شاركي في النقاش

سجلي الدخول لإضافة تعليق.

التعليقات

31
  1. @asomh5

    صاحبة الموضوع
    انا اسفه ماقدرت اكمل الكلام اللي بديته بخصوص الاخت شمس الخب وسوالها عنه فهو والحمد لله عمره ما مد يده علي ويعامل عياله زين والحمد لله ولا هو من راعين السفر بس اخذ يمون علي بزياده وصلته لهذا المستوى انا ابي احد من هالشي بس ماني عارفه


    والاخت المتغليه والله اني احبك في الله ودايم اقرا مشاركاتك بس انصدمت لماقلتي ما لك شخصيه انا مشكلتي اني تزوجت صغيرة واخذت الدبلوم وانا بعمر عشرين وتوظفت وتورطت وما كنت اعلم احد عن مشاكلي حتى امي علشان ما اتعبها معاي الحين مشكلتي ليش المعامله كذا وهل هذا جزاي اني طيبه وابيك تدليني علي الطريقه اللي اخذ بها حقي بهدوء

    الاخت الحلم الجميل والاخت دندوشه شكرا لكم والله يجزاكم خير والباقين ليش 59 قراة و4 ردود والله لو ماني حتاجه نصيحه كان ما كتبت



  2. اختيـ اسومه

    احبك الله الذي احببتيني فيه :26:
    بس ياقلبي ان نقهرت عليك وربي ,, وكلمتك مثل لو اكلم اختي ولي تعز علي
    اعذري لي انفعالي والله الهادي

    ..

    .



  3. الحل ياصاحبتي انك ماتعطينة الراتب حولية على حساب جديد لك في البنك يسير ينزل عليهوالبطاقة والرقم السري معاك ولا تحطين قرش للبيت وخللي الصرفية كلها علية فترة لين يدري ان الله حق بعدين ساعدي في البيت بالمعقول
    واعلى مافي خيله يركبة..
    معليش على اسلوبي بس ان شا الله انك مثل اختي وتراني اطرطع من اللي تعطي زوجها اللي فوقها وتحتها وهو مايستاهل.
  4. @alm_alsnyn

    تحياتي أسومه

    قلبي معك ياعيوني

    بس لي وجهة نظر قد تختلف بعض الشئ عن أخواتي

    بما انك انتي اللي عودتيه على انه ياخذ الراتب كله الآن ماقدامك خيار الا التفاهم

    واللسان المعسول ولو مؤقتا لتكسبيه لصفك

    وضحي له انك لن تخرجي عن اطاره ولكن هذا الشهر

    لابد مثلا ان يتخلى عن الراتب لانك ستشترين لاطفالك لوازم كبيره وكثيره اواواو امثله كثيره

    لديك قد تخبريه بها .

    حاولي انك تنفخيه <<< عجزت تجيب اللفظه بالعربيه

    احمدي الله قدامه انه رزقك واحد مثله وانه عطاك واحد متفهم ويحب عياله وهكذا

    ومن بعدها عوديه شيئا فشيئا ان لا يعتمد عليه كان تقولي اشتريت هذا الشهر

    جهاز للمطبخ او شريت مفارش للاطفال اواواوا

    وان لم يستجيب مالك الا المصارحه والتفاهم وبالحسنى ايضا بان

    من حقك التمتع واطفالك براتبك الذي تفقدين مقابله جهدك وتعبك

    المهم والاهم الا تخسريه والا تقعي في مشاكل اكبر من الراتب

    وفقكِ الله وحماكِ وسخره لكِ بالحسنى عزيزتي
  5. @shms_alhb1

    الحين ماقلتيلي بما انني لست موظفه لكن سؤال يدور في مخي
    هل ياخذ الراتب مباشرتا ام ياخذه منك يعني تاخذينه انت وتعطينه ولا هو ياخذه من البنك مباشرتا ويقولك
    لانه اذا ياخذ منك الراتب
    انصحك انك تدخلين فيها جمعيه حتى تكونين مظطره انك تدفعين اول كل شهر فلوس الجمعيه كم راتبك اذا راتبك 2000 ادخلي بالف ريال وهذا الشيء يحطه امام الامر الواقع
    او اسحبيها واكذبي عليه بانك داخله جمعيه وشوفي وش ردة فعله بهذا الموضوع هذا في حالة اذا كنت خايفه من ردة فعله
    يعني شوفي اذا تبين تكذبين عليه وتشوفين ردة فعله او حطيه قدام الامر الواقع
    وردي علي
    وكم له وهو ياخذ الجمعيه
    وهل حريم اخوانه مثلك او لا
    بالنسبه الى انه لايضرب فهذا امر طيب ويصرف عليكم فهذا واجب عليه
    شوفي عاد انت نفذي فكرت احد الاخوات بانك شريتي مفرش غالي او طاوله او شيء لااغراض المطبخ
    او نفذي فكرة الجمعيه بان تشتركي مع مجموعه من النساء في جمعيه
    المشكله انك عودتيه والكلام ما يجيب نتيجه
    وكلام الاخت متغليه بانه يمكن يصير مثل بعض الرجال يخزن الفلوس ويتزوج انتبهي لهذا الشيء
    وهذي بعد فكره ثانيه خطرت على بالي
    ونفذيها اول شيء قولي الله يستر في كل مره اعطيك الفلوس اخاف تجمعها وتتزوج علي الله يستر منكم يالرجال
    عاد فلوس بدون تعب او جهد تجيك ببلاش من وحده مثلي بتقول وش رايك يافلان اجعها واتزوج فيها
    وشوفي وش ردة فعله
    وبعدها نفذي الخطه الثانيه اشتري فيها مفرش او اي شيء من اغراض البيت تكونين محتاجه له
    وبعدها نفذي فكرت الجمعيه والله يعينك عطيه القليل من الراتب
    وهي اشوي اشوي لين تاخذين منه الفلوس
    والله يوفقك في مهمتك

تابعي تجارب أخرى من هذا القسم.