كيف تلحقون على تدريس ثلاث اطفال بالابتدائي في نفس الوقت؟؟؟؟؟؟؟

السلام عليكم ورحمة الله وبركاته

ابدخل في الموضوع دغري
مشكلتي ان زوجي متكل علي في كل شي
انا عندي ثلاثة اولاد اكبرهم بدأ سن المراهقه عمره 12
واصغرهم في اولى ابتدائي
زوجي ما يدري عنهم في شي ولا يبي يتحمل مسؤلية اي شي ...جاب السواق وعطاني مصروف البيت
وخلاااااااااااااص غسل يده

عيالي يبون ابوهم ياخذ بيدهم ويوديهم للمسجد يصلون ....لكن لا حياة لمن تنادي هو يصلي بالبيت اصلا

يشتغل بشركه و ما يجي البيت الا المغرب او بعد المغرب مع ان الدوام ينتهي الساعة 4
ويطلع بعد العشاء لاهله او الاستراحه
كل جلسته بالبيت ساعتين ...ولو ما فيها عشا كان ما جا اصلا
عيالي الله يحفظهم معاهم ربو فكثيره امراضهم
غير مواعيد الاسنان
ومواعيد الحساسيه
احتياجاتهم من لبس ومكاتب و...و...و
وكله انا المسؤله عنه وهو يعتبر غير موجود
لانه ايضا كثيره سفراته ونتداباته وما يرفض اي فرصه فيها سفر

راح لمجلس الاباء اليوم اول مره
وتفاجأ ان مستوى عيالي متدني
ورجع للبيت زعلان يقول لي انك مهملتهم...وانتي ...وانتي
سبحان الله العظيم
حس بالتقصير في حق عياله لكنه مصر انه يحملني المسؤليه ...كعادته التهرب من اي شي

بس صحيح

انا ما اقدر الحق على ثلاثةاطفال كلهم في الابتدائيه وخصوصا سنه اولى تحتاج النهار كامل
اهملت الكبير لانه يتهرب من حل الواجبات وكل ماقلت له ذاكر قال زين... واسمعه يلعب كوره برا
الله يحفظم اولاد وما اقدر اسيطر عليهم خصوصا اذا كانوا ما يخافون من ابوهم
وكل ما هددتهم بابوهم قالوا احنا اصلا ببنام قبل ما يجي
وفوق هذا رافض يجيب مدرس يمسك واحد فيهم او على الاقل يدرسهم رياضيات ويترك الباقي علي

والله تعبت وماقدرت اتابعهم في دراستهم وفي صلاتهم وفي طلباتهم وعلاجاتهم
واسال الله انه يعينني عليهم بالصبر

لكن سؤالي

يابنات وشلون تلحقون على تدريس ثلاث اولاد صغار
من كتابه وحفظ قران وحفظ مواد دين وتارخ وجغرافيه ورياضيات وانجليزي
ساعدوني بتجاربكم يمكن استفيد منها

14 تعليق 2,780 مشاهدة

شاركي في النقاش

سجلي الدخول لإضافة تعليق.

التعليقات

14
  1. شوفي يالغاليه ابو 12 سنه مايتدرس هو يدرس نفسه وانتي تشيكين عليه بس وتابعينه من بعد مايخلص يعني هو ياخذ على الجدول وهوبيحل الواجب وانتي لاخلص قولي له جب الشنطه
    وتاكدي ان الجدول كامل الدفاتر افتحيها شوفي فيه واجب ولا لا شيكي على دفتر الواجبات
    والمواد اللي فيها حفظ سمعيها له وبس والصغار امرهم هين اهم شي لاينامون اذا جو الظهر ديني ودين البزارين اللي يقيلون على طول خليهم ياخذون ع الجدول وساعديهم ثمن جيبيهم جنبك وخليهم يكتبون الواجب بسرعه والحفظ حفظيهم وبس ولاتنسين تستفيدين من الخميس والجمعه درسيهم حتى اللي ماخذوه واذا عند خوات بيت اهلك خليهم يساعدنك لارحتي لهم قولي لهم حفظي عيالي قران نشيد اي شي وماراح يقصرون وانتي قولي مثلا درسي وليد هالسوره لاختك او اخوك ولا حفظوها بعشيك من برا وهكذا
  2. @mha5000

