شاركي في النقاش

سجلي الدخول لإضافة تعليق.

التعليقات

264

  1. @aor_22

    عيوشه
    يا بنات استهدوا بالرحمن اول شي انا لم اكن ضد اي وحده منكم لاني احبكم واحترمكم كلكم واعرف افكاركم زين وكلكم عدكم حق من خلال اللي تعرفوه وعشتوا به واني مقدره هذا الشي وفاهمه كل وحده منكم شنو تقصد يمكن لاني اكبركم سنا صرت اهدأ بفهم الناس …
    مشكورة عيوني عيوشة
    الله يسهل امرج ويفرح كلبج برجعة اخوتج ووالدج بالسلامة ويقر عيون الوالدة
    برجعتهم سالمين باذن الله
    اللهم امين
    وللتوضيح وحتى لا يتصور احد اني طفلة :04::04::04:
    وبعدين يعللون النفس بالامال بحجة ( اي هي متعرف شدتحجي )
    ترى اني طالبة جامعية
    مرحلة 2 علوم بايولوجي والغربة علمتني هواي امور :(
    ومشكورة خالة ام مصطفى :) :)






    الله يسلمج عيوني مونساف ويرزقج الامن وراحة البال
    ويقر عيونج بالذرية الصالحة عاجلا غير اجل ويجمع شملنا بعراق محرر
    وما ذلك على الله بعزيز
    باذن الله موجودة وياكم بدعواتي الى ان يقضي الله امرا كان مفعولا
    بس طبعا اذا اكو خبر حلو وعاجل اكيد ادخل ابشركم بي :)
    المهم الي اريد اوصله وصل وزيادة :)

    واخير وكما عودتكم

    الله موجوووووود

  2. اور 22
    مشكورة عيوني عيوشة الله يسهل امرج ويفرح كلبج برجعة اخوتج ووالدج بالسلامة ويقر عيون الوالدة برجعتهم سالمين باذن الله اللهم امين وللتوضيح وحتى لا يتصور احد اني طفلة :04::04::04: وبعدين يعللون النفس بالامال بحجة ( اي هي متعرف شدتحجي ) ت…
    تذكرون من قلت لكم ابن عمي خطفوه من الاعضميه وليهسه محد يدري وينه

    البارحه امه سمعت رجال شايب طلع من بينهم
    لما ماخذين الشباب الرجال راكض ورى السياره قالهم ابني وياكم قالوله تعال لعد وخمطوه ويا ابنه و14 شاب من ظمنهم ابن عمي
    هل رجال مطلعيه ورى ساعتين من خطفه لانه كبير بالسن
    راحت له مرت عمي بالمستشفى
    يقول لها دخلونا مثل مدرسه لان يسحبون بينا ورجلينا تتخطخ برحلات مال مدرسه
    وضاربيه بالاخمس على راسه لما منكسر منه عظم واخر شي ذابين تيزاب على رجله
    وشوفي من قبل رمضان من اخذوهم ليهسه هو بالمستشفى
    يقول لها اقري على ابنج الفاتحه لان اني ورى ساعتين وهيجي تعذيب ومن طلعوني اسمع بس صوت الشباب عياطهم ماله والي





    وخبر ثاني
    منطقه الوشاش الي صايره بين المنصور وحي الاسكان
    طفروا كل السنه الي بيها
    قاموا يحرقون بيوتهم عليهم وهم داخلهم
    والي عنده حظ اخذ مرته وجهاله وطفر لمنطقه ثانيه
    يعني البيوت والحال والحلال والارواح فوق البيعه



    نشكر كل من ساهم بالحريه العراقيه

  3. monsaf عيني على كيفج وبس للعلم اني قبل ما اكون عربيه فاني عراقيه وانتي اسلوبج هجومي بالرد وبس حبيت انبهج لهاي النقطه لان اني متاكده انتي مشاعرج هي الي دتحركج بس لازم يكون اسلوبنا بالرد احسن من هيج مو قصدي انتي سبيتي او شي لا بس لازم نتقبل الرأي الاخر مهما كان واذا بي غلط او سوء فهم نكدر نشرحه
    وتقبلي تحياتي

  5. @aayoshh_1

    صاحبة الموضوع
    ايثار يا بنتي الغاليه
    حياج الله حبيبه , اعرف انتي مو طفله ........ انا قلت انتم شابات ما شاء الله عليكم
    بس تعرفين اني شكد عمري؟؟؟؟؟ اني عمري 41 سنه يعني ضعف عمرج يا غاليه او اكثر شويه ..... الله يهنيج بشبابج ويرحم والدتج ويجمعكم بيها في جنات النعيم بعد عمر طويل على طاعة الله سبحانه

    ام عدولي الغاليه
    مشكوره عيوني على الدعاء وربي يجزاك كل الخير والحمد لله ربي اللي من علينا برجعة ابو هاشم ...... ربي سبحانه كاتب له عمر

    ومشكوره عيوني ام رزونه وربي يرضى عنج ويحفظ اولادج ويجعلهم من الصالحين
    مشكورات كلم يا بنات وحياكم الله

تابعي تجارب أخرى من هذا القسم.