طالبتي ضعيفة البصر والسمع .. دلوني كيف اتعامل معاها ؟؟ ...

السلام عليكم ورحمة الله وبركاته ...

انا مدرسة رياضيات مستجدة وفي مرحلة ابتدائية ..... عندي طالبه صف خامس عمرها 12 سنه .. عندها صعوبات تعلم .. لأنها ماتشوف زين .. ولا تسمع زين ...

المهم أنا أحتست معاها الآن في دروس القسمة المطولة وفي دروس الهندسة ... ماقدرت تتقن ...
وهذي مهارات أساسية ... لازم تتقنها .... علشان ما ترسب ...

أنا اتمنى أنها ماترسب لأن البنت خلوقه مره وتكسر الخاطر ...
أنا أكثر ما يحزنني أنها تروح بيتهم تجلس تبكي ... تقول مدرسة الرياضيات تبغاني ارسم دائرة ..
و أنا ما أشوف زين ....

وش الحل معاها ... كيف اتصرف ؟؟
الله يخليكم اللي عندها فكره تفيدني ....

15 تعليق 1,748 مشاهدة

شاركي في النقاش

سجلي الدخول لإضافة تعليق.

التعليقات

13
  1. الحل انك تتواصلين مع امها وتعلمينها بانهم يقصون لها نظاره وتساعدك في تفهيم بنتها

    وتجلسينها قدام في الفصل حتى تسمعك وتشوف السبوره...
  2. انا ما أقدر أفيدك بشي

    بس قلت لازم أدخل وأقولك إنك ((رائعة))

    وين تلاقين في ايامنا معلمة تهتم بطالبة وتعرض مشكلتها وتبحث لها عن حل ؟؟!!

    الله يجزاك كل الخير على الاهتمام والاخلاص.

    وان شاء الله البنات يفيدونك.
  3. @bdayat

    أولا الله يجزاك خير على حرصك ...

    ثانيا احتسبي الأجر عند الله في مساعدة هذه الطفلة ...

    ثالثا *احضري الطالبه للأمام في حصتك
    *اوليها اهتماما خاصا وإذا كان في المدرسه معلمة صعوبات اطلبي مها المساعده أو تحويل الطالبه إليها مؤقتا حتى يتحسن مستواها...
    *ابلغي الأهل بأن الطالبه بحاجة ماسه إلى معينات سمعيه وبصريه وأن ضعف السمع والبصر قد أثر كثيرا على مستواها ..
    حاولي أن تستخدمي الوسائل المجسمة والحسية أثناء عملية الشرح ...

    والله يعينك ويثيبك وموفقة إن شاء الله...............
  4. @huda1986

    حبيبتي هذي تحتاج تعليم ذوي الاحتياجات الخاصة انت لازم تبلغين الادارة ويبلغون امها لانها مسكينة راح تضيع بسبب ضعف السمع والبصر فلازم التعليم الخاص حيث يكون في الفصل الواحد 10 طلبه مع المدرسة وتدرسهم حسب عمرهم
  5. ابلغي الأهل بأن الطالبه بحاجة ماسه إلى معينات سمعيه وبصريه وأن ضعف السمع والبصر قد أثر كثيرا على مستواها ..
    وهل قدراتها العقليه تناسب عمرها ولا لا

تابعي تجارب أخرى من هذا القسم.