الحبوب الحمراء في جسم بنتي

السلام عليكم
بنتي عمرها شهر ونص الله يحفظها لاحظت من فترة ظهور حبوب حمراء صغيرة في وجهها وبعض أجزاء من ظهرها وصدرها.

الحمدلله هي مافيها شئ لا حرارة ولا شئ غير طبيعي غير هالحبوب الحمراء مسكينه وجهها صاير خشن

أحس انه حساسية من شئ بس مو عارفة من شنو بالضبط ياليت تنصحوني بالحل

أخاف اوديها المستشفى ويعورون راسي ويأذون البنت بالفحوصات دم وخرابيط وهي مافيها شئ الصراحة أحنا مبتلشين مع المستشفيات تروح الحكومي منهم تلقى عالم ما تفهم شئ بالطب كسالة ومنافقين وتروح الخاص منهم تلقى عالم محتاله ومتفرغة بس عشان تمص منك فلوس

اللي صاد أحد عيالها نفس الشئ تقول لي شنو سوت وشنو أستعملت لهم

الوالدة تقول شئ عادي كل اليهال يصيدهم جذي ياخذ وقته ويروح بس انا متضايقة من هالشئ

المهم انتظر ردودكم

5 تعليق 17,905 مشاهدة

شاركي في النقاش

سجلي الدخول لإضافة تعليق.

التعليقات

5
  1. @ayn_alaadl

    طبيعي اختي هي حبوب صغيره خشنه بنتي وجهها ويداها ورجلها نفس الشئ عالجتها وهم يقولون طبيعي استعملي لها كريم خفيف بس اذا زاد وديها الطبيب
  2. اختي انا كانت في بنتي الله يحفظها من وقت الولادة وديتها للدكتور وقال طبيعية تجي في الاطفال لمدة شهرين وتروح والحمدالله خفت وتجي وتروح وعمرها اربعة اشهر ومااععطاها دواءبس امي قالت في نبت اسمها الورس يغسلون الطفل بها وتروح وانا انشأالله بسويها لها
  3. @bb_2

    صاحبة الموضوع
    الله يجزاكن خير ياخواتي

    تصدقون حتى زوجي يقول طبيعي بس أنا وسواسية هههههههههههههههههههه طلع زوجي أفهم مني بهالأمور ماشاء الله عليه

    أما عن النبته اللي قلت عنها أختي سفيرة القلوب من وين أحصلها هل تجي سائل أو نغليها أو ننقعها خبريني عن طريقة أستخدامها ومن وين نحصلها من العطار ولا من وين
    طولت وكثرت بالأسئلة بأنتظار ردك
  4. اختي النبتة من العطار تنقعينها بموية حارة بعدين تخ\ين المنقوع بعد ماتبرد وتغسلين فيها بنتك الله يحفظها لك انشأالله

تابعي تجارب أخرى من هذا القسم.