الموضوع مغلق

وش تختارين..الزواج ...ام ...الدراسه الجامعيه؟؟

مسسسسسساكم الله بالخير ..بنات
انا عندي موضوع محيرني..وهو..وشلون البنت توفق بين حياتها الزوجيه...والحياه الدراسيه؟؟..يعني الحين انتي مثلا..تدرسين في كليه او بجامعه..واعرستي وانتي توك تدرسين؟؟ وش تسويين؟
هل.........؟
1)تكملين دراستتس..وانتي متزوجه...يعني في بدايه حياتتس...واللي بيترتب على هذا طبعا..ترجعين من الكليه متأخر والنفس شينه...والراس مصدع..اكيد مدهره بالكليه من الساعه سبع الصبح...وترجعين للبيت..قدامتس طبخ الغدا للزوج العزيز..وتنظيف وتسبيع مواعين...لا واذا كان عندتس كويز والا اختبار متى بتدرسين؟؟وعندتس التزامات لزوجتس وش كثره..
2)او..تتركين الدراسه..وش بتنفعتس الدراسه الجامعيه يعني؟؟.. يا كثر اللي تخرجو وهذاهم قاعدين ببيوتهم..لاشغل ولا مشغله..وبذلك ترضين زوجك
3)او ..تقطعين الدراسه في بدايه زواجتس..بعدين اذا تعودتي على الوضع ..ترجعين تدرسين؟؟
4) تكملين الدراسه....وماتفكرين بالزواج ابدا..الا اذا تخرجتي
اتمنى كل البنات يشاركون..ويبدون رايهم

5 تعليق 1,194 مشاهدة

0 0

شاركي في النقاش

سجلي الدخول لإضافة تعليق.

التعليقات

5

  1. @aalyaaa

    با لنسبة لايامنا راح اتزوجججججججججججج :33: :33: ليش لاني بدرس وضيع زهرة شبابي با الدراسة وبعدين بقعد في البيت :32: :32: والشباب ه الايام يبغون وحدة صغيرة بسن ..............................مو عجوز ضيعت عمرها بادراسة :22: :22: :22:

  2. @mshaaal_1

    انا يا اختي أؤيد زواج البنت وهي تدرس ومن قال ان المتزوجه اقل عطاء من اللي قاعده عند اهلها با العكس كان معي با الكليه بنات متزوجات ومتفوقات بعد وهو بعد يعتمد على الزوج اذا كان متفهم فانه حتما بيساعدك على اجتياز مراحل تعليمك ويوفر لك بعد الجو الهادئ للمذاكره واذا علىالطبخ والاشياء البيتيه امرها سهل في ظل زوجين متفاهمين 0:32:

  3. @khylh_albryh

    انا مع الاخت مشاعل ... بالعكس البنت لما تتزوج تحس بالمسئوليه اكثر وتحرص على المذاكره وعلى وقتها اكثر ؟؟؟ انا بصراحه اؤيد زواج البنت لما تكمل العشرين يعني تقريبا تصير في ثاني جامعه واذا الله يسر لها زوج متفاهم ( وهم كثر ولله الحمد في هذا الزمن ) اقول اذا يسر الله لها زوج متفاهم ممكن يتفقون على تاجيل الانجاب لحد ماتتخرج من الجامعه لان تربيه الاطفال امانه ماهي سهله ... الله يوفق كل بنات المسلمين وبناتي يارب العالمين ...

  4. @mram_3

    انا مع الاخت مشاعل او كحيلة البرية من قال ان المتزوجة اذا اتزوجت صارت ربة بيت انا ترى اتزوجت وانا سنة اولى او معاي مجموعة من الزميلات بعضهن متزوجين من ايام الثانوية والحمدلله اتخرجنا واتوضفنا ولله الحمد اهم حاجة ان الزوج ايكون متفهم للوضع او ايام الامتحانات والمداكرة كنا ناكل من المطعم او احيانا انسوي اشياء خفيفة دام الزوجين متفاهمين انحلت المشكلة او وراء كل امرآة عظيمة رجل الحمدلله زوجي وقف معاي في الدراسة والتوظيف او حاولنا اناجل الحمل لبعد التخرج لكن اراد الله واحملت قبل التخرج ابسنة والحمدلله ابمساعدته او مساعدة الوالدة الغالية واحتضانها لطفلي حزت النجاح واكملت تعليمي او دائما اقول يرجع الفضل له او لتشجيعه لاني ياما قلت بترك الدراسة او كان يوقف معاي وايصر اني اواصل والحمد لله

  5. @hnd_almrzoky

    مساك الله بالنور ...


    والله وانا اختس انا رأيي من رأي الجماعه ...

    يعني ممكن الوحده تنسق بين الدراسه والزواج .... اذا عرفت وشلون تقسم وقتها



    :27: :27: :27: :27:

تابعي تجارب أخرى من هذا القسم.