~*¤®§(*§ ملتقى المغتربات في استراليا الجزء الخامس§*)§®¤*~

اهلين نجوم وش اخبارك والله شوقتيني ازور لونحونج بس بشرط تصرين المرشد السياحي لي .. بالنسبه لعيدنا اول يوم بالبيت جالسه انتظر زوجي يجيب الضحيه وماجاء الا بالليل عاد حولنا جمعتنا انا والبنات اللي اعرفهن باليوم الثاني والثالث .. اما بالنسبه عيد السعوديين اجلوه ليوم الثلاثاء علشان المطر .. تعرفين نجتمع علشان نعوض فراق الاهل ومع ذلك احس اني فاقدتهم الله يصبرنا ويهون علينا غربتنا.

السلام عليكم...

اخواتي المغتربات في استراليا...
أنا قريبا سأنضم إليكم..كان الله فلي عوننا جميعا..
وأنا حائرة في كثير من الامور أتمنى ان تساعدوني فيها:..
وهي :
1-الزوجة الحامل هل تستطيع ان تسافر بعد ولادتها مع طفلها وتستخرج الفيزا بسهولة ووقت قصير أم ان الامر صعب ويأخذ وقت طويل بالأشهر؟وهل صحيح ان الفيزا لاتستخرج الا بعد ولادة الأم ؟
2-من تريد ان ترافق زوجها في البعثة وتدرس معه كيف لها أن تدرس ومعها طفل رضيع؟هل هناك حاضنات يأتون للبيت؟ماذا تنصحون بخصوص هذا الأمر وعن عمر الطفل المناسب لبدء الدراسة في أقرب فرصة ممكنة؟هل تستطيع ان تجمع بين الدراسة والعناية بطفلها والاهتمام به؟علما ان الدراسة ستكون في الثلاث سنين الاولى من عمر لطفل أشد الاوقات حرجا يحتاج فيها الطفل لأمه؟
3-ماهي أفضل معاهد اللغة في مدينة ملبورن للنساء؟وهل فيها حضانة للأطفال؟.
4-هل يمكن الدراسة للمرأة متحجبة في جامعات استراليا ومعاهدها من دون اي مشاكل..؟
5-ما رأيكم في ذهاب الزوج المبتعث وحده الى استراليا مدة 3 اشهر الى 6 اشهر ثم بعدها يأخذ زوجته وطفله بحجة تعلم اللغة من الصفر وتدبير شؤون السكن والسيارة وكذلك أن يسكن مع عائلة لدراسة اللغة بشكل اقوى وافضل؟

اهلا حبيبتي واضح انك حايره مره بس انتي توكلي على اللهولا تشيلين هم شي

1- بالنسبه للفيزا اذا طلعتيها قبل ماتولدين ماينفع لان راح تضيفين المولودج بعد الولاده للجواز يعني بتغيرينه (ما جربت بس اتوقع)وان شاء الله ماتطول من اسبوعين لشهر بالكثير

2-بالنسبه لحضانات الجامعه اللي عندنا لازم يكون عمر الطفل فوق سنه وانتي راح يكون صعب عليك اشوف البنات اغلبهم درسوا يوم صار عمر اولادهم سنه يكون اسهل لك مع العلم انه فيه حضانات للرضع وما انصح تجيبين وحده للبيت ماتدرين عنها شي

3-في الحقيقه ما ادري عن ملبورن بس ان شاء الله البنات يفيدونك

4-بالنسبه للدراسه ان شاء الله ماتواجهين مشاكل عندنا بنات متنقبات ومرتاحين مره بالعكس يحترمون المتحجبه هنا

5- كل زوج وحسب رأيه اذا كان معنده لغه يخاف يورطكم معاه وصدقيني هو المسكين راح يتعب كثير بدونك مع انه كثير رجال هنا جوا قبل زوجاتهم وتعبوا (عشان يحس بقيمتك)

يابعد عمري شكلك شايله هم لا تضايقين نفسك وانتي حامل وخليها اجازه عند اهلك من مسؤلية البيت والزوج وكلها كم شهر توليدين بالسلامه وتجين عندنا
الله يهون عليك ويقومك بالسلامه ولاتنسين تستودعين الله زوجك دايما ادعي ان ربي يحفظه وتصيرين احلى وحده في عينه

واي استفسار اسألي لاتستحين

حياك الله يازهوقه علميني بس متى تجون وارسل لك رقمي

صحيح الجمعه ماتعوض عن الاهل بس تونس تنسين شوي

احنا في عيدنا كنا مبسوطين الين سوا فقره ماراح اسامحهم عليها ابدا مهما سو
جوا امهات بعض البنات وحطو انشوده عن الام وسوا حلقه وقعدوا يدورون (احنا ماحسوا فينا)ووووووووواااااااااااااء طبعا العبره خنقتني ودموعي فضحتني (كني بديت اكتب شعر الغربه تطلع المواهب)يعني لازم يغيايرون بأمهاتهم مايدرون اني ولهانه على امي بدون شي والانشوده تقطع القلب تخلي الواحد يصيح بدون شي

الله يهديهم لو خلونا على وناستنا كان احسن

السلام عليكم ورحمة الله وبركاته
كل عام وانتم بخير عسى عيدكم كان حلو الله يجمعنا في اهلنا على خير يارب
انا استفدت منكم كثيربصراحه وحبيت افيدكم بهذا الموقع الي طاح بين ايدي بالصدفه فيه معلومات عن جميع الحدايق في ولاية فيكتوريا بس صراحه مابعد رحت لاي وحده منهم
www.parkweb.vic.gov.au