صينيه جلاش عجييييبه .... تذوب في الفم ذوب ... مصوره من مطبخ koketa طبعا

هلا والله بالحبايب



اليوم سويت صينيه الجلاش بالخضار او ممكن نسميها صينيه الجلاش بالنقانق والفلفل الملون


روووعه وطعمها مميز ولذيذ جدا


اول شي تشترين نقانق طازجه مو هوت دوج لازم طازجه من عند اللحام وتكون مبهره جاهزه ولو مو مبهره ممكت تضيفين ملعقه بهار حلو وملح لما نطهيها




نقطع النقانق حلقات ونقلبها في 3 ملاعق زيت لين يتغير لونها للبني الفاتح وبعدين نضيف شرائح فلفل بارد ملون اصفر وبرتقالي واخضر واحمر







ونقلب بس ما تذبلين الفلفل يعني بس تخلطينه مع النقانق لين يلمع



ندهنين صينيه فرن بالسمن وتحطين طبقات من الجلاش وبين كل طبقه والثانيه ملعقه سمن سايح ترشينه رش



21 تعليق 4,199 مشاهدة

شاركي في النقاش

سجلي الدخول لإضافة تعليق.

التعليقات

19
  1. صاحبة الموضوع
    تبشرين جبن بارميزان مبشور مع جبن شيدر وموزاريلا كله مبشور وترشين طبقه كثيفه



    وتحطين حشوه النقانق وتضيفين زيتون اسباني غير مالح شرائح وممكن ذره مسلوقه حلوه



    وتغطيها بطبقات الجلاش وتدخليها الفرن تتحمر شوي وبعدين تكونين خاطه بيضه مع شوي حليب وتحطي فوق الجلاش وهو حار وتدخليه على الشوايه الفرن عشان يتحمر الوجهه





  2. صاحبة الموضوع
    وقدميه وانت رافعه راسك


    قسما بالله ما بتم فرفوته في الصحن


    اهم شي لا تستخدمين الهوت دوج المجمد لازم نقانق مبهره


    وبالهناء والشفاء

تابعي تجارب أخرى من هذا القسم.