~*¤®§(*§ ملتقى المغتربات في استراليا الجزء الخامس§*)§®¤*~

اما عن الملل نجوم تراه طول السنه مو بس الان بس الان الي قاهرني الضغط النفسي كل مايتطور زوجك شهر كل ماتزيد الصعوبه ويزيد انشغاله عنك

اهلين حبيبتي نجوم والله انك ترفعين المعنويات بمشاركاتك وسواليفك الحلوة ليتنا بمدينة وحدة.
اما بالنسبة لجوهم فهو متقلب مل ماقلتي لكن الشمس موحارة مرة اليوم مشمس جونا بس برد مساكين عيالي ودي اطلعهم يلعبون بالحديقة يستانسون شوي بس برد عليهم.
والرحلة اخذناها ترانزيت ماليزيا قعدنا فيها كم يوم بعدين جينا على ادليد.
وولدي التعبان بيكمل الاربع سنوات بعد شهر انشالله وكنت استخدم له تحاميل فلترين صارفه لي دكتور بالسعوديةواستخدم له بعد خافض حرارة تمبرا لكن من ودناه المستشفى انهبل الدكتور قال التحاميل هذي خطرة مرة على الطفل ومن رحنا نطلب من الصيدلية تحاميل فلترين قال الصيدلي لزوجي هذا الدكتور مجنون اللي وصفلكم هالتحاميل هذي لان ماياخذها الا البالغين...الخلاصة كل البهذلة بهالمستشفى وتحليل دم ماعطونا ولا علاج قالوا استمروا على بنادول بس والمسكين حرارته له اسبوع وطايح طول الوقت بالفراش ....
احس اني طولت عليكم بهذرتيلي تحملوني شوي .. تذكرتك يانجوم دايم تقولينها:42:

الله يسلمك يالجونة بشري وش اخبار النفسية ما تحسنت شوي علشان قربت نزلتكم للسعودية .
:26:

نورت استراليا زهق وانشالله تنبسطون هنا ..

يا حبي لك يا نجوم انتي وسوالفك اللي تونس ...
على فكره لقينا شي فكنا من الكردت وخرابيط الكردت ..
بطاقه اسمها بوبو مرررررررررررره ممتازه فكرتها هائله ..
فكرتها متى ما بغيتي تشحنينها بالمبلغ اللي تبين وتستخدم مثل الكردت بالضبط ... ولا رسوم ولا احد ينهبك ..
اشتريتها من محلات بيع الجرايد ..
وبالنسبه لفانتاستك فرنتشر بصراحه عروضهم حلوه بس كنبهم مو مريح مره, انا اشتريت الكنب من فريدم مره مريح ..
لجونه يا عمري وش نسوي لازم ينشغلون مع الدراسه والبحوث والاختبارات ..يا بنت الحلال طنشي كلها هالسنتين ربي يعديها على خير ونرجع لبلدنا وحياتنا الطبيعيه ...

االله يسلمك لجونه هاذي الساعه المباركه اللي وسعت صدرك اي والله فيه نصب هنا في الاسعار ارحم الاسترالين احس ملعوب عليهم كلش دبل شكلي بمر الصين مو ماليزيا على قولتك اتسوق منها لي وللي بهديهم

زهق ياعمري ولدك اسبوع حراره عاد الصغار يحزنون اذا مرضوا واذا كان الجو بارد لبسيهم جاكيتات وقبع وطلعيهم يلعبون يوسعون صدورهم اهم شي مايطلعون في المطر والحين الحمدلله احس بنتي اشوى بديت اعرف لها صرت ما اطلع الا ومعاي جاكيت وقبع ولحاف خفيف لزوم الطواريء

الله يجزاك خير ام العصبيه ماتدرين شلون فرحانه في الموقع اسعرهم مره حلوه تتوقعين هم دايما كذا ولا مسوين تخفيضات وبالنسبه للبطاقه ياليت تفصلين اكثر اذا ماعليك تعب وتكتبين اسمها بالانجليزي عجبتني فكرتها