كيف اتقبل اهل زوجي

.


مو لازم تتأقلمين !

اظهري الاحترام والتقدير


وعامليهم كما تحبين ان يعاملوك ِ

وغير كذا لا تشيلي هم

وزوجك لبالنسبه لغيرتك عليه .. شي طبيعي بس انتي طنشي وحاولي تحسسين نفسك ان هذا الامر طبيعي عند كل النساء ولو بتضايقينه راح تكبر المشاكل فخليك مطنششه


.

اب

أسأل الله أن يغسل سخيمة قلبك

هلا hh40
هم عندهم أطفال بس انا لسة والله يستر لمن يجوا
بس عشان اعاملها زي امي لازم احساسي تجاهها يكون زي امي ونفس الشي بالنسبة للأخوات
من السهل انه الواحد يتحكم بتصرفاته بس من الصعب يتحكم بأحاسيسه.
صح انا قلت انهم طيبين بس طيبن لأني ما واجهت منهم التسلط والظلم زي بعض الحالات اللي كنت اسمع عنها.
بس لمن أكون عندهم مرة ما ارتاح ولا احس انه احد تهمه راحتي (بعكس الأم والأخت)، تخيلي 3 شهور تقريباً وأنا على هذا الحال، حتى زوجي أحس انه بعيد عني واحنا هناك، في البداية اعذره أقول يالله معليش هو بعيد عنهم فترة طويلة ومشتاق لهم بس لمن تكون فترة طويلة على هذا الحال احس انه فوق طاقتي وخصوصاً اني متعودة اننا نكون بعيدين ومالنا غير بعض وفجأة أحس الوضع انقلب... طيب حتى احنا كنت بعيدة عن اهلي ومحتاجتهم، الآن انا بعيدة عن اهلي وعن زوجي في وقت واحد، نفسي احد يحس فيا، شعور الغربه ترى صعب ومحد يحس فيه إلى اللي جربه.
يمكن فعلا الامر سهل بس هذي بعض الأمثله اللي تصعب الوضع عليا
وتسلمي على مرورك :)

اهلين اختي اتوب اليك
تسلمي على النصايح الحلوة ان شاء الله لازم اجربها الإجازة الجية ولو اني مالي نفس اروح الإجازة الجية بس أحاول
وعلى فكرة أنا بأنادي حماتي امي


هلا سمارا تمارا
انا مشكلتي اني خايفة من اللي جي مو كارهتهم.. في فرق، أحيانا بألاحظ منهم بعض التصرفات تخليني أتوقع منهم بعض المشاكل في المستقبل. كلامك كله صح بس نفسي أحس اني متقبلته، وهذا هو هدفي من وضع الموضوع
مشكورة وراح أفكر كويس بكلامك


ترن التلفون يرن
اختي كلماتك من ذهب جزاكي الله خير
احيانا أفكر زي كدة بس لمن أكون مقيمة عندهم وما أكون مرتاحة يغلبني الشعور الآخر ( وهو الذي كتبته في الموضوع )
والله وضعي عندهم كل ما أحكيه لأحد يستنكره يعني مو دلع الله يعينني بس وأتعود عشان أقدر أفكر التفكير الإيجابي اللي تنصحي فية
مشكورة حبيبتي على الرد :)



هلا اختي نفيسة هانم
اعتقد انه تحامل بنات حواء على اهل أزواجهم بسبب انهم يقفون بالند مع الزوجة يعني الزوجة تبغى تكون اعز وحده عند زوجها بس تحس انهم الشي الوحيد اللي يقف امام هذه الرغبه، غير بعس الأهالي من يتدخل في خصوصياتهم، لم يدركوا أن ولدهم قد كون اسرة الآن وكل أسرة من حقها أن تعيش حياتها بالطريقة اللي تناسبها، صح ممكن يسدوا بعض النصائح ولكن بدون فرض رأي.
وانا عارفه اذا كلمهم بالجوال هذا ما يدل انه قصر في حقوقي بس فيه اشياء ثانية، من خلال فترة اقامتنا عندهم لاحظتها بس متفائلة اني لمن اكون ساكنة في بيت مستقل فيا ان شاء الله يكون الوضع احسن، بس متخيله البيت وقتها راح يسير زي الفندق بالنسبة..
انا ما أبغاه يقطع أهله لأن هذا يغضب الله بس كمان أنا راسمة أحلام وردية زي ما بيقولوا وما ابغاها تكون مجرد احلام.
يمكن غلطتي اني حلمت لأن الواقع غير بس لأن واقعي كان مؤلم وكنت بأخرج نفسي من هذا الواقع عن طريق هذه الأحلام
الله يدخلنا فسيح جناته ويرزقنا القناعه والله هذه الدنيا مافيها راحة أبداً
ويديكي العافيه على الرد



هلا ام ياسمين
الله يستجيب منك وتسلمي على المرور


هلا عديل الروح
أكيد ما بأفرح بهذا الشي وأنا أتمنى إني أتغير ان شاء الله ربي يسهلها
وترى انا ما أكره اهله بس اخاف منهم وان شاء الله ربي مايجيب الكره
يديك العافيه على الرد



مرحبا ما يغيرني لقب
أحيانا أفكر زي كده بس أحس صعب جداً، أحاول اعمل بنصيحتك لأنه الشي إذا زاد عن حده ينقلب لضده
مشكورة على النصيحة


هلا اختي عبير البدرة
الله يستجيب دعائك
وجزاكي الله خير


مرحبا مس مون
الحمد لله انا مظهرة الإحترام والتقدير
بس كمان احساسي تجاههم مهم لأنه احساسي لابد وأن ينعكس على تصرفاتي في يوم من الأيام
والحمد لله للآن مافي مشاكل بس خايفة من اليوم اللي تجي فيه المشاكل
وتسلمي على مرورك


مرحيا دودي
منورة الموضوع بمرورك


هلا اختي رحيل
الله يستجيب منك
وجزاكي الله خير