شاركي في النقاش

سجلي الدخول لإضافة تعليق.

التعليقات

10,866
  1. السلام عليكم ورحمة الله وبركاته،،:icon28:
    كيفكم يابنات الديوانية وشخباركم مع العمار .. سامحوني على التقصير بالسؤال بس هالموضوع بالذات كان فيه جني باسم الله .. اكتب الرد وما اشوفه او يعلق اللاب توب وبالذات وقت العيد كتبت كم مره وارسل ما يوصل الرد الاقي الصفحة بيضاء .. وانقهر وارجع اكتب ولا يوصل .. وفي نفس الوقت اكتب باي منتدى او موضوع ثاني اشوف الرد ...:42:


    نشمية الروح
    حمدلله على سلامتك ياقلبي:26: ومبرررررروك ما جاك .. وسامحيني على انها متاخره..


    سر الالم
    كيفك ياقمر وشكلك في قمة الحوسات الله يعينك وييسر لك ياقلبي..


    قمرا..الحالمة بالرشاقة..
    ماشاء الله تبارك الله .. :26:مبروك السكن والله يجعله منزل مبارك ويعطيكم من خيره ويكفيكم من شره:26: .. والله يعينك ياقمرا على هالغلطات على اني احسك من النوع الدقيق بس سبحان الله مثل هالأمور وارده .. والله يعينكم وتاثثوا البيت على خير .. وانا من رايي البنات انك لا تستعجلي بالفرش علشان الناس خذي وقتك ومشي باللي عندك ..والله يسهل لنا ولكم..


    استرخاء
    الله يعطيكي العافيه والصحه والقوه ياقلبي ماشاء الله عليكي موسوعة في النصائح وما قصرتي مع الكل ومتواصله والله يقدرنا ونساعدك والله يسهل لكم كل اموركم ان شاء الله وتخلصوا على خير..

    ساره..
    سلامتك ياقمر ما تشوفي شر .. والله يعطيكي العافيه عودتينا على تواجدك بكل مفيد والله ييسر لنا ولكم ونخلص على خير .. ونفتح ديوانية المستشارات ...


    يا صغر الفرح..
    قلبي معاك وكل ما قريت ردك دعيت لك ان الله يفرج عننا وعنك ويهدي رجالنا وما شاء الله اهنيك على حكمتك في التعامل وبإذن الله تكملوا وتسكنوا على خييييير.. والله يخلي لك غلا وتشوفيها عروسه يارب..


    وفاء الجداويه..
    يابختك على جارتك رتوووش ..والحمدلله شكلها هانت والله ييسر لكم يااااااارب..

    غلا الروح
    ياعمري الوحم عامل فيكي عمايله .. صدقيني هاااانت وبس تخلصي الثالث يسموا الثلاثة شهور اللي بعدها الهوني مووون حقت الحمل وحتحسي بالفرق .. وحتروقي اكثر وتفكري بشكل اوضح فاستغليها قد ما تقدري .. وبعدين وينك عن تجمع الحوامل حق ام شهودي مسجلين اسمك بالجدول ومالك حس ..


    شاعرة
    شخبارك و سلامة اختك طمنينا عليها والله يرفع عنها ويردها لزوجها ردا جميلا ان شاء الله..

    ام عمووووري
    بغيت انط من الشاشه لما شفت اسمك.. شخبارك ياقلبي و عن جد اصيلة يا بتعه اللي ما هانت عليكي عشرة الديوانيه .. الله يجزاك خير ..


    ملكة الليل
    شخبارك واديكي شايفه الكل عنده نفس الفكره بيع البيت بس طولي بالك معاه والله يكتب لكم اللي فيه الخير...

    وردة جده..
    الله يسعدك مشكوره على سؤالك والله ييسر لك ياقلبي والله كل ما اطل على الديوانية ادعي لكم من قلب لان هذا اللي بيدي للاسف خبرتي محدوده والبنات ما قصروا..


    ورود الدار
    ياحيا الله هالطله .. لا تحرمينا منها ولا من خبرتك الله يسعدك ..


    رتوووش
    الف سلامة ياقلبي لاباس طهور ان شاء الله..


    حولكم وحواليكم
    مشكوره ياقلبي على الصور الله يجزاك خير..

    طبعا من ضمن اسباب انقطاعي كالمعتاد الظروف الصحية اللي مريت فيها وبعدها ابو زوجي و دخول البرد اعطانا نصيب مو سهل .. لكن للآن ما بدأنا بالعمار .. انا في بداية شهري الخامس .. وان شاء الله الشهر الجاي حانقل بيت ثاني علشان لازم نتوسع بما ان فيه بيبي جديد .. علشان كذا همتي هبطت شوي وزوجي يحتاج احد وراه ولا يبرد وهو محتار بين المقاولين انا اخذت الرقم اللي سحر حطته لمقاولهم وكان سعره ممتاز وارتحت له كثييير من كلام زوجي عنه.. وكالمعتاد اصحاب زوجي اقنعوه بواحد ثاني وشكله حيرسى عليه واحتمال الله ييسر وقريب نبداء معاه قبل عيد الحج ان الله اراد..

