صديقتي محتااااااااااارة شورو عليها ياهل الحكمه والعقل

السلام عليكم

باختصار صديقتي منفصله وعندها عيال الله يخليهم لها

موظفه وراتبها 5000

طبعا هي مسؤله عن كل شي الاجار والمصروف والعيال والشغاله يعني ابوهم غاسل يده من كل شي

تروح للمدرسه مع سواق ب 500 ريال

والمشاوير الثانيه يوديها ولد اختها
وتحس ان زوج اختها بدى يتضايق مع انه مابين شي ابد لهم ويحاول يخدمها هي وعيالها

المهم
هي تفكر تجيب سواق
وتشتري سياره على قدها ووقت الفراغ تاجره على المشاوير للناس مع العلم انها ساكنه بمدينه صغيرة

وش رايكم ؟؟
اختها رافضه فكره السواق لانه بيكلفها وتقول عبري نفسك وقللي مشاويرك
بس تعرفون اطفال يبون مكتبه والا سوق والا مستوصف ومن هالشغلات
انتم وش رايكم ؟؟؟

طلبت مني اسألكم وانتظر اجابتكم تكفون لا تطنشون

:(:(:(

8 تعليق 648 مشاهدة

شاركي في النقاش

سجلي الدخول لإضافة تعليق.

التعليقات

8
  1. اذا عندها مبلغ ومي محتاجه خليها تجيب سواق وسياره عشان ترتاح وتريح زوج اختها واختها
    والله يعينها يارب
  2. @alghla_amy_1

    انا ما احب السواق لانه رجال واشوف سواقة المره احسن بكثير من انها تكون مع اجنبي في خلوه

    لكن انتوا مجتمعكم يمنع سواقه الحرمه وانا الصراحه بعد مش من مؤيدين سواقة الحرمه لكن للضرورة احكام مثل حالة صديقتج
    لو كانت عندنا كنت قلت ما فيها شي تسوق بروحها احسن من انها تحس نفسها ثقيله شوي على الناس

    لكن انتوا لازم سواق وهاذي مشكله

    افضل تبقى على حالها لين ربنا يفرجها ولا تحس انها ثقيله على اختها واذا حبت ممكن تعطي ولد اختها شي بسيط عشان يكون بدل روحاته وجياته معاها وما تحس بمنة احد عليها

    الله يوفقها امين
  3. @ghybtk_khr

    اتوقع تجيب سواق


    ليش تتخلي يصير بينهم مشاكل هي وواختها

    منة الله ولامنة خلقه

    يعني انا مثلا اقترح

    لو تعطي ولد اختها 500 كل شهر صدقوني بيتعود الولد على الشغل
    ثانيا بيكون مرتبط بدل السربته
    ثالثا استر لخالته
    رابعا اقل مصاريف على الاقل لافيزا ولااقامه

    بس كثير يتحسسون من الموضوع

    فلذلك ابرك تجيب لها سواق بس قبل خل تستخير
  4. @aaoasf_kthftny

    صاحبة الموضوع
    الله يجزاكم خير يابنات
    وانتظر ردود الباقين

    وبنقل لها رأيكم

    ويارب يفرج لها
    انا بعد من رايي تجيب سواق لكن خفت اقول لها ويكون رايي مو بمحله وتتوهق مسكينه

تابعي تجارب أخرى من هذا القسم.