شاركي في النقاش

سجلي الدخول لإضافة تعليق.

التعليقات

83
  1. @mdlaah_haly

    انا من رأيي لاتعطين رأيك قبل لايكلمون الوالد حتى لو كنتي مقتنعه ..

    أولاً : عشان توضحين لهم ان الكلمه الأولى للوالد ..

    ثانياً : ماتحرجين ابوك بحال عرف ان عندك خبر وجايين وضامنين موافقتك مو حلوه بحق ابوك

    ثالثاً : لانه صدقيني مهما كنتي واثقه ان ابوك "متفهم" مثل ماقلتي لكن بسالفة الزواج مابيطلع بالصوره اللي تتوقعينها لانه سالفة تكافئ النسب بتكون شي مهم عند والدك وانا متأكده من هالشي

    قست عليه والدي الله يطول بعمره بكل شي متفهم ولكن لو انخطبت " لصناع " استحاله يوافق وانا معاه بهالشي لانه لابد من ان تظهر مشاكل احنا في غنى عنها من الأول

    المجتمع مايرحم حتى لو تقولين احنا راضين و و و
    نظل مجتمع قبلي ومحد يقدر ينكر هالشي وبيظل زوجك يحس بشي من جهتك وحتى لو ماوضحتي له

    اتمنى لك التوفيق والله يكتب اللي فيه الخير لك

    أرق تحيه
  2. نفسي افهم ليه مصعبين الموضوع وهو جدآ سهل
    وخير ان شاء الله صناع!!!!!مهم مسلمين؟؟؟
    وبعدين وش الفرق بين القبيلي وغير القبيلي؟؟والله مافيه فرق الا بنظره البعض الخاطئه..
    اذا سألتوا عنه وسمعتوا عنه خير وافقي ومعليك من كلام الجهال اللي مايودي ولايجيب
    وبعدين ليه خايفه من المستقبل والله لو انك بتاخذين معوق!! هو انسان طبيعي زينا زيه وش فرق عنا اذا ماكان قبيلي؟؟
    معليش لاتزعلين من اسلوبي بي والله هذا التفكير يرفع ضغطي
    الله يوفقك ويكتب لك مافيه الخير
  3. داعية الرحمن الحكايه مو مصعبين الموضوع الحكايه انه اللي ماعاش الوضع مايعرف
    عن نفسي انا صار معاي نفس الموقف وربي اراد وتزوجت من واحد مو قبيلي اصلا من دوله عربيه لكنه مولود وعاش هنا وانا قبليه ولاني كنت اقول ماتفرق وافقت اراد الله وما اتفقنا واتطلقنا بعد 8 سنوات مو لانه مو قبيلي او شي بس اكل صار يلومني ويلوم اهلي كيف تاخذوا واحد مو قبيلي صدقيني مجتمعنا لسه متخلف وللأسف مانقدر نغيره بيوم وليله
    لصاحبه الموضوع ما اقول غير استخيري ثم استخيري ثم استخيري ولاتستعجلي صدقيني أطلبي شور اهلك ولا تضايقي اذا رفضوه
    اهلك مايبغوا غير مصلحتك وعسى ان تكرهوا شيئا وهو خير لكم عسى ان تحبوا شيئا وهو شر لكم
  4. ياعزيزتي ماأظن ابوك يبي يوافق .. لان النسب هذا شي كبير يربط بين عائلتين وليس فقط شخصين..
    وفي مجتمعنا القبيلي صعب جدا يناسب خضيري
    ولعلمك ابن باز يرى ان هالنوع من الزواج لايجوز نظرا للمشاكل المترتبه عليه
    وماننسى مشكلة الخضيري اللي متزوج قبيليه وبعد سنين طلقوها اخوانها منه بالمحكمه نظرا لعدم تكافؤ النسب رغم انها راضيه ولها عيال منه بس القاضي طلقها.!!!

    يعني لانكون عاطفيين ونقول اهم شي الاخلاق..:)
    الموضوع كبير..
    الله يعوضك بأفضل منه
    بس مستغربه من جرأته في التقدم لك وانتي قبيليه وهو صانع على قولتك..!!!!!!@@
  5. مشروع فيلسوفة
    يمكن ردي يضايقك ... ومايعجب كثير من العضوات بس انا بأقوله واجري على الله بغض النظر عن القبيلة ماعندنا بنات يعطون موافقتهم قبل موافقة اولياء امورهم ... مااعترض على مبدأ الارتياح و التفكير ولكن اعترض على اعطاء الناس كلمة قبل معرفة …
    الله يكتب لك اللي فيه خير..

تابعي تجارب أخرى من هذا القسم.