يتجسس على مكالماتها"""""""

اهلين بنات كيفكم شخباركم انشاء الله الجميع بخير وعافيه..........اليوم يابنات كلمتنى صاحبتى وهى منهاره حيل ما توقعت انو زوجها ممكن توصل فيه الدرجه لهالمستوى:44: راح ابدى لكم بالسالفه من البدايه البنت هاذى لها مشاكل كبيره مع اهل زوجها يعنى اهانه وذل وهى راحت سكنت عندهم بسبب ظروف زوجها الماديه لان كان عليه ديون كبيره ما قدر يسددها على شان كذا راحت سكنت عند اهله على شان توفر على الاقل الفواتير واجار البيت على زوجها بنت حلال جد لها سنه ونص متزوجه صدقونى يبنات تلبس من جهازها تقولى حرام ما ودى اكلف عليه المهم من يوم ما سكنت عند اهله والظاهر اهله يحسبونها شغاله مو مرة ولدهم تقول طبخ ونفخ:7_2_103v: تقول اطبخ لهم تجى خالتى تقول كرم النعمه وتكب الاكل بزباله تخيلو:angry2::angry2: يعنى نعمه حرام والبنت انا اعرفها ذايقه طبخها مشاء الله احلى منه مافي وصبرت وتحملت وليته على اهل زوجها وبس زوجها بعد تخيلو ما يصرف عليها وبس اربع وعشرين ساعه برا البيت وتقول ليته يطلع ويتركنى لحالى لا ينادى خواته يجلسون معاي غصب يقول ما تجلسين بروحك والروحات والجيات اللى بالسنه تكون معدوده عالاصابع لازم يلزقهم فينى يعنى ما اروح ولا اجى الا معاهم غير كذا هي توفر من هنا وهو يبعزق من هنا تقول يشترى سياره ويبيع سياره اخر الجولات لازم تكون عنده اخر الكمبيوترات والكاميرات لازم يشريها حتى لو كان مو محتاج لها وانا اذا طلبت منه شي يقول ظروفي والديون كل هاذا متحملته المسكينه وصابره وساكته لين اليوم تقول كنت انظف قسمي وكنت بنظف تحت الكنب بالعاده ما انظف هالمنطقه لين ماهو يجي يساعدني على شان نبعد الكنب وانظف اللى تحته:29: وتقول مدري من وين جتنى القوه وبعدته بعدين لقيت الشى اللى عمري ما كنت اتصوره حاط تسجيل للتلفون تحته تخيلو يبنات تقول بعدها رجعت بي الذكريات ولقيت انو كل ما انوى شي يعاند ويعيي ويعرف اشياء ماكنت قايلتها له اصلا لما وجهته قالها انت المفروض تستحين على وجهك انتى اللى قلتى عن امي كذا وكذا وانتى دعيتى عليها وقلتي عني يلى ما تستحين و و و الى اخره تقول يعنى ما استحى على وجهه يواقح واخرتها قالها ظفي عفشك الا اغراضك اللى انا جايبها لك خليها انتى ما تستاهلين وتقول قام يقولى كلام مره قوى حرام يقوله الواحد لاي واحده يعتبر قذف اصلا وهى مسكينه ما تدري وش تسوى والله قلبي بيتقطع عليها هى تحبه هو ولا هو هامه النذل كيف يابنات انصحها كيف اهديها من جد شي يقهر.

13 تعليق 1,041 مشاهدة

شاركي في النقاش

سجلي الدخول لإضافة تعليق.

التعليقات

12
  1. @am_god_ogmanh

    لاحول ولا قوة الا بالله
    اختي موضوعها لازم يدخل فيه ناس يهدون النفوس
    تكلم احد من اهلها وتخليه يحاول انه يصفي مابينهم
    وهي لاعاد تتكلم بأحد حرام حسناتها تروح لهم
    وهو مهما كانت ضحت علشانه مو سهل عليه يسمعها تسبه مهما كان
    وتسب امه هذي امه واللي مافيه خير لامه مافيه خير لبنت الناس
  2. صاحبة الموضوع
    ام جود وجمانه
    لاحول ولا قوة الا بالله اختي موضوعها لازم يدخل فيه ناس يهدون النفوس تكلم احد من اهلها وتخليه يحاول انه يصفي مابينهم وهي لاعاد تتكلم بأحد حرام حسناتها تروح لهم وهو مهما كانت ضحت علشانه مو سهل عليه يسمعها تسبه مهما كان وتسب امه هذي امه وا…
    اختى ام جود الله يجزاكى خير هي ما سبت اهله قدامه هى تشتكى احيانا منهم عند خواتها اهلها على شان يهدوها وهو اللى حط المسجله هي تكلمت عليهم قدامه
  3. صاحبة الموضوع
    noha555
    اختى ام جود الله يجزاكى خير هي ما سبت اهله قدامه هى تشتكى احيانا منهم عند خواتها اهلها على شان يهدوها وهو اللى حط المسجله هي تكلمت عليهم قدامه
    بنات وين مشورتكم جد البنت كاسره خاطري وودي انصحها واساعدها هى مسكينه ابوها متوفي وامها حرمه كبيره وهى اكبر اخوانها وماراح تنساكم من الدعاء
  4. @123hyh

    لابوه لابو اللي دابه بداله 10 يتمنونها


    قولي لها حبيبتي ((من راح من كيفه وكيفه موديه ......خله على كيفه وكيفه يرده))
  5. @shthoo

    قليل ادب وماتربى واسمحيلي مايسمى هذا رجال هو الغلطان وقلب السالفه عليها.

    باي حق يتجسس ويسجل مكالمتها .

    لكن صدق الطيب بهاالزمن تحت الرجوول .

    مدامه طردها من البيت خليها تدخل رجال بهالموضوع عمانها ولا اخوالها اذا كان ماعندها اخوان وهم يتفاهمون معاه.

    الله يفرج همها ويوسع صدرها امين

تابعي تجارب أخرى من هذا القسم.