وش رايكم يا بنات ؟؟؟ وش السواة ؟؟ وش الحيله ؟؟ الرجال متغير[تم]

السلام عليكم ورحمة الله وبركاته


يا ناس رجلي متغير وش عنده !!
ماله هم الا يعذربني يعني ينتقدني .. ان لبست له قال وخري بس
وان سويت حركات دلع قال يا شين السرج على البقر
وان لبست لبس معين قال هذا موب كذا ينلبس .. اذا صرتي ما تعرفين تلبسينه لا تلبسينه
وان حطيت مكياج قال شكلك يروع مع اني دايم احط مكياج وعادي ما كان يعلق
وهو كان يموت في الروج الاحمر والحين اذا حطيت روج احمر قال تراه يحوم الكبد كانك ماكله تشكيله
وان لبست له ملابس نوم قال خليها لاهلها انتي حدك شلحه

يعني تهزيء في تهزيء طول النهار :icon33:

وصار يتابع اغاني وفنانات على غير العااااااده
ويقول والله الواحد يموت في بيته وهو يشوف ذالحريم الزيون
ويطالع عارضات الازياء ومره سالته وش هالاهتمام بالموضه على غفله
تدرون وش قال قال انا ما اطالع الموضه انا اطالع الاجسام الحلوه شوفي كيف نهودها تتهزهز وهي تمشي
قلت يمكن لو اسوي له مثلهم .. ويوم لبست من غير سنتيان وصرت امشي مثلهم قعد يضحك علي ويقول موب كذا يامصلك
يا ناس وش اسوي فيه انهبل وقعد

قلت يمكن ضغوط البيت والعمل والبزران واقترحت عليه نسافر لحالنا ووافق بعد جهد مني
والله وانطل بزراني عند امي واروح معه يومين واتجهز له بالجسم والشعر والملابس وكلش كني رايحه شهر عسل واشبعته من جميع النواحي مدح وتغزل وفراش وكل شي
وما افتكينا طول ما حنا هناك وهو على نفس حالته يقول لي انتي حدك خط البلده

وكل ما طلعنا مكان يقعد يبصبص بالحريم لا واذا قلت له غض بصرك يقول من قال اني ابصبص وهو عيونه بتطلع

وش السواة ترا اختكم ضاعت حيلتها