أخت زوجي الخبيثه....

السلام عليكم ورحمة الله وبركاته............



انا بقولكم السالفه وانتو قولولي رايكم بطلة القصه اخت زوجي حسبي الله عليها

مادري اشفيها علي والله أني طيبه معاها وأحب عيالها الصغار وهم يحبوني كل ماجو عندي اعطيهم حلاو وكل مارحت السوق اجيبلهم معاي العاب يعني اعاملهم كأنه عيالي اللي الله مارزقني فيهم لي الحين وهي اكبر مني بسنتين ...

احس أنها اتضايق أذا شافت اخوها اللي اهو زوجي مطلعني ولا موديني مطعم مادري كأني ماخذها زوجها مو أخوها مع أنها أهي زوجها مو مقصر معاها بشي ولا يرفض لها طلب بس مادري اشفيها علي ودايمن انزل عندها تحت أذا زارتنا وأقعد معاها والمشكله اتسولف بوجهي وتضحك ومن وراي ماتخلي فيني شي ماتقوله يعني في يوم من الايام كنت قاعده معاها ونسولف ونضحك ويوم وطلبت لها من المطعم وكل شي كان أوكي والله يابنات مارحت منها ألا الساعه 12 بالليل وهذاك اليوم هي كانت بتنام عندنا وصعدت فوق ويوم جا اخوها وسأل عني قالتله ماشفتها ولا تقعد معاي ومخليتني بروحي
والله يابنات يوم جا زوجي وقالي ليش مانزلتي عند اختي بغيت أنزلها اطقها وامسخرها بس مابغيت اصغر عقلي لوحده مثلها سفيه.....

والطامه الكبرى هذاك اليوم كانت داقه على زوجي وانا كنت عنده وهو كان مطول على سماعة التليفون
واسمع صوتها تقولها مادريت افلان تزوج على مرته وزوجي يقولها لا والله مادريت ألا منك الحين
وقالها الفال أنشالله للي ماتزوجو وردت عليه لا الفال لك انت انشالله اتزوج شفتو اشلون وصلت درجة حقدها علي والصراحه ماقدرت امسك نفسي قلت لأخوها وهي تسمع على الطرف الثاني الفال لزوجك يالخبيثه يبشروني بعرسه عاجل غير أجل ومن الخوف سكرت التليفون بوجه أخوها ومن يومها وأنا ماأكلمها ولا شفتها قدامي حتى السلام ماأسلم عليها كأنها هوا

يالله يارب أنك أترد كيدها في نحرها والله يابنات تكرهني بدون سبب وماتخلي احد مااتكلم فيه القعده معاها اتجيب المرض .....



وأعذروني أذا طولت عليكم بس والله مادري أحس أني أرتحت يوم فضفضت لكم همي

الله يبعد عنكم الهموم.............

34 تعليق 4,259 مشاهدة

شاركي في النقاش

سجلي الدخول لإضافة تعليق.

التعليقات

33
  1. @alaaamryh

    عزيزتي
    زوجك عارف ايش اخته
    وتدبير الامور بيد الله مو بيدها
    فلاتخافين منها ولاتهمك..
    وتعاملي معاها برقي لانك تبين
    الاجر من الله..
    سلمي عليها لله بس..وخلك رسميه
    معاها جدا..
    وتجنبي القعده معاها..
    وشرها على نفسها ماتقدر تضرك
    وربي معاك.
  2. @ashay_akhdr_bskra

    خلي علاقتك رسمي معاها ووين زوجك مايصارحها بسوء تصرفاتها!!!!!!!!
    هذول ناس مايبيلهم غير العين الحمرا , اذا سكتي راح تتمادى بتصرفاتها
    انا مااقول سوي مشكله وطيري فيها لاااا
    بس قوي شخصيتك ولا تسكتين على الغلط
    هذي حقت مشاكل, ولازم زوجك يدافع عنك
  3. @fdytk_7

    إذا قابلتك قوليلها مادريتي ؟؟؟؟؟؟؟؟ فلانة تدعي لأخوها يتزوج قام إتزوج زوجها

    الله يكون بعونك فاضية غيارة بس تقربي من زوجك واكسبية ولاتسبينها حتى لو غلطت قولي له غلطت علي لكن عشانك أتحمل الغلط وهو يستحي وماراح يسمع فيك الله يشغلها عنك ويسعدك مع زوجك

تابعي تجارب أخرى من هذا القسم.