شاركي في النقاش

سجلي الدخول لإضافة تعليق.

التعليقات

33

  1. @almhbh_llgmyaa

    يالغالية أنتي مضغوطة وإلا اللي ذكرتيها أمور عادية جداً
    وتحدث........
    لا أحد يقول لا....
    لا نكون مثاليين.........



    بس .....



    يالغالية سمحتي للشيطان يكبر الهوة بينك وبين اخواتك
    أدري تصير مواقف بس بأسلوبي انا اقدر يا اخجلها من نفسها يا اخليها تقول احسن
    وبعدين ليه مناظرة مرت اخوك اللي بتولد الشهر الجاي وناظرتي خاطرها وزعلتي اختك
    عشان بنت الناس اللي تلاقينها ولا درت عنك ؟؟
    وبعدين اللي سويته لاخوانك لا تقعدين تمنين فيه...!!

    انتي ان بغيتي تسوين مستقبلاً شيئ سويه لله وبس وإلا لا تسوينه من اصلوه ...؟
    وعلى الهدايا انتي غير ملزمة حتى لو كنتي مقتدرة وموظفة ...!
    ومن قال لازم تهدينها ..؟
    صحيح حركة ذوق وعن نفسي أسويها بس إذا بأسويها غصب..!
    لا والله ما احد ضربني على يدي وألزمني
    بكيفي فلوسي وأنا حرة اهدي اللي أبي ...!
    وخلي عنك مراعاة الاخرين ألزم ما عليك امك وأخواتك
    واحسني الظن
    واعتقد يوم قلتي ( كنها امي بلحالي )...!!! مدري لي ملاحظة على هالجملة ..؟؟
    يا شيخة يا بختك الجنة بين ايدينك الله واكبر بريها
    ولا تناظرين غيرك ويا مالك من الأجر العظيم
    يا ما تعبت وسهرت وكم من عزيمة تركتها عشانك وكم من ليلة سهرت وجفاها النوم عشانك ...؟
    الله يجزى والدينا الجنة اللهم آمين
    قليل فيهم بالله وشو يعني لو غبتي يوم يومين والا ثلاث عشانها ؟؟؟؟؟
    ادري انها كلمة طلعت وقت غضب بس الواحد يحاسب على كلامه يالغالية
    واتمنى ما تزعلين من كلامي
    وغيري من أسلوبك مع اخواتك وأمشي بمبدأ أخواتنا أهل الشام
    لاقيني ولا تعشيني :)

  2. @alwan_1

    وانا ألي اتمنى يكون لي أخت :(
    كيفها لا تعطين لتصرفاتها قدر عشان ما تفرح عليك وتزود ..
    طنشي وبس الله يهديها ويصلح حالكم :)

  3. @allh_yrzk_algmyaa

    شوفي حبيبتي لاتزعلين من كلامي لأني والله كاتبته أتمنى لك الخير


    أنا مش معك في إن تصرفات خواتك فيها نجاسة ونحاسة يمكن إنتي تكونين حساسة شويتين علشان كذا تفسرين كل تصرف لهم إنه ضدك


    حاولي تصفين نيتك تجاههم وتحتسبين إساءة أي أحد تجاهك لله


    الله يوفقك

  4. لاتدققين حبيبتي ، كذا الناس صاروا في هذا الزمن ، تدرين ان اخوية إذا جيت البيت عند اهلي مايسلم علي يسوي نفسه مو شايفني ، والثاني زوجناه قبل رمضان وأثثت أغلب بيته وأعطيته مبلغ في يده والكثير من تكاليف الفرح علي ، تدرين انه ماجاء يسلم علي في العيد وانا الحمد لله محتسبة اللي سويته عند رب العالمين ولا أبغى جزاء من أحد ....وسعي صدرك والدنيا بكرة تنتهي ولا يبقى إلا العمل الصالح ....

  5. @dloaah_klmty_msmoaah

    صاحبة الموضوع
    المحبه للجميع*
    يالغالية أنتي مضغوطة وإلا اللي ذكرتيها أمور عادية جداً وتحدث........ لا أحد يقول لا.... لا نكون مثاليين......... بس ..... يالغالية سمحتي للشيطان يكبر الهوة بينك وبين اخواتك أدري تصير مواقف بس بأسلوبي انا اقدر يا اخجلها من نفسها …
    حبيبتي لاتفهمين غلط أنا مامنيت على اخواني العيال بيوم ولا وضحت مجرد توضيح اني مستخسرة فيكم هالجميل بس والله أنقهر من تصرفاتهم مرة كم مرة احتجت سوق أو حاجة أبغاها ما وقفوا معاي ولا حتى استحوا وتذكروا أيام خطوبتهم كيف كانوا كارفيني بالسوق يوميا عشان مصلحتهم ويومن جت حاجة بسيطة لي مستحيل يفضون أو حتى مجرد يعتذرون لا وبس !! تصدقين اني ماقد فتحت افمي لمخلوق غير هنا أول مرة أفضفض ...
    أما بالنسبة للهدية انتي صادقة ماني مغصوبة بس لو ما أجيب كان قامت قيامة البيت كلهم !!
    وبدت المحاضرات وكأني ماقد أهديت أبد

    ويومن قلت كأنها امي الحالي موقصدي أتمنن عليها أو انها ثقلت علي ,, أنا قصدي اخواني وخواتي يعطونها أشياء تضرها وتتعبها ويمسكون الباب ويقولون مع السلامة واذا مرضت ماسألوا عنها ولا حاولوا مجرد محاولة يزورونها ,, وانا الي أتعب نفسيا وجسديا كم ليلة مانمت وكم يوم ماداومت والله العظيم مو قصدي أمن بس تعبت العيال وزوجاتهم راحين يتمشون والبنات مع أزواجهم بضحكات ووناسة وامهم المريضة مادروا عنها وهي تتعب نفسيتها عشانهم وأنا تبع لها واذا تنزلوا وجو زي كذا يعطونها شي يضرها ولا تبدا المواجع الا بعد طلعتهم وهم فرحانين بوناستها مايدرون انها تقلب على الوجه الحزين المريض بمجرد طلعتهم .. عشان كذا أنا أقول تعبت مو منة لا والله العظيم بس الى متى مستهترين بصحتها ونفسيتها ؟؟!!

    ألف شكر على ردك ومشاركتك يالغالية

تابعي تجارب أخرى من هذا القسم.