت يضاف معه ربع اصبع زبده و3ملاعق فول سوداني و2ملعقة فستق مطحون ونصف علبه بسكوت شاهي مطحون ويقلب مع بعض ويكور نضع في صحن التقديم نصف علبه بسكوت مطحون وبد ذللك نرص كور التمر الى ان تنتهى الكميه نضع في الخلاط الكهرباثي 3حبات جبنه كيري ونصف علبه حليب مركز ونصف علبه قشطه ( يمكن تضاعفي الكميه حسب كمية صحن التقديم ) ويوضع على وجه التمر ويرش على الوجه ايضا شوكلاتة هيرشي السائله ويوضع عليه اعواد في كل حبه ويصحه والعافيه طبق لذيذ ويبهر ضيوفك
  2. @nh_aamry

    بس كده...!!
    ابشري تمر سكري شيلي العبس
    احشيه بسكويت شاي اولكر مع طحينه
    وحطي بالخلاط كيري مع حليب نستله وصبيه فوقهم وزينيه بفستق مطحون ...
    ويمي يمي
  3. انا بقولك طريقتي
    تطحنين بسكوت وتحطي نص البسكوت في طبق التقديم بعدين سوي تمر على شكل كور وحطية فوق البسكوت وحطي الكمية الي باقي من البسكوت فوقة واخلطي بالخلاط علبة قشطة 3كيري او على حسب الكمية وحطيها فوق التمر والبسكوت
    وحطي فوقها هيرشي كاكاو

    وخذي اعواد اسنان وحطيها بالتمر وبالهنا والعافية
  4. @smraaa_3

    تمر سكري منزوع النوى
    بسكويت مجروش + طحينة = تحشين التمر السكري
    رصنيه في الصنية التقديم بعدين حطي فووووقة حليب نستلة + جبن كيري = الخلاط
    بعدين صوص الشكولاته فووووق الخلطة السابقة بعدددددين على الحواف الصحن التقديم يوضع لوز مبشور ومحموس
    وآآآآآآآخر شئ العوداااااان
    وبصراااااحة رووووووووووووووووعة وبالعافية على قلوبكم ....
  5. هذا الحلى منقول من الأخت فراشة طائرة الله يجزاها خير يجنن

    حلى القهوة وإسمة
    ((أعواد التمر))



    المقادير :
    تمر منزوع النوى – بسكوت شاهي( شبة مطحون)ـ ربع إصبع زبدة -- 4حبات جبن كيري – ربع علبة حليب نستلة –كاكاو هيرشي

    الطريقة:
    1- نعجن التمر مع ربع كوب بسكوت مع الزبدة ثم نعملها على شكل دوائر حتى تنتهي الكمية.
    2- في صحن التقديم....نضع علية طبقة من البسكوت المطحون ثم نضع فوقة كرات التمر.
    3- في الخلاط.... نضع الجبن مع النستلة وبعد الخلط نضعة على التمر ثم نزينة بالهرشي.
    ثم نضع فوق كل دائرة عود .....

    بس لا تنسون تعزمونا معاكم على فنجان القهوة.....

    وهذا هو الرابط عشان تشوفي الصورةhttp://http://forum.hawaaworld.com/showpost.php?p=10153958&postcount=59

تابعي تجارب أخرى من هذا القسم.