تطورات امي عبر العصور <<<<< كالعاده كابه عشا اهلها :)
عدناااااااااااا <<<<الذكيه تعرف باي قناة يقولون عدنا؟؟
حيا الله اهل الواحه الترفيهيه
والله ياانا مبطيه عنكم مرتن بالحيل
وصراحه الواحه هذي امي وابوي واخواني واهلي
فمنها نشأت وفيها ترعرعت وعليها سأتعرعر <<<<لا يكثر
المهم نرجع لعدنااااا
هذي عدنا يقولونها بسبيس تون بعد الفاصل<<<الله من البزاره والبثاره
والله يذكر ايام قنوات الشعر بالخير
تذكرووووووووووووون يوم اقولكم امي طايحتن بالشعر طيحتن قشرا 24 ساعه حاطتن لنا قنوات الشعر
وهننننن احد يغيرها (( هن : يعني ياويل تقال للتهديد والوعيد))
حتى لو انها رايحه للحمام الله يكرم الجميع تقول وهي بشسمه لاااااااااااااااااااااااا تغيرون وتعليه على آخر شي ماتقل بعيدونه بعد شوي
وذا صارت فيه مستحيل نغير القناة
بلا الريموت ماله اثر لافزته تحتها ( لافزته : اي اخفته ودسته ودعسته تحت شسمه)
وطبعا امي قبل كانت مدمنة اخبار لكن الله يذكر ايام القتل والقتيل بالخير والله اني اقول مير يمه كل مالك وتصغرين اكثر
عموما اليوم موضوعي زي ماقريتوه
~][تطورات امي عبر العصور][~
طبعا ماراح نشوف تطور امي من كل الناوحي لا بنشوف تطورها عبر الميول التفزيونيه
اول ماطاحت فيه امي
الأفلام المصريه <<<<ايام الصبا والشباب قبل تعرس على ابوي وتروح للحموله عاد ترا امي اول كانت ساكنه بالشرقيه
وخابرين تلفزيون الشرقيه كان كله قنوات قبل يطلع الدش
طبعا لازم اي شي يصير له اثر
والدليل ان اخوي اسمه (( هاني)) وانا اسمي ........<<اتحقرص ودي اقوله بس اخاف احد يمقد علي يقول مابقت احد ماقالت اسمه
تطورت امي عبر الزمن واخذت ابوي وسكنت عند حموله وعاد لهت ماعاد تشوف التلفزيون تعرفون لازم ترز عمرها شوي<<<ايه هين ياعمري ياميمتي الا كرفتي
وبعد ان ماتت الحموله طبعا موب كلهم بس جدي وجدتي يعني خالها وخالتها وبعض اناس يقولون عمي وخالتي <<<تحسينها تناحه
عاشت في بيتها مع زوجها واولادها اللذين هم نحن <<<<ودي احدد لغتي وشي بالضبط
اقولكم سكنا في بيت سعيد <<<سعيد والا حمد <<<مصاله:tongue:
ايه وكنا في بيت امي حالفه مايدخل الدش للبيت <<<<يالبيها يومهي مطوعه
بس ترا اخوي بالملحق حاط دش بس ماتقوى تقول شي تعرفون العيال ماينقالهم شي تحسبونهم مثلنا يالبني ( البني موب البناء لا لايعني البنات بس بلهجتنا يالقصمان نقول لجمع البنت البني)
ايه اقولكم ويدخل اخوي الدش وانا بين فتره وفتره اختخت عليه <<<<لا تعلمون احد:
همن مرت السنون تلو السنون <<<<مايمديكم على السنون فديت مير سنوني <<<حايسه ابو الدعوه
اقولكم ونقلنا لبيت جديد بيت العمر على قولتهم <<<<ليه واللي قبل وشو بيت الموت
لا بس تعرفون الناس تطور وتترك البيوت اللي على الطراز القديم<<<<ياحبيلي وانا مثقفه تصدقون احبن اكثر:biggrin:
والله اني مانسى نقلتنا قبل 4 سنوات ونص تقريبا كنت بالمدرسه وجوا اهلي اخذون ومادريت الا سيدا على البيت الجديد
ياناس ياهوه طيب ابي اودع بيتنا على الأقل ارمقه ولو بنظرة أخيره اودعه بها <<<< عاد اتحداكم تقولن شي على ارمقه <<<<اموووووووووووت عالثقافه:biggrin:
بس من جد كانت طلعتنا حزينه:frown: كيف لا وانا لم احمل امتعتي بنفسي بل قشتها امي دون علم مني وتركوا مالا نحتاجه وغادروا
طيب واللي مغبي اشياء ورا الدولاب والا فوق الصخانه مايحق له ياخذ اشياءه!! <<<<وشوله مغبيه اكيد انه اشياء مشبوهه والا ضاقت الأماكن
اقولكم ورحنا لبيتنا الجديد وماانسى تسدحنا كلنا عالسراميك بالصاله لأن الغرف مابعد خلصت
نرجع لأمي وتطورها
في ليلة من الليالي قال والدي لأمي<<تذكرون اسم ابوي تراي دايم لاحطيت حوار دار بين امي وابوي ارز اسمه يالبيه <<<<من حينها تكبكب عشياة اهلها
بس هالمره مانيب حاطته بحط اسم امي عاد انتم بالأخير جمعوا اسماء عايلتنا الكريمه وابحثوا عنا
اقولكم قال والدي لأمي سوف اشتري لنا دشاً..
