شاركي في النقاش

سجلي الدخول لإضافة تعليق.

التعليقات

309
  1. اوزوريس
    ربنا يتم لك على خير والف مبارك سلفا وعقبال كل البنات
    تسلمي حبيبتي

    وعقبال بنتك

    يالا بس انتي شدي حيلك

    اما بالنسبه انك تجهزي بنتك من دلوقتي

    انا مامتي عملت كده

    اشترت لي حاجات كثيييييييييييييييييييييييير من ادوات المطبخ من وانا صغيره

    وخصوصا من بورسعيد

    عارفه الحاجات اللي مالهاش موضه

    الرفايع زي المبشره وصواني التقديم الاستانلس والحاجات دي

    ربنا يوفقك

    المهم بس بنوتك تشد حيلها في ثانويه عامه

    واي سؤال انا موجوده
  2. @aozorys

    طيب ياهبة يعني ابتدي من دلوقت ,,,رأيك كدة

    طيب قوليلي تجهيزات السفرة والنيش اخبارها ايه معاكي

    ياللا ورينا قايمتك عشان نستفاد

    وكمان حجرة النوم ,,,ايه مستلزماتها

    على فكرة انا بسأل مش عشان انا مش عارفة ,,,سؤالى عشان ممكن اضيف شئ جديد عندي

    الاسواق مليانة اشياء كتير اشكال والوان بس وقت الشراء الةاحد بيتوه

    يعني بجانب القايمة اللى حطتيتها شيواوا فيه اشياء فرداني كتير زي السرافيس الاضافية وكمان فيه حاجات لتقديم المكسرات وبرضو شوفت طبق واحد بيتقدم فيه كذا عدد من السلطات
    منه نوعين وثلاثة واربع خانات,,والحاجات دي مش بتكون موجودة في الطقم الرئيسي
    بجانب الاطقم التانية زي طقم فواكة ( ست اطباق صغيرة وطبق كبير ) وكمان انا شايفة ان لازم طقم شاي كامل وجاتوه او طقمين لزوم النيش ,,,والاكواب الكريستال والكاسات بعدة احجام واشكال ..... بس بقول يمكن الاشياء دي تبع غرفة السفرة مش المطبخ
    وطبعا فيه حاجات تانية كتير
    ولي رجعة

    شيواوا وانانسة فينكم؟؟
  3. صاحبة الموضوع
    امة الله هبه
    shewawa شكرا على ترحيبك بيا بصي يا ستي انا لسه بدرو على الشقه لأني هاخد ايجار جديد لحد ما شقتي نستلمها ان شاء الله وبما اني انا وزوجي من مصر الجديده فكان اقرب حاجه لينا هيا مدينة نصر ان شاء الله نلاقي حاجه مناسبه بالنسبه للجه…
    كيفك ياقمر على فكره انتى حالك من حالى بالظبط انا كمان بدور على شقه ايجار جديد
    وانا كمان بحب المودرن فى الموبيليا جدا وان شاء الله ناويه اجيب كله الأستايل ده ومادام اصحاب خطيبك عندهم محلات ياريت تبعتيلى عناوينهم واتفرج على حاجاتهم يمكن انفعهم ياقمر

    بالنسبه للمراتب انا اعرف ان يانسن احسن نوع

    بليييز تقوليلى عنوان الراجل اللى بينجد المخدات القطن فى ميدان الجامع

    أما التلاجه احسن نوع وايت ويل وجينيرال اليكتريك والسخان اللى سمعته ان يونيفرسال احسن نوع

    السجاد والنجف مقدرش أفيدك فيهم وربنا يهنيكى بحاجتك فى بيتك يارب
  4. صاحبة الموضوع
    أناناس
    ربنا يفرج همك ياحبيبتى يارب وينولك اللى فى بالك

    أوزوريس
    هنزلك القايمه طبعا ياقمر انا عندى اغلى منك ومن بنوتك
  5. صاحبة الموضوع
    أغراض أخرى تستخدم في المطبخ:
    - عصارة برتقال بلاستيكية.
    - هون لدق الثوم.. وبالرغم من ان الكيتشن ماشين وقطاعة الثوم والبصل قد أغنت عنها.. إلا انه غنى عن هذه الأشياء
    - خراطة الملوخية
    - فوط صغيرة للمطبخ
    - معلقة خشبية
    - سبت كبير بلاستيك 3 ادوار لوضع البصل والثوم)
    - مشمع لتفرشيه داخل فترينات مطبخ حتى لا يتسخ
    -عليقات صغيرة توضع على حائط المطبخ لتعلق عليها الفوط الصغيرة او طقم التوابل اذا كان من النوع الذي يعلق او طقم المغارف
    - سبت صغير يوضع فيه الخبز
    - جوانتي الفرن حتى لا تحترق يديكي
    - طبق السلاطة الكبير بالملاعق الخاصة به
    - صابون سائل لغسل الصحون
    - اسفنجة + سلك تنظيف.
    - زجاجة خالية لوضع الزيت حسب الحاجة.
    - الورق الحراري (ورق سلوفان)
    - مناقيش الكعك
    - فتاحة المشروبات الغازية
    - مقوار (المحشي)
    - مناديل مطبخ لتجفيف الاغراض او لمسح الأيدي فيها وعادة ما تكون جافة بعض الشيء عن المناديل العادية
    - طقم فاكهة لتزيين الثلاجة ويلصق على واجهة الثلاجة.
    - أطباق صغيرة مسلطحة لوضع المكسرات والحلوى
    - طفايات للسجائر (خشبية وكريستال)
    - قواعد خشبية توضع عليها اكواب الشاي والقهوة حتى لا تحدث اي علامات دائرية على زجاج المائدة.. وقد رأيت من هذه القواعد اشكال جميلة جدا.. منها على شكل كرسي متحرك وتوضع بداخلها القواعد وهكذا)

تابعي تجارب أخرى من هذا القسم.