تعالوا نتحاور ونتناقش متى تخبرين اللي حولك بحملك وش رايك بالي تخبي حملها ابي تفاعلكم

متابعة النقاش، صفحة 14

شاركي في النقاش

سجلي الدخول لإضافة تعليق.

التعليقات

261
  1. بصراحه أنا ماهتم الي حامل وغبت لانفسها وان علمت لانفسها هذا شئ راجع لها لازم نشاركها مهوب لازم ولااله داعي اني اتكلف لها وهي في انفاس بمسيار قهوه حلي و لسلام وعليكم مره وحده اذا بقاء لها يؤم أو يومين من اربعين ولاأقعد اسالها وأستفسر مثل بقي الحريم يعني كيف الولاده معك صعبه سهله ..
    بعض الناس تر هم اللي يظطرون الواحد انه يخبي و يكذب والله ييسر لكل وحده حملها وولدتها ويرزق كل محرومه يا رب العالمين ...
  2. @am_alfla_1

    السلام عليكم

    واولا الحمل مافيه عيب علشان يتخبى

    انا مااحب اللي يخبووووون

    وشفيها يعني لو قالت انا حامل؟؟

    انا اعلم اهلي اول امي ابوي وطبعا زوجي وخواتي وخلاص
    واذا سألني احد او بان علي ماانكر اعترف وااقول انا حااااااااااامل

    انا اتوقع ان اللي يخبون يخافون من العين وانه لازم ماتعلمين عن حملك ليييييييين يثبت

    بالنسبه لي انا انا مابقى احد ماعرف وش نوووووووع الجنين اللي ببطني مو بس حملي ههههههههههههههههه
  3. @queennight

    هلا بنات
    أنا مايهمني اذا وحدة خبت عليه وماقالت البيبي لها مو ليه ولا راح اصرف عليه ولا راح اربيه براحتها

    أما عن نفسي الكل يعرف اني اشك بالحمل قبل لا أسوي التحليل وكم مرة اتفشلت اسوي التحليل ويطلع مافي حمل

    بس يابنات في ناس عندهم ظروف ومضطرين يخبوا
    مثلا
    اعرف وحده كل ماحملت سقطت فقررت انها ماتقول لمخلوق غير زوجها والدكتور وفعلا تم الحمل ولان جسمها مليان مابان عليها الحمل ابد وانا كل يوم معاها

    الحمل اللي بعده خبرت الأهليه وماتم الحمل

    الحمل اللي بعده احتفظت فيه لنفسها وماخبرت أحد وتم الحمد لله

    وأنا بصراحه الحمل هذا ماخبرت أحد وبكذب وبقول اخذ موانع للحمل بس تعرفوا ليش
    لأن بعيد الشر عنكم في ناس حاسديني ومايتمنوا لي الحمل وقالوها بوجهي وسقطت 3 مرات واسمع استهزاء وكلمة أحسن وغيره

    فقررت أني ماأقول لأحد حفاظا على حملي
    والله يسامحني على الكذب يعلم الله أني انطعن في صدري مليون الف طعنه لما اكذب واقول مو حامل واتعذب بالسر هذا اقول لزوجي (كأنه ولد حرام مخبينه) استغفر الله العظيم
    بس ظروفي تجبرني
  4. الــــدانـــه
    السلام عليكم ورحمة الله وبركاته موضوعك اختي سديد وفي محله بس خلينا نكون واقعيين ونترك البراءه اللي احنا نحاول نسبغها على حياتنا. الانسانه اللي تخبر كل من حواليها بحملها حتى قبل ما تحلل الحمل مجرد الدوره تأخرت عليها هي انسانه ربنا جبلها عل…
    انا معك
    كله يعتمد على الشخصيه
    اذا انتي شخصيتك تحبين تقولين اخبارك وتسولفين فبتشوفين ان مفروض كل الناس تعرف
    اما اذا كنتي كتومه وقليله كلام ماراح تعلمين احد
    لان بالنهايه هو موضوع خاص ومو لازم الناس تعرف فيه ( ماله علاقه بولي عهد والا فاتح قسطنطينيه ) ومو معنى ان كل حريم السعوديه يحملون اني لازم اتكلم بخصوصياتي واعلم

    وبعدين الي ياخرون موعد ولادتهم ماينلامون
    من كثر ماينسألون ماولدتي ؟؟متى بتولدين ؟ طولتي ؟ خلص شهرك ماولدتي ؟ متى تفكين البقشه ؟ ومن هالخرابيط
    الحامل تتوتر وتنقرررف من هالاسئله
    احط نفسي مكان هالحامل الي كل من شافها سأل نفس السؤال لمدة شهررررررررر :09:
  5. @alngmh_althhbyh_1

    سبحاااان الله .... فعلاااا انا بحياتي مااافكر اخبــــــــي حملي نهئياااا

    الحمدلله كل الناس تحمل وتووولد شي طبيعي .....مافيه شي جديد عشان اخبي

    بس اول شهرين مايدري عني الاامي وابوي وخواتي وام زوجي وابوه فقط

    يعني الناس المقربين ولو احد غريب او من بعيد لاحظ علي شي وسالني هل انا حامل؟؟


    طووالي اقول نعم انا حاااامل


    بس للاسف اللي كدرني اني انا على نياتي بزيااااده ....يعني فيه ناااس مرررره قريبين لي
    وضروري اخبرهم اول مااحلل......اخبرهم واقولهم لايطلع الخبر الابعد شهرين ....

    يقولون لي ابشششري ماحنااا بمعلمين احددد .........واتفاجاء بعد يومين ان كل جماعتنا
    عاااارفين وانا مابعد كملت شهر!!!!

    ليــــــــــه كذاااا ؟؟؟والعجيب ان لو هي اللي حامل كاااان بالمشمش تدرين عنهاااا
    تخبي وتخااااف مدري وش عليه ؟؟؟

    لدرجة مره كانت حامل ومنسدحه على السرير وفيها نزيف ...واقولها سلامات وش فيك

    وماترد بس تضحك؟؟؟واللي بجنبهااا تقول مااافيهاشي؟؟

    اقول طيب ليه كذا حاطين لها سرير منكسره رجلها ولا ظهرها يوجعها (ماجاء ببالي حمل)؟؟

    تقول اللي بجنبهاااا بنبرة حاااده ماااااااااافيهااا شي .......(يعني انطمي واسكتي)

    الاوتدخل بعدي حرمه وتسلم عليها وتبارك لها بالحمل قدااااااامي !!!!!!!!!!!

تابعي تجارب أخرى من هذا القسم.