السلام عليكم ورحمة الله وبركاته
امي الله يحفظها بتخرج من عدة وفاة ابويه الله يرحمه
هي بتروح مكه وتاخذ عمره وبتحج ان شاء الله
بس عاد احنا عيالها بنسوي لها خروج
يعني احتفال
ايش عندكم افكار ياحلوين ومين جربت حفل خروج من العده ؟
بالنسبه لي اذا جات بيتي باسوي لها عزومه عائليه طبعا ماحصلت
واستقبلها برش الورد عليها والبسها عقد ورد اش رايكم بالفكره ؟
واش عندكم حركات يعني اسوي بوفيه ؟وهل اقدم لها هديه لوحدي ولا طقم ذهب مشاركه مع اخواني ؟
الله يسعدكم عاد هذي الوالده عزيزه
والله يرحم الوالد ويدخله فسيح جناته جنة الفردوس الأعلى
شاركي في النقاش
سجلي الدخول لإضافة تعليق.
التعليقات
76- اهم شيء وش شعور امك بعد الخروج انا قابلت من يومين ارملة خرجت من العدة وتقول ان اخوها بيسوي لها غدا فقط تجتمع فيه مع اخوانها واولاودهم تقول انا رفضت ليش يسوون عزيمة انا من وين طالعة ليش الفرح وكانت متأثرة
اتوقع العمرة مناسبة ويكفي - مالي خبره بهالامور
بس ماافضل المبالغة في الموضوع
يعني تسوون لها عزيمة بره البيت عندك مثلا بالبيت او عند احد من العائلة عشان تغير جو
واشوف الهدية مالها مناسبة ابدا
ممكن تخلين الهدية بالعيد
هذا اللي عندي - لو تسون عشاء عائلى يقوم بالغرض وبدون مبالغة
كذا تحس الوالده انكم حوليها وبعد مايكون فيه مبالغه احتراما لوفات الوالد
واحن الله عزاكم فيه وعظم اجركم و ادخله فسيح جناته - بصراحه مو حلو الاحتفال
عمره تكفي
الله يرحم ابوك ويدخله الجنة - رايي من راي الاخوات ماله داعي الاحتفال والهدايا عشاء عائلي لتغيير الجو فقط والعمرة كافية والله يرحم الوالد ويغفر له ويجبر مصيبتكم ويعظم اجركم
مواضيع مشابهة
تابعي تجارب أخرى من هذا القسم.