أيتها الزوجة هل تستطعين فعل هذا ؟؟!

مشكورة اختي على الموضوع
وكلامك صحيح ان الواجبات صارت كثيرة لدرجة تفوق الخيال
والمشكله اذا كان زوجك يطلب منك التفرغ الكامل له يعني اذا انا في البيت ما تسوين اي شغله بس يبيك جالسه جنبه تسلينه والله مصيبه مايمديك تخلصين جميع اشغالك في كم ساعة غيابه في العمل واحس ان الاولاد هم الى ينجني عليهم دائما مالك خلق لهم وتفشين خلقك فيهم

كل ما قالته الأخت عن المرأه صحيح فهي واجبتها كثيرة والله يعينا بس راح اضع نقطتين كتبتها الأخت واضع لك تعليقي عليها
مطلوب منها .... الاهتمام بزوجها من راحت باله وتوفير الأجواء الهادئة و الرومنسيه والحفلات والدلع والدلال وغيره من المتطلبات الزايده وهو واجبها

صحيح واجب على المرأه الاهتمام بزوجها وراحت باله وتوفير الجو الهادئ بس مو المبالغه في الأجواء والحفلات الرومانسية والمبالغة الزايدة سواء مادية ام حسية الرجل يكفيه لحظة حنان وحب صادقة ونابعة من الداخل مع حركات بسيطة مو حفلات وكأنك بتستقبلين رئيس وزراء من باب الشقة لغرفة النوم يعني تغيير اثاث كامل من الحوش ولا حتى من باب الشقة الي السرير تخيلي كم راح تصرفين من قماش الساتان الى مفرش السرير والكسسوارات والله في النهاية بيقول لك والله تعبتي نفسك ماكان له داعي كل ذي المصاريف لو رفعتيها لوقت عوزة أفضل وهذا ما نراها ونشاهده في المنتدى كوني مثل بنت الليل ولا كوني مثل الراقصة الفلانية ولا كوني فتاة الثلج ولا قرسون في مطعمم ولا ولا اشياء صراحة لما أقراها احزن على حال المرأه الي تحاول ترضي زوجها وتكلف عليه وعليها ترهقه ماديا وترهق نفسها نفسيا وهو يكفيه لحظة صادقة وجو هادئ سوى على السرير ولا في صالة المعيشة لأن رجالنا ما يهتمون لمثل هذ الأمور.


مراح تقدر تهمل أولادها لأنهم صغار وأكبر مسؤولية عليها فتلقائيا حتلاقي نفسها في البيت الملابس يارب لك الحمد والشكل الله يعلم بحاله والريحه كلوركس على كبسه على عطر

لايمكن تجتمع ذي الروائح مع بعض مستحيل خلينا نفكر شوي كلنا ربات بيوت هل في يوم اجتمعت فيك هذه الروائح جميعا مستحيل فلنترك المبالغة الزايدة ونتفهم بعين العقل والرجل اذا جاء في وقت شغل المرأه راح يفهم انها لسه ما جهزت مثل يوم هو يجي من العمل تعبان وعرقان وحالته حاله تفهم المرأه انه جاي من عمل مو وقت الدلع وبيروح يهتم بنفسه وكذلك هي ينطبق عليه المسأله.
فلتجعل المرأه نصب عينيها من تشبع زوجها في فراشها وتتكفل بواجباتها وتحاول قدر الأمكان
في جهاد نفسها اتجاه بيتها وزوجها واولادها مستحيل ان يبحث عن أخرى غيرها الا من يكون به مرض حب النساء وهذا الله عينها عليه من ترزق بزوج مثل هذا.

رأيي من رأي الاخت (حلوة الاطباع)
شغل البيت مهب واجب الزوجه ..........اذا ماقدر الزوج على توفير الخادمه يصبح واجب عليه تحمل بعضه{مش كله} بمعنى اصح مشاركه الزوجه في اعمال المنزل و بعدين وشمعنى المر يكان مايعرفون الخدم كل اهل البيت لازم يشاركون بعض
ولنا قدوة حسنه في رسول الله صلى الله عليه وسلم كما هو معروف في كتب الاحاديث الصحيحه
......................

اختلفت الردود والخلاصه وحده ......

شنو بايد المراه تسوي اذا الرجال مو راضي يحط يده معاها ولا واللي امر منها ان الرجال يقول انا عندي شغل وتعبان ومن هالكلام شنو هالشغل اللي ما يخليه يساعد زوجته لو بكلمه حلوه شغله انه قعده بالديوانيه وجمعه مع اصدقاءه وطلعات وروحات انزين من بدال ما تطلع بدون سنع جابل بيتك وزوجتك وعيالك هم احوج لك ومحتاجينك جنبهم انا من رايي ان رجال هالوقت اكثر راحه من المراه .......

المراه شايله كل شي فوق راسها وغصبن عليها مب بكيفها تهمل بيتها لان بطبعها تحب النظافه والترتيب واكيد هالشي ينعكس على الاطفال ونفسيتهم الله المستعان ....

انا تعجبني البرامج الاجنبيه اللي يبادلون بالادوار مع زوجاتهم بالاول الزوج يتشكى من زوجته ان البيت غير منظم والاولاد غير مهذبين وان البيت كله فوضه وفوق هذا ما يلقى زوجته مرتبه وهامله زوجها لكن يوم عطوا الزوج انه يتحمل مسؤولية البيت والعيال عرف ان الله حق وصار يقدر زوجته ويحترمها وعرف انه كان في نعمه وان زوجته شايله عنه امور كثيره ولا تروحون بعيد ترى يعرضون هالبرامج في الراي كل ثلاثاء ولو يسوون هالشي مع ازواجنا كان ابرك عشان بعدها ما ينطقون بحرف ةيعرفون اشكثر احنا نتعب ونهلك من الشغل اللي ما يخلص ......

هذا بالاول والاخير يرجع الى الزوج الشرقي اللي للاسف يتباهى انه ما يساعد زوجته وانه شديد بتعامله معاها وانه رجال والمفروض طلباته مجابه وللاسف فوق كل هذا يقول يا زين حريم الاول طيب انتو صيروا زي رجال الاول عشان احنا نصير حريم الاول .........

وفي الختام لا يسعي الا القول ان احنا امهات ومستحيل نتخلى عن هالمهنه ولو كانت صعبه الله سبحانه وتعالى عطى كل مرأه على حسب طاقتها والحمدلله على كل حال ......