امي: كلا يارجل لا نرديه فهو فتنة.. ولن أُدخل شيء يفتن أبنائي وهم في أخطر اعمارهم <<<مدري انا ذاك الوقت محسوبه معهم والا لا
ترا كان عمري 29 <<تهقون هالعمر خطر :blink:
نرجع للحوار
ابي: لكني اريد ان اتابع أحداث العالم عن طريق الجزيره والعربيه
امي : اذهب الى اصحابك واشاهد عندهم ماتشاء
ابي : هذا منزلي ولن اذهب الى اياً كان فأنا حر <<<<تحسون بعد هذا المشهد ابوي بيقول لأمي انتي طالق <<<لاحسين مخها المصاريه:icon32:
امي : (( تمد بوزها وتبرطم وتزعل ))
ويدخل الدش منزلنا <<<<هييييييييييييه <<<<<هذا الشيطان فرحان
وأدخل في صالتنا الرسيفر وبما ان اخي مطوع وجنبنا ساكن فقد قام بوضع قنوات محدده
وهي كالتالي (( الغصبات <<غصب 1 و 2 والجزيره والعربيه وبعض القنوات السقيمه))
طبعا القنوات الباقيه مشفره وبعض القنوات مثل ام بي سي وقنوات دول الخليج والمستقبل ول بي سي وافصخي موجودات بس ماينفتحن الا برقم سري
وبما اني سفيه على قولة اخوي فحتى انا ماعرف الرقم <<<لاحظوا انها 30 سنه وويقول عنها سفيه <<<الله يخلف
المهم مع الأيام صرت ماعاد نيب سفيه ابشركم وعرفت الرقم وصرت انا واختي نتحكم بالقنوات اللي نبيها ومانبيها وطلعنا كل القنوات بس حطينا لها تخطي
يعني امي وابوي يفرفرون بالريموت بفوق وتحت مايعرفون يطلعون المنيو همن يختارون فما تطلع لهم قنواتنا اما حنا نطلع اللي حنا نبي
ومع الأيام تطورت منفوحه وصارت القنوات ظاهره بدون تخطي وصار اللي يسوى واللي مايسوى يشوفها
وكان تذكرووووووووووووووووون امي يوم اقولكم مدمنة شعر بموضوعي ( يوم افطمون اهلي) <<<<راجعوا الأرشيف والا راجعوا مواضيعي <<<تسوي دعايه بعد هي ووجهها
ايييييييييييه تكاثرت قنوات الشعر وطلقت امي الأخبار وصار شعارها في الحياة:-
خش جو بلا مصايب بلا بوو <<<صوت قنابل<<<ما ألفته ترا ابد :biggthump
وصرنا ماعاد نشوف قنوات الا الشعرررررررررر وبس من الساحه لفواصل ومن فواصل لنجوم 4 ومن نجوم للدانه ومن الدانه للواحه وهكذاااااا
ونسينا الحروب ونسينا مأساة فلسطين حتى العراق ماعاد ندري عنها وآخر خبري بصدام يوم يشنق
ايه لين ثارت عندي القريحه وصرت مدري الا انا جادعتن لي كم بيت
وبيت مقبول وزين وبيت مادل الزين دربه اذكر مره من المرارير كتبت لوحده بيتين اذكر كنت متلصه بشاعر المليون
وفجأه بدون سابق انذار خطم في بالي اكتب شي
وانا اللي اكتب بيت ليتني ماكتبت
واحس اللي ارسلته لها تقول يازينك ساكته صح !؟!؟ ( وجه مستحي ومغطي وجهه بيدينه)
نرجع لتطور امي عبر الزمن
اقولكم صار الشعر يرن براسي
طول الوقت اسمع شعر <<<هذا وهي ماقابلت امها طول الوقت لو تقابله مدري وش بتقول
ومرررررررررت الأيام ومررررررررررت الليالي وتطورت حصيصه<<<ترا ذي امي يالبى قلبها
وبينما انا جالسة في حضن امي <<<<<ايه هين والله مايحصل لك ولا بقروش ومير لو تجلسين بحضنها تقبرينها