    انا لوانا منك اخليهم كلهم يتكلوان على نفسهم الاول خاليه يدخل الغرفه يرتب وجباته ويحلهم وانتي سمعي فقط مثل قولي اذا جبت درجات زينه بعطيك فلوس وبعدين قولي لهم الي مايذكر يصير راعي بلديه او يشحذا في الشوارع روعيه انا ولدي يذكر كل يوم على شان مايصير كذا انتي بس اشرفي عليهم خليهم حولك وهم يجيبون درسهم ويحلون وانا اساعدهم فقط وبعدين قولي لبوهم انتي لبوهم الوالد الكبير مافهم شي من دروسه ماعرف ادرسه زني اوكلمي المدرسه يكلم ابوه ويقوله ولدك محتاج مدرس يساعده
  3. @nors11

    صاحبة الموضوع
    راجيةرحمةربي
    الله يرحمك برحمته التي وسعت السموات والارض ومن فيهن
    ووالديك وذريتك وحبايبك

    اختي الحبيبه
    اعلمك انا وش مشبهه نفسي بس لا تضحكين

    انا مثل الشجره الكبيره في صحراء
    الشمس تحرق اوراقها والعواصف تضربها من كل جهه
    وتظل الشجره واقفه على ساقها مستعينه بالله ومتكله عليه
    وتظلل كل من مر تحتها

    انا مالي اهل اعتمد عليهم كذا ربي قدر علي
    امي متوفيه واخواني كلهم شباب وابوي متزوج وعصبي الله يخليه لنا
    واختي لاهيه ببيتها وعيالها وافكارنا متباعده
    ومالي احد استشيره او اشكي له الا رب العالمين وهو نعم الوكيل

    (قصيت قصة حياتي .....اعذريني لكن كلام اثار شجوني)
    نرجع لصلب الموضوع

    ولدي الثاني يرفض الجلوس لانه يشوف اخوه اللي اكبر منه يروح ويلعب
    ويتهرب بحجة انه جوعان ويروح للمطبخومنها ينحاش ولا عاد اقدر ارجعه
    الي في سنه اولى حبيبي ما يستوعب وما يحفظ عشان كذا اتعب معه كثير وما فيه فايده

    بس انتي صادقه اللي في سنه سادس....اوت
    واركز على اثنين ارحم

    الله يجزاك كل خير ويسخر لك عيالك وابو عيالك
  4. @nors11

    صاحبة الموضوع
    اختي مها
    الله يجزاك كل خير وينوك ما تتمنين في الدنيا والاخره

    كلامك صحيح وبديت اقتنع بوجهه نظرك انتي وراجية رحمة ربي

    بس والله احترنا يالحريم
    يقول لنا لا تضيقين صدر زوجك بمشاكل العيال اذا جا من الدوام
    وانا كل شوفتي له بعد المغرب

    والمفروض يعرف مشاكلهم عشان يعرف حجم المسؤليه اللي انا متحملتها
  5. والله أنا عندي 4 وحدة متوسط و3 ابتدائي , كلهم بنات

    بس أحس ان افضل شي يمشي معاهم التشجيع ,, يمكن البنات غير عن الاولاد .... مدري؟؟!!

    والعقاب بالحرمان من أي شي يحبونه ,, وأنا صارمة في هذي الامور

    مثلا قلت للثلاث الكبار اللي بتختم القرآن في رمضان , والصغيرة تحفظ سورة عم

    بتروحون الملاهي أيام العيد

    بس للأسف ولا وحدة ختمت ,, والله حرمتهم نهائيا من الملاهي ,, ولا تجرأوا يطلبونها .

    بالنسبة لدراستهم ,, الحمد لله مستواهم زين .. بس من بعد المغرب هذي الايام لأن العصر قصير .. مافيه تلفزيون ولا كمبيوتر الين يخلصون الساعة 8 الى 8ونص

    والله لازم من التعب ,, الله يعيننا واياك .

تابعي تجارب أخرى من هذا القسم.