مابدهاش!!! الزوجات ذوات الكرامة!!

وتونة الله يقدرني ويعطيني قوتك
ماشاء الله تبارك الله

واذا ما عندك مانع تقولين هالمواقف
حتى استفيد انا والبنات المتابعات بصمت

شوفي انا عني مشكلتي ساعة غضبه تعز علي نفسي كثير
واتمنى انه يموت تصدقين!!
يجرحني ويخليني اكرهه غصب

بعدها اذا راق لا يعتذر ولا شي بالعكس ينفش نفسه ويسوي انه مكرمني بانه يحاكيني عادي
وانا اتعجب فعلا من ايمانه بانه ملاك لا يظلم ابدا
هاتي ماعندك عزيزتي

مثلا ببدالك بمواقف مره بسيطه
كان اذا عصب ما فيه كلمه شينه ما يقولها والتلعين اعوذ بالله يلعن بطريقه مقززه
لا وبعد يسالني زعلانه مني
كنت اقول ايه على بالي انه بيصالحني وش كان رده وبسخريه شديده
عندك بالبيت اكثر من 10 جدران اختاري واحد وطقي راسك فيه <<<<<< ترا هذا كان ابسط شي ممكن يقوله
مره كنت طالبه منه شي ومع انه كان من حقي وردني بطريقه مره وقحه
قلت وانا ابكي كسرت خاطري قال بكل سخريه لا اقول لا يدري احد بس اني كسرته

يعني مثل هذي المواقف حسيت فيها اني ضعيفه مره
وقلت بنفسي مستحيل اعطيه الفرصه انه يرد علي بمثل ذي الردود مره ثانيه اعطاني احساس انه مستحقرني بشكل لا يوصف
فكان اذا قال زعلانه اسوي واحد من اثنين
يا اني اسكت ولا ارد واقوم من المكان عشان اقطع عليه كل الفرص انه يقول اي شي
او اني اقول بكل برود ردك معروف واقوم من المكان << ولازم بكل برود لانك لو معصبه بيكفيه انه خلاك تحسين بهذا الاحساس
يعني احاول ابين ان ردك سخيف ولا يستاهل اني اسمعه اصلا
وبكذا اقطع عليه كل الفرص انه يستسخفني او يقلل مني
اتمنى ان الفكره تكون وصلتك

حبيبتي وتونه انا ما اقول لا تزعلين اذا كنتي من جوا فعلا زعلانه ومنغاظه ازعلي ولا يهمك بس اللي اقوله لا تصطنعين الزعل والثقل لأنه راح يبين عليك خليك على طبيعتك اللي بخاطرك سويه

طبعا
هذا كان طبع زوجي تقريبا دائما في تعامله معي
مو موقف او اثنين الي صارت لي <<<<<<< للتوضيح
لا انا عشت اول فتره من زواجي مره صعبه لدرجه اني حسيت اني تسرعت بالانجاب
وبعد ما جلست وفكرت لقيت اني انا الغلطانه الي من الاساس ما حافظت على كرامتي
ووصل الموضوع انه وداني لبيت اهلي اول ما بديت اتغير لانه بنظره اني اتفرعنت
وصار لي راي في امور البيت << تخيلي
والغلط اني عودته على اني بس اقول سم وامر واذا قال لا حتى لو عادي كنت على طول استسلم بدون اي نقاش

لكن الحين ما شاء الله تبارك الله والحمد لله مبسوطه من نفسي ومن حياتي اكيد ما فيه حياة ما تخلو من المشاكل لكن الحمد لله على شي يستاهل

وتونة وصلت يا الغلا وفعلا افدتيني كثير

فعلا الحقران يقطع المصران
احقره وواروح وخله يبربر على عمره

طيب تروحين تشغلين نفسك بشي وتورينه انك انشغلتي ولا همك ولا تسكرين على حالك باب الغرفة ؟؟ ومتى ترجعين تجلسين معه وهل ترجعين زعلانة؟؟ ولا ماكن صار شي؟؟ وهو يستحي على دمه .. لاني في حالاتي ممكن ابتعد واذا رجعت بعد مايروق لازم اكون بكل ابتساماتي ولا ياويلي
يعني مافيه تزعلين وتوريني كشرتك ابد

ادري ثقلت عليكم بس ودي امسك الخيط اللي يرجع كرامتي وكبريائي لان هالشي معدوووم عندي :(