بسم الله الرحمن الرحيم
مساء الخير لكل المتزوجات ودي اطرح مشكله مأثره فيني وكل مافكرت فيها جاني الهم وعوار القلب
اناكنت مترددة اكتب ولا لا بس اخيرا قلت الامل في الله ثم في الحواءات اللي يفهمون حركات الرجال الماصخه:44:
المشكله ان امي وابوي حياتهم واصله الحضيض كل ماحاول اقرب بينهم الاويزيدون نفور .امي تكره ابوي لدرجه خياليه بسبب انها تشك في حركاته ودخلاته وطلعاته وموبس هي اللي شاكه لا انابعد حاسه ان وراه شئ .....واللي زاد شكها اهتمامه الزايد بشكله وكم مره شافته يكلم جوال خارج البيت يسرح كثير لاوبعد يطلع الصباح مع انه ماعنده دوام الصبح ويرجع الظهر وكل ماواجهته انت متزوج وشكله مسيار ينكر.....والله تعبت احس احيانا اني اكره ابوي .
ومن المواقف مره امي فتحت درج يحط اغراضه فيه ولقت وشووووو؟حبوب فياغرا مع انه ماقرب لها من وقت طويل
ومره لقت مسج بجواله تقول اللي مدري من تكون وينك متى نلتقي
واجهته امي انكر
امي حبيبتي والله مسكينه مظلووووووووومه
ياحريم بالله عليكم ابي امسك ابوي بالجرم المشهود ابي حل ,لوفيه اجهزه تنصتيه اقدر احطها بجواله عشان اعرف منهي قولولي لو فيه اجيب بس اعرف
الله يعافيكم لاتقولون لاحقيه وشوفي وين يروح ماااااااااقدررر صعبه
الله يوفقها دنيا واخره اللي تساعدني واطفي النار اللي بقلب امي
بعضالحريم يمكن مروا بهالحركات اللي تحرق القلب وبعضهن
اكتشفوا وش وراهم,ياليت الطرق انا مانيب مقصره ودي اريح
امي واقهر ابوي زي ماقهرها وهمشها.
تعامل ابوي مع الغاليه امي احيانا يكون وديع كانه حس انها داريه باللي وراه واحيانا بارد مثل الجليد
واحيانا مزاجي.:(
كل مارحت عند اهلي ارجع بيتي وانا شايله جبل من الهموم ابي اساعد امي وابي ارجع ابوي لامي:icon33:
عطوني الوسائل والطرق انا في الانتظار تكفوووووووووون لاتردوني حلوا معاناتي بعد الدعاء لابي بالهدايه
شاركي في النقاش
سجلي الدخول لإضافة تعليق.
التعليقات
20- مالك الا الدعاء له بالهداية والصلاح
اما التفتيش من ورائه والبحث عن دليل
صدقيني ماراح ينفعكم - حبيبتي لاتكرهين ابوك انا ادري انك محتره على امك ولا الومك بس مهما كان
هذا ابوك لو يسوي اللي يسوي
والله ييسر اموركم انا كنت بقولك راقبيه لو على الاقل يوم واحد وشوفي وين يروح
الصبح روحي انتي وامك مع اي سوواق وشوفو وش يصير
والله يسسر حالنا وحالكم ويسخر لنا ازوجنا - حبيبتي ما دام انه انكر 00ماراح تكتشفين شي لحد ما يعترف هو بنفسه 00 وبعدين اذا كانت أمك راضية بوجود زوجة ثانية في حياته تقوله لعشان يريحها ويقولها 00
- خليهم لاتدخلين بحياتهم لو مثلا راقبتيه وعرفتي وش وراه ورحتي قلتي لامك وخربتي بينهم وش بتفيدينهم خليهم هما بينهم بين يتفاهمون كبار وفاهمين بالحياه دامتهم في بيت واحد لاتخافين عليهم ولا تشيلين هم ماشاالله وانتي قولي لامك دايما تدعي الله لاتخلين مشاكلهم تاثر على بيتك انتي وزوجك فينقلب الهم همين ادعيلهم يهديهم لبعض ادعيلي يهديني الى الصراط المستقيم تكفييييين
- بقولك حكمة خالتي
لما يجي طاري العرس والمسيار
تقول خالتي لالالا والله مادور ولا انبش وراه لانه اذا حاصرته واعترف
ماراح استفيد غير انه يكون لها النص ولها يوم وليله وانا اموت قهر
خليه دايم ذليل لي ويخاف مني ويداريني
لانه لجت الحيقيقه وصار مشاكل وشيل وحط
بيقول انا ماسويت شي حرام وهذا حقي واذا موعاجبك طقي راسك بالجدار
ساعتها وش بسوي اروح بيت اهلي وانا بهالعمر
والا اكلها ندامه على اليوم الي نبشت فيه وخربت على عمري
لانه مادام فيه شي بالسر معناته انه فيه تردد وممكن يوم من الايام يمل ويرجع
بس اذا بالعلن بيكون كل العالم عارفه وفيه عيال ومسؤليه كامله
فيكون الوضع اصعب
انا من رائي انك تخلين امك تنسى الموضوع وتعيش حياتها على انها ملكه
وتطلع وتدخل وتنبسط بعمره
وخليه يخاف منها ويداريها احسن من انه يطقها بوجهها ويطلع
ساعتها بيكون الالم اصعب مرتين
وطمنينا على امك وش اخبارها
مواضيع مشابهة
تابعي تجارب أخرى من هذا القسم.