    هذي اخباري وسلامي وتمنياتي للجميع كانت معي، نادين ، اموووونه ، شويكار و اللي انضموا لنا بالتوفيق ويسامحوني على اي تقصير..
  2. @rtooosh

    gaamra
    السلام عليكم ورحمة الله وبركاته غلا الروح سوي مثل جارتي الملقوفه تفاجأت برسالتها في حوش بيتي هي دزتها من تحت الباب وكتبت رقمها وكلمتها على اساس انها بتجيني وبعدها قال لي زوجي صرفيها وامس صرفتها وحسيت ضميري يأنبني وشكلي برجع في رايي ياصغر ا…
    السلام عليكم
    صباح الخير ..ردود على السريع لضيق الوقت......الشغل عتندي متلتل

    ملكة الليل كيف حاااالك وايش اخباااارك والله لك وحشه ايش هذه المفاجأة الحلوة...انتي اليوم هناك؟؟؟ الله يعينكم البرد اكيد مبهدلكم
    وصلتني رسالتك وفرحت بها كثير وتمنيت لو اني شفتك عناك
    الغاااااااااااااااز صح :42:


    قمرااا ..شكلها جارتك من طفشها قاعدة تراقب... حرام نقول عنها ملقوفه....يمكن لو حطينا نفسنا مكانها اكيد بنعذرها
    وشكلها المسكينه ماصدقت احد يسكن جنبها... ودها تتعرف
    اعزميها عادي وخلي البساط احمدي

    غلااا .. الله يعينك على هذا الوحم ....وشي طبيعي ان مايكون لك خلق تروحي البيت ...اصلا يكون مالك خلق لاي شي بالمره
    وبعدين لما وحدة تقولك كلام زي هذا على طول قوليلها اذكري الله
    العين حق.
    الطريقه اللي اعرفها لتعارف الجيران اول شي الاولاد يتعرفوا على بعض في الشارع وبعدها يبدأ التعارف بين الكبار
    بس دام ان ماعندك اطفال يلعبوا فيي الشارع اكيد زوجك في يوم حيقابل زوجها ويتعرف عليه وتكون هنا البدايه...بالنسبه لنا احنا لاننا كلنا في الحي موظفين شركة وحده فالكل متعارفين تقريبا على مستوى واسع جدااا

    العمة هيله...لو سمحتي وتكرمتي لو ممكن اشوف صورة الاوفيس لاهنتي.........هل بتنزليها بالديوانيه والا بالخاص لان ماعندك خاصيه الرسائل

    صغر الفرح سلامه غلااا ما تشوف شر .......:26:
    وحالة زوجك زي ما انتي شايفه حالة طبيعيه لازم الكل يمر فيها
    ولا تخلي بالك كثير وتقلقي واهم شي لا تزوديه هم بكثرة الطلبات


    سرسر......حنزل صور كواليني اليوم او بكرة هنا بالديوانيه ونوعها ايطالي والايطالي ممتاز ....جودة وحلو

    وصحيح كلامك عن الالماني ...دائما ما يهتموا في الشكل

    اشياءهم جودة وعمليه حتى اخر قطره


    سوري لو مارديت على احد....اشغال شاقه تنتظرني


    لي رجعه بعديييين ........سي يو:26:

















  3. @ahsaaas_mkhmly

    غلاالروح
    صغر الفرح ؟.. تدرين انا احس نفسي اللحين ضايعة ومتشتته ومو عارفه وش اسوي بأفكار وحركات لبيتي حتى ما لي مزاج اروح له على طول ؟ يا دوب كم مرة ازوره في الاسبوع ؟ مع اني تذكرون كلامي يوم قلت اني بواظب على زيارة بيتي يوميا عند بناءه اللحين بال…
    السلام عليكم

    انا اول مره اشارك معاكم وابغى أرائكم ومشورتكم لاني محتاره ببعض الافكار في بيتي

    _انا ودي اخلي الصاله والممرات لون عودي معتق

    والجبس نفسي اختار اللون البني المحروق اللي كأنه خشب

    بس متردده اقول يمكن العودي مع البني يجي مو حلو لانها كلها غامق

    (لو وحده عندها صوره تجمع بين هذي اللونين لاتبخل عليا فيها)


    وايش البويات الجديده
    انا سمعت بالكرستالي والشامواه ومعتق باللمعه
    بس ماعندي خبره لسه مانزلت السوق اشوف البويات


    عاد قولولي اقتراحاتكم وافكاركم في بيوتكم
    لاني توي باول الطريق

    انتظركم:):26:
  4. @orodaldar

    احساااس مخملي
    السلام عليكم انا اول مره اشارك معاكم وابغى أرائكم ومشورتكم لاني محتاره ببعض الافكار في بيتي _انا ودي اخلي الصاله والممرات لون عودي معتق والجبس نفسي اختار اللون البني المحروق اللي كأنه خشب بس متردده اقول يمكن العودي مع البني يجي مو …
    شوفي الصور الجدار غامق والسقف فاتح




  5. @orodaldar

    غلاالروح
    صباح الخير .. استرخاء بلغي سلامي لحلوه وطمنينا عنها ليش الانقطاع ؟؟ قمرا .. انا اشوف انك تدعينهم لبيتك اول ما تخلص اعمال العمال والتشطيب النهائية على الاقل تقدري تنظفي بدون لا احد يوسخ وراك .. وما عليه لو عزمتيهم على اثاثكم القديم .. و…
    ملكة الليل ,,, حياك يالغلا ولاتحرمينا من تواصلك..

    القموره الله يهون عليك ... وييسر أموركم ...

    قمرا ...

    موقف زوجك ذكرني بموقف عمنا في ليلة زواج ولده جو نسباه وعطوه فلوس عانية رفضها

    لما سأله زوجي قال أنا ماعزمتهم عشان يعطوني فلوس ليش ماجابوها من أول ... يعني المسألة مسألة كرامة....

    والنزايل فلوس من اخواني واخوانه

    ... وواحد من أصدقاه جاب طقم مولينكس وكنت حاطه في بالي بشتري عجانة كينوود .. أحسه وهقني أفكر أعرضها على هندي في محل مواعين يمكن يشتريها خخخخخخخ

    والبيالات أكيد الأدراج مليانه بس أقصد شي جديد ومميز للضيوف ....

تابعي تجارب أخرى من هذا القسم.