ممكن تحلون هالمشكلة!!



السلام عليكم والرحمة
أنا اتفاءلت وايد يوم حصلت هالباب في هالمنتدى الطيب, و يا ريت لو انكن تقترحن عليه حلول لمشكلتيه.. و أجركن عند رب العالمين ان شا الله
باختصار أنا معرسة من ثلاث سنين تقريباً و عنديه ولدين.. مشكلتيه هي في ثلاث نقاط:
1*إنه زوجي متزوجني غصبن عن هله.. و أنا كانت عنديه ظروف و وافقت عليه و أنا ادري إنه هله ما يبوني.. لكن هو وعدني بانه رح يتغير موقفهم بعد فترة.. لكن للأسف موقفهم يزيد صلابة يوم عن يوم.. تصوروا الين الحين أنا ما زرتهم.. و مرة سرت عندهم لكنهم رفضوا يستقبلوني.. فشوا ممكن اسوي حتى أكسب حبهم و مودتهم خصوصاً إني صرت اتفادى الناس من كثر ما يسئلوني عن هل ريليه..
2* المشكلة الكبيرة انهم شلوا عني ولديه الاول و هو عمره سنة و شهرين بحجة انهم يبون يربونه.. و كانوا يمنعوني اني أتصل و اسأل عنه.. و ريلي يسوي مشاااااكل اذا قلتله أبا أشوف ولديه.. و انا للآن أحاول اني أخلي ولديه عندي.. حتى الولد صارت شخصيته مهتزة و غير مستقرة.. و يصارخ وايد و يضرب و عصبي عموماً.. و انا قلبيه متقطع عليه.
3*زوجي ابداً ما ييلس في البيت, أول ما ينش يطلع و يسير دوامه و بعدين يتغدا عند هله او ربعه, و يسير ميلس الشباب و يتم يالس هناك الين بعد نص الليل أو الفجر.. و هذي حالته.. و ان تكلمت معاه في هالموضوع عصب و سكتني.. مع اني متعلمه لكنه يرفض اني أشتغل.. حتى ما يخليني اطلع بره البيت ابداً.. و انا أستغرب ليش يطلع هالكثر.. مع انه البيت دوم مرتب و نظيف, و أنا ما امدح في نفسي لكن الحمد لله ربي عطاني جمال رائع, و صغيرة في السن وايد.
فأرجو منكن انكن تساعدني بمقترحاتكن و حلولكن..
و الله يخليكن سبب في فرج كربتيه..
خصوصاً اني مليت من يلسة البيت, و الوحدة تظيق الصدر مثل ما تعرفون
اسمحن لي طولت عليكن
تحيـــــــــــــــــاتي

20 تعليق 2,051 مشاهدة

شاركي في النقاش

سجلي الدخول لإضافة تعليق.

التعليقات

20
  1. @rmayh

    الله يكون في عونك اختي

    ممكن اقولك اهل ريلك خليهم في حالهم وماعتقد ان علاقتك معاهم ضروريه لكن اسمحيلي كيف تستغنين عن ولدك

    وتعطينهم يربونه المفروض ترجعين ولدك عندك علشان مايحس في يوم انك تخليتي عنه والله كسر خاطري

    بتقولين كيف والله لو بالمحاكم تردينه لازم تردينه

    ولا الزوج والاهل مش في اهمية العيال
  2. انا كمان مع رماية
    كيف حبيبيتي تخلي ولدكي عندهم ايش يضمنكي معاملتهم وتربيتهم كيف تكون لها هالمسكين
    حبيبيتي رجعي ولدكي لان ربي راح يسالك عنه ايش بتقولي له خليته عند اهلي زوجي وما ربيته
    وراح يقولكي انا اعطيته امانة لكي انتي مو لهم
    والله خوفي عليكي انتي وولدكي اقول لكي هذا الكلام القاسيه
    عليك بالدعاء لله واكثر وتيقني انوا ربي معاكي ما دام انتي معاكي الحق
  3. @am_alktakyt_1

    مشكلتك بصراحه غريبه ...
    اول شئ الله يعينك ..ويصبرقلبك لكــــــــــن انا ماني عارفه ليش اخذو الولد منك ؟
    يعني انتي عاجزه تربين ولدك ؟ ولاايش الفكره !!!!!!!!!!!!!!
    المهم مهما كان حجم المشاكل بينك وبين أهل زوجك ...ولدك لازم يرجع عندك بأي طريقه ..
    والناس اللي قلوبهم قاسيه كذا ( اخذين ولدك منك ) مالك ومالهم .. واللي مايبغاك حبيبتي لاتجرين وراه .
    اذا كان ولابد روحيلهم في الأعياد ...المهم الولد لازم يكبر وهو في حضنك مايصير يتربى بعيد عنك ...حسبي الله ونعم الوكيل ..والله ماادري ايش اللي صار في الدنيا ...
    حبيبتــــــــي ..لاتنسين قيام الليل والدعاء ..والله لهم مفعول عجيب .


    :26: :26:
  4. @eva_1

    صاحبة الموضوع
    السلام عليكم و الرحمة
    الله يجزيكن خير .. ما تدرون شكثر ردودكن أسعدتنيه
    اختيه رمايه و ماريا الطيبة تقولين علاقتيه فهل ريليه مش مهمة بس فديتج أنا ما افكر فيهم بشكل أناني.. أنا ما أبا عيالي يحسون انه في مشاكل..
    الغالية أم الكتاكيت... هم يقولون انه انا ما رح ادخل بيتهم.. و ما يبون ولد ولدهم يكبر بعيد عنهم.. و يبون يشوفونه دوم.. علشان جيه هم شالينه من عنديه..
    الحين ولديه عنديه... لكن مش بعيده باجر و لا عقب باجر يقولي ريليه لبسيه برده عندهم..
    يعني في رايكن اقوله لأ.. بس انا اخاف من الانفصال و بعدين عيالي فعلاً بيعانون من مشاكل و احساس بالضياع..
    ما ادري و الله بجرب و بقوله لأ... و بشوف شو ردة الفعل بتكون
    مشكووورات على مشاعركن الطيبة
    دعاءكن لي خواتي
    تحياتي

تابعي تجارب أخرى من هذا القسم.