وبينما نحن جالسين في الصاله امام التلفاز واذا بامي تقف عند قناة ليست كالقنوات
اتعلمون ماهي افضل قناة لدى امي الآآآآآآآآآآآآآآآآآآآآآآن هي
هي
هي
هي
هي
سبيييييييييييييس توووووووووووووووووووون
ايه والله سبيس تون جعل العدو للطاعون
شيطان الناس تكبر وامي تصغر وش السواة ياناس
البلا ليت افلام كرتونها زينه كله اشياء خرافيه
والله ودي ازهم على مدير المحطه وقوله تكفى دام امي طايحتن به جبلنا هايدي والا سالي والا ريمي والا عدنان ولينا:heart:
اهم شي شين يتناظر موب ذا الكرتونات اللي تجيب المرض
بس اصبروا الحق يقال ترا ميب تناظر افلام كرتون لا لا لا لا الظلم شين
طايحتن لنا بالشريط اللي يمشي تحت تقرأ رسايل المبزره وموسعتن صدرها
وانا منبطتن تسبدي ياميمتي تكفين غيري القناة....لا ماهناش<<<هذي امي
ياميمتي بس بدور شوي بين القنوات .....زرررر منيب مغيره <<<برضو امي
يايمه بس بشوف يمكن نلقى شي زين ..... تلفزيوني وانا حره <<<وين يمه الدميقراطيه اللي يقولون عنها
عاد انا اقوله مير شوفي شريط قناة ((بدايه)) احسن تسمعين مشاكل هالحريم اللي مايجيها عيال واللي رجلها عليها يغار واللي تبي خطله تطول رموشها واللي تبي خلطتن تكبر شسمه ...الخ
اذكر وحده كاتبه سؤال بالشريط ( لماذا الرجال يخونون اكثر من النساء)
ورد عليها واحد قال ياللي تقولين ليش الرجال يخونون اكثر من النساء ترا الرجل مايخون الا لازم ومعه حرمه <<<مير من جد رده رهيب سكتها خخخخخخخخخ
وحاولت اقنعها بقناة عالم حواء
مير عيت تقول لا لا لا جازوا لي البزران ورسايلهم
اييييييييييييه يا يمه تذكرييييييييييين يوم تحلفين مايدخل الدش بيتنا هييييييييين هييييييييييييييين صدق ان الدش فتنه ودمار
عاد اليوم جتني خطه جهنميه
فبينما امي جالسة ف عصر هذا اليوم
وكانت مبحلقه( مبحلقه: متنحه ومكبره عيونها) بشريط سبيس تون
إذا برساله تقول (( ماما حصه تكفين عطين الريموت والا غيري القناة ))بنتك ....
وتطير بوهة امي وتقولي شوفي شوفي هه بسرعه وش هالصدف!!
<<<<مادرت انه بنتها ملكعه وكاتبتن لها رساله
وانا مييييييييييييييييييته ضحك
مير رحمتها وقلت لها انا اللي مرسله
يوم درت وهي اللي تموت ضحك وتقول الله ياخذ بليسك والله انك مهبوله<<<الله يهديك يمه موب شي جديد
نهاية القصه عيت تعطيني الريموت وقالت يمكن يعديونها مه ثانيه:icon32:
مايستفاد من كب العشاء:
ترا الدش ماوراه الا المصايب وان مادمر بزرانكم دمر الروس الكبيره في بيتكم
مير اللي عندها دش تقوم تنقز وتقطع اسلاكه قبل يجيكم ماجانا
ويللا مع السلامه
بس قبل اطلع احب اسلم على صديقاتي بالواحه الترفيهيه
وأخص بالسلام اصحاب المعلقات عاد مايحتاج ذكر اسماء هم عارفين ارواحهم:icon18:
عاد يللا يسد ماقرقته عليكم اليوم


<< ياويلك ياويلك طب الفار بجيبك << ومازال
<< بلا خفه دم تكفين 