سؤال للسعوديات فقط ابى اعرف سر القهوه العربى

انا مصريه بموت فى طعم ونكهة القهوه العربى ليا كتير من رفقاتى من جنسيات مختلفة بيعملوها بس مش بتكون مثل القهوه اللى بتسويها السعوديات لو تكرمت احدى السعوديات وعرفتى كيف بتسويها ومن وين اشترى مكونتها بالرياض هكون شاكره ليها جدا

11 تعليق 1,743 مشاهدة

شاركي في النقاش

سجلي الدخول لإضافة تعليق.

التعليقات

11
  1. @mhr_alkhyal

    مرحبا اختي

    ابشري انا بعلمك بطريقتي واتمنى اللي عندهم خبره اكثر يفيدونا واذا انتي بالرياض اذا جيتي تروحين تشرين القهوه مريني نروح سوا <<<<<<<< فاضيه

    المهم ماعلينا

    شوفي حبيبتي القهوه نوعين :

    بريه - هرريه

    وطبعاً البريه افضل واغلى لانها تصير خفيفه شوي على المعده الهررية ثقيله شوي

    المهم لو بتاخذين مثلاً كيلو لا تطحنينه كله لا خذينه حب ويكون محموس عنده مو مشكله وتكون حمسته شقرا المهم اذا جيتي بيتك اطحني مقدار اللي يكفيك يومين ثلاث ايام بالكثير ولا تطحنين اكثر من كذا لان طعمه وريحته تروح

    المهم يكون عندك بريق القهوه ونسميه عندنا بالسعوديه ( المزل ) تحطين ثلاث ارباعه مويه وتخلينها على النار لين تغلي وتحطين عليه فنجال ونص ( فنجال القهوه السعوديه ) وتخلينا على النار مدة 15 دقيقه مهم جداااااااااااااااااااااااااااااا تجلس على النار 15 دقيقه علشان يطلع طعمها المهم تكونين مجهزه البراد او الزمزميه او الدله اللي بتحطين فيه القهوه وتحطين فيه ملعقه صغيره هيل وملعقه صغيره كوفي ميت وعلى طرف اصابعك زعفران قليل مره يعني لاتكثرين بس علشان ياخذ ريحه ولون الزعفران واذا تبين تحطين نص ملعقه صغيره زنجبيل ونفس الشي عويدي او نسميه مسمار


    وبعدين اذا مر على القهوه 15 دقيقه وهي تطبخ نطفي النار ونخليها لين ( تركد ) يعني لين تهدا وبعدين ناخذ المشخل الصغير ونحكه على فتحت الدله او البراد ونصب القهوه بشويش وبسسسسسسس


    اتمنى اكون افدتك
  2. @mfahym_alkhgl_1

    مهرة الخيال
    مرحبا اختي ابشري انا بعلمك بطريقتي واتمنى اللي عندهم خبره اكثر يفيدونا واذا انتي بالرياض اذا جيتي تروحين تشرين القهوه مريني نروح سوا <<<<<<<< فاضيه المهم ماعلينا شوفي حبيبتي القهوه نوعين : بريه - هرريه وطبعاً البريه افضل واغلى لانها …
    وأما انا فابالنسبة لي اقوم بطبخ القهوة(اقصد اجعلها تغلي لمدة نصف ساعة) هي بتخلص الغاز خخخخخخخخخ بس ماعليش الطعم بيطلع خيال واضيف لها هيل تقريبا ملعقتين وشويةزنجبيل ومستكه وبندق وتطلع خياااااااااااااااااااااااااااااااااااااااااااااال ؟؟؟؟؟؟؟؟؟؟كل من ذاقها انبسط عليها جربيها لن تخسري 000دعاؤك اخيتي 000:)
  3. @syryn100

    غريبة أول مرة أسمع ان البندق يوضع على قهوتنا في السعودية>> أكيد ماجاب ذا الفكرة الا بنات النت
    بصراحة أتخيلها تطلع روووعة
  4. @rfohh

    طريقتي في القهوة
    -نملاء الأبريق الخاص بالقهوة ( القمقم) أو ابريق الشاي العادي تخصصينه للقهوه ماء ونضعه على النار
    -نتركه حتى يغلي ثم نضع عليه البن 2 فنجان ( 1 لتر ماء يحتاج 2ونصف فنجان قهوه عربي بن).
    -نهدي النار تحته ونتركه من 10 - 15 دقيقه ثم نطفي النار ونتركه قليلا حتى تصفي.
    - نضع في الدله أو الترمس ملعقه صغيره هيل ويكون مطحون جديد وملعقه صغيره كوفي ميت وشوية زعفران لأضفاء اللون و5 أعواد قرنفل مطحونه خشن ونضع مصفاه صغيره نخصصها للقهوه على فوهة الدله ونصب القهوة عليه
    على فكره جميع لوازم القهوة تجدينها عند المحامص اللي تبيع المكسرات والبهارات
    وأطلبي قهوه محموسه وسط حتى تكون جيده وغير ثقيله.
    تقدم مع التمر أو الحلا وبالعافيه.
  5. @aaobaaa

    بعطيك طريقة قهوتي سهله بس حنى نحبها كلها زعفران وهيل

    يعني قهوه بدويييييييييه

    اول شي استخدم انا قهوه هرري ولاكن اخر مره جابلي زوجي قهوه يقول يمنيه او حضرميه وحبتها تكون صغيره الصراحه واااااااااااااو

    واهم شي بالقهوه العربيه على قولت اختي اللي قبل تكون شقرا مو غامقه ولا فاتحه مره

    وانك ماتحطنينها كلها انا اطحن كل يوم بيومه وانتبهي تحطينها قريب من اعشاب او بهارات اذا خزنتيها لا غلفيها زين وبمكان بعيد لانها تاخذ النكهه ان شاء الله فهمتي علي..

    نرجع لطريقة القهوه :)

    تاخذي ابريق القهوه او مثل ماقالت اختي المزل وتحطيين نص البريق مويه وتخلينه الى ان يغلي
    وبعدها تحطي عليه فنجال قهوه عربيه قهوه وتخلينه يطبخ 3 دقائق تقريبا على نار وسط وبعدها تضيفيين لها قليل من الزعفران يعني بطرف اصبعينك تاخذي منه اهم شي يكون اصلي انا استخدم ابو شيبه من الشركه العربيه للعود
    واذا حطيتي الزعفران على القهوه تخلينه على نار صغيره مره واتركيها تطبخ ثلث ساعه
    وبعد الثلث ساعه قبل نطفي النار نحط عليها ملعقه صغيره هيل وخليها فورتين يعني تقلب شوي وطفي النار اتركيها شوي عشان تركد او تصفي وبعدين تكونين مجهزه الزمزميه او الدله ويكون حاطه فيها بطرف الملعقه الصغيره مسمار او قرنفل مطحون شوي بس وملعقه صغيره هيل وشوي زعفران وبعدين تصبين عليهم القهوه ولاكن حطي مشخاله عشان تصفينهم ..

    اتمنى فهمتي على شرحي ترا الطريقه سهله بس الشرح يطول واذا بغيتي اي شي انا حاضره ..

تابعي تجارب أخرى من هذا القسم.