ادعي علي ان مابانت نتايج هالخطله من اول مره

يالله حيهم ومسهم

الصراحه يابنات قبل مده كنت ابحث عن خلطه لللوجه صفاءوبياض يعني حلوه بالمنتديات

المهم

طحت لي على وحده حاطها خلطه تحلف وتقسم ان نتايجها فعاله المراد كانت خلطتها جدا جدااا سهله

وانا تساهلت فيها قلت ماني مصدقه انهاا صحيح

لكن مدري شلي خلاني قبل يومين احط هالخلطه لقيت اغراضها قدامي قلت ورى يا شيقيح ما تسوينهاا

واروح اسويهاا

والله عقب ما غسلت وجهي

رحت لخواتي كانوا توهم زايراتنا من بيوت رياجيلهم اختي الكبيره يوم شافتني قامت تصيح

حتى ان مرج قلبي وعضيت بطرف ثوبي ونحشت

وبالاخير مسكتني وحلفت والله للتطلق ان ما علمتها وش مسويه الصراحه بيني وبينكم قلت يمكن

تهايط علي بس بتعرف وش حاطه

المهم قلت لهاا لدرجه خواتي التسعه كلهم تسطروا وحاطينهاا

ورحت لصلاة التراويح وتشوفني بنت جيرانا وهي تمسكني تقول وش مسويه شقيح

انا منصدمه لهدرجه مبين علي

المهم يابنات هذي كلها مقدمه للخلطه ولكم اللحين الطريقه ..؟..

تجيبين (مره )وتطحيننيهاا ناعمه + شويه من طحينيه << هرده للي مايعرف اللي تجي من حلواني والصيداوي اللي ناكلها مع التمر بعد الفطور خخخخخخ

لا حطيتي ملعقه مره حطي ملعقه ونص هرده يعني خلي الهرده تكون كميتهاا اكثر من المره

وتخلينهاا من ساعتين لا ثلاث ساعات بوجهك يعني انا يوم حطيتهاا كان عندنا فطور رحت صلحت فطورناا وقعد حول الثلاث ساعات نسيتهاا بوجهي بعدهاا رحت غسلتهاا

بس تجنن الصراحه راعيتهاا مو كاتبه كم مره بالاسبوع بس انا بحطهاا مرتين بالاسبوع

واذا تبينهاا بارده على وجهك سوي كميه وحطيهاا بالثلاجه لما تحطينها تحسن بشرتك فتحت وشعور حلووووو

المهم بس يابنات ادعوا لي ربي يوفقني بحياتي ويزوجني.. وادعوا بعد لصاحبة الخلطه